𝚁

[𝚁 @__rak71]

كل زله على شانك تطوف
والعذر بينا ستر وغطا

حتى لو كانت عيوني تشوف
أنتي الصح وعيوني خطأ

[𝚁 @__rak71]

انتي سؤالٍ وصف شعري جوابه
و انتي بدايات الهوى و النهايات

انتـي نقيـض لـ كــل هـم و كـأبه
و انتي سبب كل الفرح و المسرات

[𝚁 @__rak71]

عشانها لو يظما الخاطر وتشف بي عروق
سقيتها عمري ولا شفت الذبول بروحها

أخاف من غيمة زعل تحجب عن المبسم شروق
وأضيق لو شفت الكدر داهم نواحي بوحها

[𝚁 @__rak71]

طغيتي فالشعور وكل مافيني لزينك راق
على نورك اسري القاف ما هي عندي صعيبه

بعد عتمت قصايد شاعرك صرتي له الاشراق
ومن بعدك يعود الشعر في عزه وفي هيبه

عيون الظبي وخدود ليا ابتسمت تناثر عاج
وعنق كل سلسال يتمنى بـ انه يزهي به

[𝚁 @__rak71]

على خطوَ رجلك تنبت الارض بـ الازهار
قوامك مـاهو عادي ولا مبسمك عادي

بعد ماعرفتك صرت اشوفك ربيع ودار
ماشوف الاراضي شي واشوفك بـلادي

[𝚁 @__rak71]

وشهي حياتي لو اني معرف اوصالك
وانتي على الليل الاسود شمسً مطلّه

ماغاض برق السحايب غير سلسالك
ودّه لو يلوح في عنقك ويحتلّه

[𝚁 @__rak71]

ضحكتك بلسم جروح وطلّة البدرَ بجبينك
وشوفك الفوز الحقيقي بعد الاعياء والغليبه

وش يجيب الغيد في يوم التحدي عند زينك
وانتي المتفـرّده على البعيده و القريبه

[𝚁 @__rak71]

عشم قلبي انه يتبعك لـ آخـر المشوار
مثل بيعة اللي دون غـالينه امـفـادي

لو ادروبك مخيفـه ماعـنّك يمين يسار
اشوف ان جرحي مله الا انتي ضـمادي

[𝚁 @__rak71]

الجهد لا من صار لـ رضى خاطرك جهد مخلوف لو كان أجيب البدر في كفّك وأجيب المشتري

أنتي شعر وجه الشجاع اللي ما يربكه الوقوف
قولي وش اللي يعجبك بالكون كله وأبشري

[𝚁 @__rak71]

"ان حزنتي مابقى عندي ولا مصدر سعاده
كيف ابلقى شي يسعدني ليا صرتي حزينه ؟

تصبح الأصوات خرس وتصبح الألوان ساده
وأشعر اني فالخلا الخالي .. لو إني فالمدينه"

[𝚁 @__rak71]

خلّي لي الضيق وانتي لا تخلّيني
وان دار وجه الزمااان اندسي خلافي

لا يدخل الخُوف قلبك لا تحاتيني
مادامني بخير وفي صحة ومتعافي

انتي في وجهي من الايام صدقيني
لك الله اني لوقف وقفة سنافي

[𝚁 @__rak71]

جيتي مجيّ الفرحه اللي ضحّكت وجه الحزين
جادت بك الايام واثرّت في عيوني مدّها

قدام لاتنطق شفاتك والله إنُ عذرك سمين
لك وحشةّ قد خيمّت بين الضلوع أشدّها

[𝚁 @__rak71]

"ما بين سحر المفاتن والضمير النظيف
وشلون ما اقول تفرق عن جميع الملا

العود ماله شبه والوجه ماله وصيف
جمالها يستحق التضحية والولا

في صوتها من قناد الراس فنجال كيف
لو كان ما تنطق إلا مرحبا يا هلا"

[𝚁 @__rak71]

"كل يوم أحبك وأتعلّق من جديد
موجودة بقلبي لو يقل الوصل

محد ملى عيني قريب ولا بعيد
ماهمّني غيرك لو أرسَل واتصَل

ياكثرهم.. لكن عددهم مايفيد
كل المعارف فرع بس أنتي الأصل"

- فارس فايح

[𝚁 @__rak71]

"دارت الايام وأنتي مثل ما أنتي
تجبرين كسور قلبي بـ إبتسامه

تنكسف شمس المحبه لا حزنتي
ما على جرح الهوى غير الملامه"

[𝚁 @__rak71]

"هاتي مايوجع قلبك وهاتي الضيق
ونامي قريرة عين لا يزعجك شي

دام الحزن ماهو على وجهك يليق
يبطي يشوهلك ملامحك وانا حي"

[𝚁 @__rak71]

"ضايقه ياسلوة العمر والخلق البديع
جعل من هدّف لك الضيق يحرم من هله

السعاده في عيون الحزن قامت تضيع
والسكوت احيان ماهوب حل المشكله

إبكي وخلي هل الابل تباشر بالربيع
انتي دموعك حياة الديار الممحله"

- مبارك بن ناصر

[𝚁 @__rak71]

"هي سبة جروحي ولكنها فدى عن كل جرحٍ قد مضى سامحتها

سمّوا علي من كل طيحه ما عدى
الطيحه اللي في هواها طحتها"

- مبارك المطرباني

[𝚁 @__rak71]

"لو ماسكنتي جوفي المزهر؛ ترا ماهوب جوف
صدري لو إنّك ماترشينه وِصال أصبَح خَـلا

ماعندي إلّا حبّك أحرِم له و ألبّي له وأطوف
وأشهَد على نفسي بتقصيري وأقدّم له ولاء "

-فارس فايح

[𝚁 @__rak71]

"لاتناظرين السّنين أنتي عوض صبري
لو ينفتح باب قلبي كان وريتك"