SaraAlnasser

القصيد اللي يجمّل ذائقة قرّاية

[SaraAlnasser @___sa55]

الله يرحم مريم حبيبتي اللي كانت دنيتي وضوها *.

[SaraAlnasser @___sa55]

ودي أسخر لك الدنيا و مافيها
وتعيش عمرك عن الآلام ما تدري

و أشيل حمل الليالي عنك و أخفيها
من عيني لكتفي ومن كتفي لصدري

[SaraAlnasser @___sa55]

لا تقول ان الضغوطات أبعدتّني
لقني وجهك وأنا اللي ب أتصرف

أستبَاحت عيّنك حماي ورمتني
وأنا من حماية "الحد المطرف"

[صورة وعنوان @10_4I]

"لو تقتحمني عاصفة وتزلزل أركاني ريـاح
صوت الأمل فيني يقول: إن العواصف بتهدأ.."

[SaraAlnasser @___sa55]

نحن نتمنى وأنت الله

[SaraAlnasser @___sa55]

توادعنا و انا كاره وداعك و انت نفس الحال
ورحت امشي وفي صمتي ثلاث اصوات مسجونين

بكى واحد ، وواحد قال لاترحل ، وواحد قال
عسى ان تكرهوا حاجه وهي خيرٌ لكم بعدين

[محمد المقحم @mohamed6290]

اللي مخلٍي حبها ما ينسى
غير القباله والملاحة والجمال

فيها ذكا ماهوب في روس النسا
ومروةٍ ماهيب في روس الرجال

#محمد_المقحم

[SaraAlnasser @___sa55]

الا يالله اغفر زلتي ياغفور ويارحيم
أنا عبدك اللي تحت عفوك وتحت إرادتك

والا يالله افتح لي من ابواب رزقك ياكريم
وأعني على ذكرك وشكرك وحسن عبادتك

[SaraAlnasser @___sa55]

كان عندي طموح وصار عندي قناعة

[SaraAlnasser @___sa55]

عزاي إني على قيد الأمل لو السّنين تميل
مثل شمس تعدّاها المغيب ، وتنتظر بكره

[عبدالله السراهيد @Alsraheed]

يارب هبني من لدنك أعلى درجات اليقين
لا تحرم مْن الاجر نفسٍ بـ الصبر متحلّية

أطلبك لا تجعلني من الشامتين المبتلين
ولا تعرّضني « طريق » العالم المتبلية

الذكريات اللي .. يلاعبني هواها كل حين
على مرارة قسوة الدنيا ماهيب محلّية

أحس باحساس متقلّب لاسعيد ولاحزين
وآعيش وظروف الحياة معلّية ومدلّية

تمرني لحظات آردد « تالي الدنيا تزين »
وتمرّني لحظات اقول ان الامور مولّية

وين الامان اللي تلاشى سبة الجرح الدفين
وين الغلا اللي كنت آماري فيه يا متغلّيه

تعالي الله لا يبيّض وجه دورات السنين
مسلّيات البال من بعدك ماهيب مسلية

ماهمني كثرة تراحيب اللسان ولا اليدين
أهم شي إن " العيون " مرحّبة ومهلّية

عن ابتسامة وجهك الملهم ونار الجمرتين
مانيب متخلي .. ولا قصايدي متخلية

وإن قلتي أستاهل شعر ماقلت لك تستاهلين
قلت بـ علو إحساس روح الشاعر المتعلية

تستاهلين اللي عليها طول يدها مرتين
أنا آتجلّى .. في حضور الطلة المتجلّية

ماعندي الا شعرٍ آذهل به عقول السامعين
شرايدٍ في كل ( روض ) .. مربعة ومفلية

ماآراجع ذنوبي وآحس إني على تقوى ودين
الا لاشفت الخصر صايم والرموش مصلية

من كل ظبيٍ شارد آخذتي قوام و وسع عين
ومن الشجر بارد ظلال أغصانه المتدلية

يا ماخذه قلب وعقل ومخليه شوق وحنين
غيرك ما خلّى شي وأنتي ماخذه ومخليه

[مبارك بن رادعه @MBnradah]

سولف علي من طيبين النوايا
ومن صبره مهادي وكفه مهيدي

عندي يقين ان الشدايد ، هدايا
ومصايد الغرات ، ماهوب صيدي

مانيب احب اللي يحب الزرايا
ويكبر المشروه ويقول ميدي

آداري ، الطيب حميد السجايا
مثل مـ اداري ، محتواي وقصيدي

واللي مافيهم طيب روس وحمايا
مـا اعدهم ، ولا اعتبرهم رصيدي

كشفتهم كشف التحالف ، قضايا
هاني بريك و عيدروس الزبيدي

حاولت فيهم من جميع الزوايا
وطاحو من عيوني وطاحو من إيدي

[SaraAlnasser @___sa55]

على فكرة
إذا مؤمن
برب الشمس
ورحمة أمس
عيب تخاف من بكرة.

[SaraAlnasser @___sa55]

والله إنها معجبه والقصايد معجبات
ما يقنّد راسها إلا القصيد النخبوي

مستعد أكسي نحرها بسبع معلّقات
كلها في مجدها والجمال الأنثوّي

[SaraAlnasser @___sa55]

أغليك جداً عسى الله لا يبين غلاك

[SaraAlnasser @___sa55]

يغيب في ساعة الشّدة كثير الكلام
ويبين لك طيبٍ وقَت الرخاء ماهرج

[SaraAlnasser @___sa55]

غديت أودّع المقفي ولا أحب أسمع التبرير
أشوف أن التفاصيل الكثيره مالها داعي

[SaraAlnasser @___sa55]

"جعل بكرة من تباشيره وزِين علومه
ما يوصف فرحته غير السجود لـ ربّي"

[SaraAlnasser @___sa55]

الله

[SaraAlnasser @___sa55]

توادعنا و انا كاره وداعك و انت نفس الحال
ورحت امشي وفي صمتي ثلاث اصوات مسجونين

بكى واحد ، وواحد قال لاترحل ، وواحد قال
عسى ان تكرهوا حاجه وهي خيرٌ لكم بعدين

[SaraAlnasser @___sa55]

اما مثل هالتنازل ولا فلاَ

ياسيدة قلبي وشيخة مقره
لك الرضى ينقاد بالطول والعرض

ماعاد باقيلي مع الناس جره
على مداهيلك غدت جرتي فرض

في كل مره لانويت اتشره
كن العيون تقول فض الزعل وأرض

انا استعد اطيح مليون مره
ولا تطيح دموع عينك على الارض