يالربع هذا سناب ينزل كل يوم صفحه من القران الكريم ، والله انه افضل من مليون سناب ولاهيب معطلتك من شي ذالصفحه ماتدري يمكنها تشفع لك في يوم من الايام ولا تدفع عنك بلا ، الله يطول عماركم جميع ولايروّعكم بـ غالي 💛.
هذه القصيده مهدآه من الشآعر الكبير / عبدالله بن زويبن الحربي للشيخ/ شديد محمد الهماش آل سعد #قحطان رحمهم الله تعالى بعد ما انهى خلاف قضية تصعب حلها وهي من نوادر الشعر الشعبي في باب المدح 🚨
سلام تسليمٍ مثل ريحة الهيل
من دلة اللي في حفونه يكيلي
ما يشري الا بالقطم والسرابيل
ماقط بهرها من الجنزبيلي
يدفع من أقيام البهم والمخاليل
ليا انزنق يفهق عليه العميلي
ليا استدار الظل صف المعاميل
على قطر منساب كسر الكحيلي
وكنس برجله الحسك والسماليل
ومد الفراش ودن زين الصليلي
اليا رفع نشوفه وشاف الازاويل
كل ديره جاه عابر سبيلي
تقل معه صكٍ مصدق على النيل
شامل وراعي ملك ماهو وكيلي
وجميع ما فوقه من آشجار ونخيل
يبلش اليا طاح الثمر بالمشيلي
لو ماتحت بيته من الخزن والكيل
الا بقايا كيس تمرٍ حويلي
وألذ من در البكار الاباهيل
في محلبه ماهو حماضة صميلي
بأرضٍ خلا مادخلوها العماميل
وسط الشبوك ولا استخفن جفيلي
لهن مداهل الجوازي مداهيل
خضر الفياض اللي هواهن عليلي
حيرانهن مع دربهن بالغماليل
تضيع من طول النصي والشتيلي
عليك ياللي في وجيه المقابيل
تضحك اليا دلهم حجاج البخيلي
ضحكة فرح ماهي تصنع وتمثيل
رمز الاصاله للعريب الاصيلي
مجلسك مدهل للرجال المشاكيل
يكض في سمحين الاخلاق ليلي
على علومٍ صدق ماهي طهابيل
معها دليل و لردى ما تميلي
تشرح صدور مدورين التعاليل
ويضيق منها صدر راع النقيلي
وكيفٍ حماره في بطون الفناجيل
خضاب عذراءً محربه للحليلي
وصواني تملا من الحشو والحيل
على الطلب تصميمها مستطيلي
مبطي وأنا اسمع عنك بعض التفاصيل
ولقيت فيك اكثر من اللي حكيلي
أصلك عريب وذكرك آشهر من سهيل
وسيرتك قدوت كل شهمِ نبيلي
طيبك شمل سكان ديرة هل الفيل
لباست العكفا دروع الدخيلي
عقب الحرايب بينهم والمصاويل
اللي تشعثر كل عظم جليلي
بأسباب قاع مال زرعه محاصيل
قبس زند قبسونهم بالفتيلي
ماقط بهرها من الجنزبيلي
وكل يقول أنا عن البغي والميل
بعد السماء مير البلا من قبيلي
حتى علي دور عليها مداخيل
عجزوهو رجل سياسي و حيلي
عقب الهدير انحاش واسثفر الذيل
وقعد عليهم بالمصايب يهيلي
وقد عجزت قبله رجالٍ حلاحيل
مير انت يالهماش وجهك طويلي
كللت جهدك يا أبيض الوجه تكليل
ونجحت في حقن الدماء لا تسيلي
واصلت جهدك يابعيد المواصيل
وعودت في نوماس واجر و جميلي
خليت بالجاه القلوب المغاليل
مثل الثياب البيض عقب الغسيلي
لك العكيمي وابن عثمان تجليل
تنازلوا عن دم مية قتيلي
وسبعين من غير النساء والجهاهيل
اللي عليهم مال رمل الثميلي
وكم واحدٍ فكيت راسه من الشيل
يدهله السياف حد الصقيلي
لا يطعم العيشه ولا يمرح الليل
بيت العنابر يدرج بالشبيلي
عليه سم أم العيون المظاليل
طول الفراق ولا تبي له بديلي
عيونها يمك تحرى المراسيل
عيون بدو للحيا تستخيلي
من عقب مسح دموعها بالمناديل
قلت ابشري يأم خصرٍ نحيلي
أليا تردى حمل زمل الجماميل
ثوى بعضهن وامرحم بالمقيلي
مافيه غيرك يذكرونه اليا قيل
وين انت ياللي للعلايق تشيلي
لو ننخل عيال النسا بالمناخيل
اللي نبا نلقاه مثلك قليلي
قليل شكلك بالرياجيل بالحيل
هذا اذا ماهو بالمستحيلي
وبكل جيلٍ للمراجل رياجيل
يذكرهم التاريخ في كل جيلي
عبد الكريم الشمري يعطي الخيل
وانته بوقتك تعطي آخر مديلي
ياما عطيت مطورٍ ما مشى ميل
الا من الميناء لحوش الوكيلي
والجود ما فلس رصيد الزناقيل
والبخل ما تجر قليل الحصيلي
قد قيل ما يطلع ربيعٍ بلا سيل
ولافيه سيل بلا خيالٍ ثقيلي
ما ينبت الديره رشاش الهماليل
ولا تقطع الفرجه مرقت الهزيلي
والله ليبقى حي جيلٍ بعد جيل
بيت لمسلط يوم قالوا هبيلي
قالوا هبيل وقلت شيخ المهابيل
هذال طيب ولا صحاوة ذليلي
بشديد الهماش سقت التماثيل
سوق الركايب مسرعات الشليلي
حديتهن لين استقلن جواديل
حدي المجوخ للحصان الاصيلي 🚨
كيف أقول إنك جبل و أقول ظلّك مثل ظلّه
و أنت ما يقصر ظلالك و الجبل يقصر ظلاله
طبت فـ الناس القريب و طبت فـ القوم المهلّه
من هو إللي مسّته حاجه .. ولا مرّيت باله ؟
لا تدور عون مخلوق يا "عبدالمعين"
وانت مسلم معك دعوه وهذا سوقها
الظروف تزين وتشين وان شانت تزين
مستحيل انها بـ تبتل على طاااروقها
كل ماتقوى وتقسى نهايتها .. تلين
كل قوّه ؟ قوة الله تعالى فوقهااا
كان زانت فـ احمد الله رب العالمين
وكان شانت فـ اطلب الله يفرّج عوقها
ادري انك حلم والحلم يمكن مايطال
لكن انا راضيٍ فيه جعله مايصير
اتركيني بين الاحلام انا احب الخيال
الخيال احلى من الواقع .. الواقع مرير
همّي اللي كل ما اقفيت ناداني تعال
والله ليقعد يطااارد ليا اليوم الكبير
هارب من اغلال صوته واطارد لي غزال
ورافعٍ صوت ابو نوره محمد للأخير
ماعاد قصرت فالتقصير
ومليت من كلمة ادمح لي
وتبي الصراحه من الاخير ؟
عشرتك ماعاد تصلح لي
فكرت واسهبت فالتفكير
في حل اشوف انه اريح لي
عكس اتجاهك بـ احث السير
وكفوف حبك تلوّح لي
صار اللي ماكنت ابيه يصير
ولامعك فرصه توضح لي
ماكل غلطه لها تبرير
وقتي مايسمح لي ، اسمح لي
في وجيهنا قامت تكشر وجيه الشهور
وش هالنصيب المصيب اللي زوانا زوي
دنيا مانقدر نمشيها بـ دهن السيور
ولا عاد يقطع ضمانا كل عدٍ روي
الظاهر ذنوب اهلنا في قديم العصور
قامت على روسنا مثل النجوم تهوي
على جماجم شيوخٍ عرضوها الطيور
وعلى كم مراحٍ التفتوا عليه ضحوي
متى تعوّد يا عود الراك
غيبتك همّي وغربالي
صبرت والصبر مايخفاك
مر طعمه مهوب حالي
لايلحقك شك ياشكّاك
تراك في ذمتي غاااالي
ياوجد روحي على لاماك
وجد اليتامى على الواالي
طراة العلاقه لاتمادت على الشرهات
وجاك الولد منعور والبنت غندوره
وصالك يرجع نبض قلبي وهو موّات
بس الزين يلعب في غروري يامغروره
ماعرف اتحكم في شعوري مع الحلوات
انا نفسي امّاره على البنت الامّوره