محمد بن عبدالله

(رَبَّنَا لَا تُؤَاخِذْنَا إِنْ نَسِينَا أَوْ أَخْطَأْنَا)

[محمد بن عبدالله @__mba26]

﴿وَاتَّقوا يَومًا تُرجَعونَ فيهِ إِلَى اللَّه﴾

[محمد بن عبدالله @__mba26]

اكلت عمري بالندم والتحاسيف
وخسرت في زهرة شبابي شبابي

لا قلت صدي ياسهوم الصواديف
قالت وش اجمل من صدور المرابي

جريح والدنيا ماجت لي على الكيف
وسكرت عن بعض المشاريه بابي

العين صدت عمد والخاطر معيف
عن الظنون اللي سعت في عذابي

[محمد بن عبدالله @__mba26]

تغاضي ياعيوني والسنين قصار
ما دام الليال لا أنصفني ولا أنصفته

أحب اللي مضالي وأكره التكرار
وأشوف إللي يخوفني ولا خفته

غريب شعور والواقع غريب أطوار
كثر ما كنت راضي كثر ما عفته

ياكثر إللي تحاشيته يصير و صار
و يا كثر إللي تمنيته و لا شفته

[محمد بن عبدالله @__mba26]

أحبك حسبي الله ليت ما لك في سماي بروج
ولا لك في البسيطة كود شي بينك وبيني

دخيلك لا تلفت رح بفالك واترك المرجوج
تغانم ما بقى لك ولا انا ما عاد يمديني

[محمد بن عبدالله @__mba26]

تاهت على دروب الحقايق خطايه
تبدلت سحب الاماني عواصيف

واخذت من وقتي بما فيه الكفايه
سبحت في همه من السيف للسيف

[محمد بن عبدالله @__mba26]

حيل الله اقوى والخطا وش خطايه
خطاي ماجالي زماني على الكيف

من اول بداية رحلتي للنهايه
وانا على جمر الشتا في حطب صيف

في كل يوم اعيد نفس الحكايه
والله مدري وش حصلي ولا كيف

ارضي وهي ارضي تحارب سمايه
وايامي اسوء والليالي ملاقيف

[محمد بن عبدالله @__mba26]

اليوم ماعاد به شي يهقويني
الوقت بوار والنخوات معدومه

وقت شكوه القريب والبعيديني
عقب الصخا والرخا شلفاه ملحومه

يشقى بن ادم وهو مخلوق من طيني
ويرجع على حفره بالطين مردومه

كم مريض يعيش شهور وسنيني
وكم صحيح رقد والنومه النومه

لو هو بوسط الاقارب والمداويني
ماينفعونه بشي لادنى يومه

[محمد بن عبدالله @__mba26]

ابتسم ماكني اللي من شقى الايام شاقي
وابتسامات الحزين اشد واقسى من دموعه

ليت كسرة خاطري في ساعدي ولافي ساقي
المظاهر زايفه والناس في الناس مخدوعه

[محمد بن عبدالله @__mba26]

جاملت لي غالي على شان ابرضيه
واثري ارتكبت اكبر خطايا حياتي

لبست لي ثوبً ولا ني براعيه
وضيعت ذاتي كلها بوسط ذاتي

كبوة حصانً ليت مانيب واليه
طاح وطرحني من على الطايلاتي

غلطة عمر ساقت علي المشاريه
وسجدة سهو تاجب علي بصلاتي

[محمد بن عبدالله @__mba26]

مهما تردى وقتنا لازم نطيب
ما نكسر بـ خاطر ولا نجرح شعور

نعاف من ينسى جمايلنا ويعيب
ونحب من ينصح إذا فينا قصور

نموت من خذلان صاحب أو حبيب
ونعيش لو أقدارنا عيت تدور

ان ما حضرنا بـ ما يجملنا نغيب
بعض الغياب أجمل كثير من الحضور

[محمد بن عبدالله @__mba26]

راحت حياتي بين خيره ومقسوم
صابر على حكم القدر واختياره

ماني على تبرير الاعذار ملزوم
حيل الله اقوى ياحياة الخساره

[محمد بن عبدالله @__mba26]

مروعني الوقت لو ياخذ طموحاتي
وتروعني الناس في صدمة مباديها

بارد ولا عاد شي يلفت انتباهاتي
تمرني أشياء ماتمشي أمشيها

مسكر أذني ومقلل علاقاتي
تساقط الناس من عيني واخليها

[محمد بن عبدالله @__mba26]

لانوم معتدل ولا خاطر طاب
والسهر مع الهوجاس مصيبه

منهو يواسي لامن الظن خاب
والفؤاد المنجرح منهو طبيبه

[محمد بن عبدالله @__mba26]

الونه الي تغيب شهور وتعود
صرت اتمنى لها طيب الاقامه

جاء للمشاعر ماجاء لاصحاب الاخدود
شكراً لظلمك على حسن اهتمامه

واللوم شيخ وراه جروحي وفود
ان مد يمناه عز الله مقامه

وفاي مثل الشجر واوراقه عهود
حطي على غصن شوقي ياحمامه

[محمد بن عبدالله @__mba26]

بين الصبر والصمت والخاطر الشين
ماقلت يا ليل العنا وش جرالي

ومن كثر صدماتي بناس عزيزين
قمت اتحرى صدمتي من ظلالي

[محمد بن عبدالله @__mba26]

انا واحدٍ يضحك حجاجه وصدره غلق
يبي ضحكته وظروف الايام مانعته

تدور الليالي بين ضيقه وعبرة حلق
وانا الطيب اللي دورة الوقت موجعته

اجامل وانا دمي حياوي ووجهي طلق
وصبري بصدري لا شريته ولا بعته

[محمد بن عبدالله @__mba26]

ياعلي اخذت من الليالي والايام
درسٍ يجوز اني درسته لحالي

ماهو بدرسٍ بالدفاتر والاقلام
لا بالله الا اصعب دروس الليالي

درسٍ ملكت به الهقاوي والاحلام
وكسبت منه النادرات الغوالي

وكشف لي وجيه الحقايق والاوهام
وعلمني اني ما اتجاوز مجالي

[محمد بن عبدالله @__mba26]

تحمل ياصدري أدري إن الصبر طال
وإن الدنيا زودت علي بلاويها

لكن دام العبد على جزا صبره ينال
اصبر ياصدري ونشوف وش تاليها

اما تزين ويغدي حظي عالي العال
ولا العوض في جنه وعدنا الله فيها

[محمد بن عبدالله @__mba26]

على مفرق بدايات الجروح ودمعة المقهور
عرفت ان الزمن لا شان وجهه ماتت امالي

اشوف الحزن ما خلا على وجه البسيطه نور
اجر الصوت و اغني على جرحي و ترحالي

اوسع خاطري و ادري تضيق من الهموم صدور
وعسى الله ما يطوّل ضيقة الخاطر على بالي

[محمد بن عبدالله @__mba26]

قفلت بيبان المشاريه ياسعود
ماعاد فيني للمشاريه طاقه

الي يبي وصلي له الوصل معقود
بوصل معه لاخر حدود العلاقه

والي يبي الفرقى ببادله بصدود
في ذمتي ليسبق فراقي فراقه

[محمد بن عبدالله @__mba26]

نشيل ما شالوا هل الطيب ونقوم
من فضل ربي ما رجينا الخليقه

فـ صدورنا ضيم وغرابيل وهموم
ونموت مانبدي على الناس ضيقه