هَـــاء

"تغريدات مبنية على أحداث حقيقية"

[هَـــاء @___h2771]

﴿ كُلُّ نَفْسٍ ذَائِقَةُ الْمَوْتِ ﴾
اللهم احسن رحيلي إن حان وقته.

[مطلق @zrv98]

الوكاد/
أنتي امرأة مهيّئة للشِّعر حتى في أتعس حالاتها

[هَـــاء @___h2771]

لا تعطي الوفا للي عن الطيب مقصور
ترى بعض القلوب إن زاد حبك تهينه

[هَـــاء @___h2771]

معك صادق الا كل ما قلت كيف الحال ؟
هي الكلمه اللي مقدر اصدق معك فيها

[هَـــاء @___h2771]

الفرصه السانحه بادر لها لا تفوت
وان كان فاتت فلا تطرد ورا الفايته

ولا يزين الكلام إلا يزين السكوت
ولكل حالٍ وله وقته ،، وله غايته

فلا تجيب الكلام إلا عليه الثبوت
ما يبعث الله نبي إلا ومعه ،، آيته

ولا تعيد الكلام وتبعث اللي يموت
ما تستصيغ الرجال اللقمه البايته

[هَـــاء @___h2771]

القلوب مدرّبة وصل وقطاعة

[ناصر الحمادين @nalhmadeen]

عيّد علي وادمح لك التقصير
اللي لحقني منك قبل ايام
..
عيديتك ترى لها تاثير
مفعولها يكفي سنه قدام
..
كل عام يا اجمل قلب وانت بخير
وكل عام وانت الحب والالهام
..
وجهك يضم النور والنوير
والعيد فرصه والعيون حيام
..
وانا اتثيقل مير قلبي طير
كفخ بجنحانه وصوبك حام

[فراج بن رزاح @aburzah12]

الشمس في بطن البحر نصّها ماع
كنها عن اللي بان دمعه .. توزّت

اتقول إلي رجعه تنسيك الاوجاع
ماكنّها اللي بالغروب .. استفزّت

عادة مواعيد السرور .. التمطاع
والضّيقه اليا لمّح الصدر .. فزّت

روحي ثلاث ارباعها في .. تمزّاع
ولا على اللي مِزع منها .. تعزّت

فقدت حرٍ صاحبه مابعد .. جاع
جمرة فراقه بين الاضلاع .. لزّت

ترادف الايام ماسك .. وقطّاع
وسكيّنها لاناشت الكبد .. حزّت

ياما بغينا والبخت مابعد طاع
وظروفنا باللي حلمنا .. تهزّت

العاصفه خلّت مجاديفي .. ارباع
واللي نشدني قلت .. ماغير هزّت

اللي تفاصيله على الناس تنذاع
يمناه بالملّه على الجرح .. كزّت

لو ف الكلام .. من المتاهات مطلاع
نفسي علي من قبل مشكاي .. عزّت

[هَـــاء @___h2771]

فيه أمورٍ ما يجوز العذر فيها و التغاضي
لا وصلنا عندها حطّيت قلبي تحت رجلي
—عناد الشيباني

[هَـــاء @___h2771]

تغافلوني و استبيحو عيوبي
على الأقل أرتاح من سيئاتي

عموماً أنتم لا خذيتو ذنوبي
خذو بعضكم و آطلعو من حياتي

—ناصر بن فهيد.

[هَـــاء @___h2771]

يا حبٍ توقعت الليالي تنسيني إياه
على بالي إنك منت طاري على بالي

- فهد بن قطنان

[هَـــاء @___h2771]

عن الثقة بالبشر مبطي وأنا تايب
الماء لو أقدر غسلته قبل ما أذوقه

- خالد عياد

[هَـــاء @___h2771]

النومه هاذي نمتها قبل عامين
ولا أدري كيف أعفاني الله عنها

جتني مواريها بعشرين عشرين
وثلاثة وعشرين ونيت منها

كبرت عشر سنين في أربع سنين
لاكن ليا هالحين أدفع ثمنها

ماودي أوضّح جميع العناوين
يا حي عين اللي جروحه دفنها

[عبدالرحمَن السَّمي @9iy_i]

عسى ايامنا هاذي فدا ايامنا هاذيك
—عبدالرحمن بن جزاء.

[هَـــاء @___h2771]

رحم الله راحلًا طابَ ذكراه و حسُن أثره
اللهُم ارحم أخي وموتانا و موتى المسلمين .

[هَـــاء @___h2771]

حبيته حب إلين اليوم نادم عليه
ولو يرجع فيني الزمن ؟ كّان حبيته

[هَـــاء @___h2771]

«حتى لو ارجع على اللي ضيّقو بالي
لا يمْكن ارجع على اللي خيّبو ظنّي»
— خالد مبارك

[هَـــاء @___h2771]

المحبة لو إنها تغلب .. الإلتزام
ماخرب شي في صدري بعد ما عمر

خالط الجمر والما في رجا الإنسجام
يخسر الما ومن عقبه يخِسر الجمر

شوفني صرت مدري وين ؟ لكن حرام
بين نصف العمر واقف ونصف العمر

سيد النور وادعني وجاب الظلام
لوّح بكفه اليمنى .. وطفىّ القمر

[هَـــاء @___h2771]

لا واهني اهل القلوب المهابيل
ما لاعت الفرقى كبار الدروبي

قررت اغامر واتعب النفس بالحيل
و اقول ياربي تسهل دروبي

ارمي حياتي في الشبك و المحابيل
وابيع عمري في سبيل محبوبي

اما يروح ابعد من الجدي و سهيل
ولا يصير اقرب من زرار ثوبي

- عبدالله بن شايق

[هَـــاء @___h2771]

« من عذاب الذكريات أحتاج لي صبر و عزيمة
ليت دون الذكريات القاسييه عازل حراري »

[هَـــاء @___h2771]

"اللهمَّ ارحم أخي بعدد ما رُفعت الأيادي لدعائك"