‏ً

الحمدلله دائماً وابداً

[‏ً @__lloo02]

كبرت لكن .. ما كبرت إلا على حلو الأمور
ولا الأمـور المالحه تعرف صـدور كبارهـا

أحب نفسي لا عذرت اللي مهو وجـه معذور
وأحب نفسي لا تركت عرض العرب وأسرارها

و أخاف من يوم الرحيل ويوم تنبيش القبور
كثر ما أخـاف من الذنوب كبارها وصغارها

[‏ً @__lloo02]

حدتني مقاسيمي عن الدار وأهل الدار
وغدينا عقب ما حنا هل الدار .. طرقيّه

[‏ً @__lloo02]

إن جيت قلنا مرحبا اللّٰه يحيّيك
وإن رحت منت أعز من راح عنّا

تغيب ما جبنا مجالك وطاريك
وترجع وتلقانا مثل يوم كنا

[‏ً @__lloo02]

«غاسل قلبي وروحي من محبّة غيرك
مثل ما يغسل سمين العذر وجه الشرهة»

[‏ً @__lloo02]

« معطيٍ غيرك — تقاليد المطوّع
و أنت تمرح فالحشا والقلب راضي »

[‏ً @__lloo02]

« والله أحبك لو إنك شوكٍ يجرح أشجاني
بعيّشك داخلي — و أعدك ضمادٍ لي »

[‏ً @__lloo02]

يوم يجرحني ويقسى ما بخلت بـ ردي
من غلاه احفظ عن سهوم الكلام لساني

كان يتمادى وأنا مثل الغشيم أعدي
ما درى إني نادر الأشياء ما تخفاني

والله إني يوم أقفي وأتركه ما ودّي
غير هاقي به يراضيني .. ولا راضاني

[‏ً @__lloo02]

« أشـرب على وجهـك . . ثلاثيـن فنجـال
مافي داعي للحـلا وانـت موجود »

[‏ً @__lloo02]

جعله ابرك يوم وابرك الو وابرك صباح
وجعل ماقد مرني منك لـ عيونك فدا

نبرتك تحمل شعور التراضي والسماح
وضحكتك كنها تنادي ولبيت الندا

كل صبح في بزوغه بشاير وانشراح
فيه من وجهك ملامح ومن صوتك صدا

[‏ً @__lloo02]

كل هوى ماهو هواك بـ حياتي! أعافه
ومايشد الوجد اللحون العذبه إلا لحونك

قلبي من جور الزمن زايد رهافه
والقلب رغم ذلك حالفٍ مايخوونك

[‏ً @__lloo02]

لنا مع اهل الطيب حق ومواجيب
وان زادو اهل الطيب بالطيب زدنا

[‏ً @__lloo02]

وش تبي امر وألبيك يالوجه الضحوك
انت ما تستاهل تحس بإحساس العنا

لك بقلبي عرش الأسياد واحكام الملوك
شيل من ودك تشيله عساهم للفنا

ما ينافسني بمحبتك بعد امك وابوك
غيري انا واعوذ بالله من كلمة انا

[‏ً @__lloo02]

@nl87_ كلها قسمه ونصيب ب الاخيير

[‏ً @__lloo02]

@true8_ سرعه التخطي عنده

[‏ً @__lloo02]

أنت لو انك تبي تسج عني أو تتوب
ما عاد فالثنتين حيله ما يمدي تهتدي

لا أستمالت يم قلبك ذعاذيع الهبوب
بتذكر حسن وجهي على وردٍ ندي

ثم عاد الله يعينك على قطع الدروب
لا أشتحن صدرك من الشوق وين تغدي

[‏ً @__lloo02]

« حتى قهوتي المُره بطاريك تحلى »
❣️

[‏ً @__lloo02]

" والرُوح في رِحَاب مكةَ أتسعت "
الحمدلله 🕋🩶

[‏ً @__lloo02]

إستعذت من الدروب اللي نهايتها حسافه
قبل ترميني ملذات الزمن .. في جوف غبه

شيمة الانسان ميزان اعتداله وانحرافه
تنذره لا شافت الاوضاع ما هي مستتبه

إن عجزت إنك ترد النفس عن شيٍ تعافه
ماقدرت تحط نفسك فالمكان اللي تحبه

[‏ً @__lloo02]

لامرني طيفك تقهويت وياه
طبعي كريم وطيفك اغلا ضيوفي