يمكن

يمكن ، ويمكن ماتوديك ديره .

[يمكن @__3aao]

انا وياه مثل اللي . . يحاتي واحدٍ يغليه
يشوف ان المفارق صعب لكن شايلٍ همّه

يقول الموت لامن صار دوني تقدر أنك تجيه؟
وأقول الموت وينه ياحبيبي . . واتجه يمّه

- جابر ال دجران

[يمكن @__3aao]

رضا البشر ماهوب آية منزله
خل العقول الطايشه في طيشها

احيان تفكيرك يحل المشكله
واحيان حل المشكله تطنيشها

[يمكن @__3aao]

إن تكلم : ودك " تقابله " . . و تلد فيه
وإن سكت ودك تجيه وتحبّه مع فمه :)

بندر الدويش

[يمكن @__3aao]

الغياب اللي خذاك و حطني في وجه ليلك
المفارق شي حاصل و الظروف العوج تنحل

ليه اضيق بـ غيبتك لا رحت و ازعل من رحيلك
والله اللي راد احبك ؟ والله اللي راد ترحل

محمد بن عوير

[يمكن @__3aao]

تمايلي والليل تَوّه ليه أنام؟ وكيف أنام؟
جُودي على روحي من الموجود مرة ثانية

الحين حتى لو يروح الليل ما راح الظلام
مدري متى لون الحياة يْعود مرة ثانية

تمايلي يا أم العيون السود وإن قالوا حرام
تمايلي يا أم العيون السود .. مرة ثانية

[يمكن @__3aao]

أنا ماودي أشكر في حياتي غير " أبوك العود "
مسوي له جمايل بعد ما جاب أجمل سلاله :)

جمال بندر

[يمكن @__3aao]

أعتقـد والحيـاة بكبرهـا "معتقـدْ"
مُبتداهـا وصول، ومُنتهاهـا رحيـل

عش كمَا شئت لا مُكره ولا مُضطهدْ
وأيقنْ إن ما ورى غيب المنايا دليـل

من رضـى الهينة ما جابت أمه ولـدْ
لو تسامـى بمال وجاه يبقـى ذليـل

لا تـحـاول تكـون "المنتصـر للأبـدْ"
أصعب من الجميل إنك ترد الجميل

[يمكن @__3aao]

طال السهر والهجر بانت مواريه
والوصل لو نستلحقه فات أوانه

عليك ياللي دونك العمر ما أبيه
لو إنّ هيله صافقٍ زعفرانه

منيف الجراش

[يمكن @__3aao]

حتى لو إن جداني هل الخيل
ماقد تذريت بالأسم الرباعي

دخلت في الساحه ومثلت لي جيل
بقوتي وبجنوني وإندفاعي

ماخذت حقي بفزعات الرياجيل
بذراعي الله يخلي لي ذراعي

فهد قطنان

[يمكن @__3aao]

@m7tmm الله

[يمكن @__3aao]

وقّفت لك كل القصايد على ساق
و ثنّيت لك كل الهقاوي و بارت

ظنون وأحداث ومشاوير وفراق
ماكنت متوقع بعضها و صارت

مشاري محمد

[يمكن @__3aao]

@lsriill الله

[يمكن @__3aao]

ترا ماينفعونك شلة التطبيل
تبي تموت ومكانك ماتعداني

تتحداني وانا ما اشوفك بـ دربيل
انا مدري على وش تتحداني

ترا الروس الكبيره ما تشوف الذيل
لا تبلشني ولا .. تقعد تبلاني

تمنّو طيحتي قبلك ضعوف الحيل
وطاحو كلهم واحد ورا الثاني.

[يمكن @__3aao]

@lsriill الله

[يمكن @__3aao]

الإيمان بالله لا ضعف يضعف الرجال
دخيلك يا رب البيت لا يضعف ايماني

يا غياث أغثني والله اني وصلت لحال
ما يفهمني إلا واحدٍ جاه ما جاني

فهد قطنان

[يمكن @__3aao]

@2aril6 الله الله

[يمكن @__3aao]

لا متى وأنا أعشقك في حدود الأحترام
المحبه مالها إلا .. البساط الأحمدي :)

لهفة العاشق .. تجيبه بـ نزعات إنتقام
إعذريني كل ما جيت جية .. معتدي !

ما إنتظرت إلا ( لياليك ) يا بدر التمام
لو تغنج لي .. ليالي الثرياء ، والجدي

عويد النجود

[يمكن @__3aao]

ظني إن قلبي تحرّك من محلّه
يا دواء قلبٍ من الحرمان صدّا

هاك قلبٍ قد عروقه مضمحلّه
قدّه اربه على الحب . . يتقدّا

إن صلح لك زين وإن ما جاز خلّه
" منت بـ أول واحدً فيه يتردّا ): "

علي الدعيه

[يمكن @__3aao]

@subiie7 الله

[يمكن @__3aao]

@83jmi 👏🏻👏🏻

[يمكن @__3aao]

@Fahad_Qatnan 👏🏻👏🏻👏🏻👏🏻👏🏻