Olivia
Online
محمد بن عبدالله اليوسف
@__5mohammed
"تَوَفَّني مُسلِمًا وَأَلحِقني بِالصّالِحينَ"
Kingdom of Saudi Arabia
Joined April 2019
28 Following
105 Followers
461 Posts
Pinned Tweet
للروح رب و للـمـقـاديـر كافــل
يعطيني اللي ماسأل وش عطيته
اعوذبه مـن قلب لاهي وغافـل
ومن ذنب يحجب دعوتي لادعيته
والله إن لي على فتنة نحرها عتب
كيف تسرق عيوني كل ماجيت أخيل
قبلة الله على هاك الجبين الخضب
والله أكبر على هاك الـحجاج الأصيل
في ثــغَـرّها عسـل سدر ومربى عنب
وفي طرف وجنتيها شي من هالقبيل
كل ماقلت ابنساها وطاح الحطب
ولعت فالحنايا شي مثل الفتيل
طبع الكريم مْعان مادامه يعين
لوشاف ميلات الزمن وإنعواجه
لامن نصيته ماتعذرْك بعدين
ولايعقّد قدم عينك حجاجه
وألا البخيل اللي رصيده ملايين
يموت مايقضي مع الناس حاجه
وترى البخيل الساكت أبرك من الشين
اللي جمع بخل ونفاق وسماجه
لسانه أطول من رقاب البعارين
ويمينه أقصر من كراع الدجاجه
الآدمي لــو يـحـد الـسيف ويـسله
الرزق مـاهـو مـصادم قوم ومواجه
لـو يتعب لكل حـاجه ماكتبها الله
بـ يعيش ويموت ماحصّل ولا حاجه
دروب المراجل يا رفيقي تبي رجال
يشمّر لها وقت الشدايد طرف كمه
ماهي بالرخوم اللي جداها بقيل وقال
عفون الرجال بمجلس العفن ملتمه
نعرف السمن واليا دغث بالسمن دجال
أبو سمن له سمنه وأبو سم له سمه
ما يملى فرغات المكارم سوى الافعال
رجال الهمم ما تارد الا على الجمه
اعرف ان الطواري ما تمّر إلا تجيب احباب
يجي طاريك كن البال في جدول مواعيده
َ
ادوّر لك عذر ياللي تدوّر للغياب اسباب
يا شبه الكلمه اللي بعدها غصّه وتنهيده
َ
من آداب الفراق إنّك تصون العهد للغيّاب
اخاف الجرح يهدى وانت تلقى عذر وتزيده
مع العزله احس بقناعة رضى وشعور
لو اني من الايام فيني وما فيني
وادور على كسب الجمايل بدون قصور
ولا اعطيت ما ادور من الناس تعطيني
واسامح واعذر الناس لو ماني بمعذور
وعسى الله عن الناس وعطا الناس يغنيني
عسى راسي بطيب الوفا والنبا مذكور
وعساها على الماجوب ما تقصر يديني
قلبي تعود وصار مع الليالي سمووح
وعيني مثل قلبي السامح وعقلي ذكي
قد ضاع مني رفيق وضاع مني طموح
ولا زلت فـ وجيه صكات الزمن مرتكي
نصبر على لوعة الفرقاء ونزف الجرووح
ومن طبعنا لو نذوق الموت مانشتكي
قال ابن القيم -رحمه الله-:
«لو كشَفَ الله الغطاء لعبده، وأظهرَ لهُ كيف يدبّر له أموره، وكيف أن الله أكثر حرصًا على مصلحة العبد من العبد نفسه، وكيف أنه أرحم به من أمه لذابَ قلب العبد محبةً لله، ولتقطَّع قلبهُ شكرًا لله»
قال الحسن البصري - رحمه الله -:
يا ابن آدم بع دُنياك بآخِرتك تربحهما جميعاً، ولا
تبيعنّ آخِرتك بدُنياك فتخسرهما جميعاً.
ياصاحبي هقوتك فينا ماوالله تخيب
اضرب بنا الكايده ونجيب ناموسها
حنا ربينا على فزعه وجزعه وطيب
روسن تصادم كبار الروس وتروسها
تطيب الايام والا جعلها ماتطيب
الطيب في روسنا ماهوب في روسها
يارب وان ضاقت عليّ الوسيعه
انت الذي لا ضاق صدري اناجيه
وعبدك لو ان الوقت عيّا يطيعه
ما ينحني راسه لغيرك ويرجيه
ربي اشرح لي صدري ويسر لي أمري واحلل عقدة من لساني يفقهوا قولي
أعز ما املك في حياتي علوّي
وأشد ما اكره فالحياه الدناوه
توي على تنزيلة الراس توي
راسي عنيد ولا براسي فضاوه
القبر والا ياسلامه سموي
علقم مرار الصبر عندي حلاوه
انا مطيحي ياسلامه مدوي
ماهو مطيح اللي يجي بالهراوه
تضيع صكات الزمن في هدوي
ضياع دمعة طفل وسط الشقاوه
طرف الليل والذكرى القديمه هواها
يستفز السكوت ويستثير المساري
كل ماقلت بسلا من طواري غلاها
مرّني طيفها واقتاد معه الطواري
ان تغاضيت كبدي من يبرّد لظاها
وان تجاهلت من يقدر يرد اعتباري
كل ما اذكر ليالينا وذروة صفاها
كن جوفي عليه اتحدّ حدب الشباري
لولا الظروف اللي تحد الرياجيل
وتبيّن اللي دون واللي سنافي
والله ماتعرف زحول المشاكيل
ولا شفت فالدنيا مجمل ووافي
يبين لك يوم الشدايد حلاحيل
ولا العوافي كل ابوها عوافي
سواليف قالوا فيك ولا قالوا فيّ
هذي مالها خانه وذي مالها خانه
لكم دينكم ياهل الحكايا وديني لي
ويبي يحاسب ابن ادم على منطق لسانه
ورفيقٍ يعاتبنا ويزعل على اتفه شي
مانبغي معه رفقه ولا نبغي ميانه
علينا من الدنيا ضغوطٍ ماهيب شوي
وهو يحسب إن الله خلقنا على شانه
كبّر وسادة راسك الطيّب ونم
واتركني آخذ بالأمور انفهاقه
اللي تبيه ابشر على خشمي وتمّ
مادام لي في ماتورّيت طاقه
لو مأنت أخوي أخوي وألا ولدعم
ماعندك ألا من يبرّ الصداقه
انا مع اهل الكيف ماني مع الكم
ولالي بعسرين العلاقه علاقه
لواتضايق نوب ماأمدح ولاأذم
اساير العالم بفن ولباقه
ماني غبي بس أتغـيـبا مع الناس
وأشوف شي ٍ ما تشوفه عيوني
يا اللي نظركم متر في متر لا بأس
أنا بعيد ٍ يقصر الشوف دوني
حنا تعودنا على كل نوماس
وأنتـو تعودتو لكلمة عطوني
لا يهمك طاري اللي يقول ولا يطول
وشرهة اللي كل ماقالوا ازهلها زهل
التشبث بالتواجد على شان الوصول
يشبه التشدّد اللي على ضعف وجهل
خل من بينك وبين التمادي والفضول
شومة اللي لا وقف مابحل ولا وهل
الحضور اللي يجمّل يجي حسب الاصول
والحضور اللي يخجّل ماحنا له بـ اهل
Trends for you
Most Popular Users
Elon Musk 
@elonmusk
240.2M followers
Barack Obama
@barackobama
119.3M followers
Donald J. Trump
@realdonaldtrump
111.6M followers
Cristiano Ronaldo
@cristiano
109.3M followers
Narendra Modi
@narendramodi
106.9M followers
Rihanna
@rihanna
97.4M followers
NASA
@nasa
92.1M followers
Justin Bieber
@justinbieber
90.6M followers
KATY PERRY
@katyperry
87M followers
Taylor Swift
@taylorswift13
80.8M followers
Lady Gaga
@ladygaga
72.4M followers
Kim Kardashian
@kimkardashian
69.5M followers
Virat Kohli
@imvkohli
68.9M followers
YouTube
@youtube
68.6M followers
Bill Gates
@billgates
63.5M followers
The Ellen Show
@theellenshow
62.5M followers
CNN
@cnn
61.9M followers
Neymar Jr
@neymarjr
61.5M followers
X
@x
60.9M followers
Selena Gomez
@selenagomez
60.1M followers