ِ

[ِ @__rkadh]

مشغلني التفكير في بعض الامور
تجمعت في وقت واحد كلها

محتاج لي مخرج ومنفذ للعبور
للشجرة اللي تحتويني ظلها

صبرت فالدنيا وانا ماني صبور
شيبت من كثر الهموم وحملها

احلام في عقلي وفي راسي تدور
بس النهايه ما قدرت اوصل لها

[ِ @__rkadh]

خلوني اخذ راحتي وارتاح من ضيق الخناق
محتاج لي سجه تعيد الراحه المستبعده

[ِ @__rkadh]

"حزين و ما ذكرت الا أنت و هذه ميزة الغالين
ينسينا الزمن و الْيا ذكرنا الحزن نذكرهم."

[ِ @__rkadh]

أخي الراحل إلى السماء تركت شوقاً لا تخفيه السنين، وذكرى لا تمحوها أشغال الحياة، رحمك الله وغفر لك يا أغلى من فقدت 💔

[ِ @__rkadh]

تبكي على اخوي عيونٍ غشاها
دمع أمتلى في موقها مايكفيه

وتبكي عليه اللي كرامٍ لحالها
ويبكيه ابن عمه ويبكيه بناخيه

ويبكيه ورعٍ ضايقٍ من غثاها
جاره وأهل بيته ومن فيه يبكيه

[ِ @__rkadh]

فاقدك .. كني ضريرٍ فاقدٍ عقبك عيونه
يتلمسّ نصفه المفقود في بابه وجدره

[ِ @__rkadh]

انا كيف ابسلى واتماسك و ألمّ شتات
وفقدك خصيم سلّ في وجهي سيوفه ؟

[ِ @__rkadh]

فقد الموت يربّي، تكون منغمسًا في الدنيا فإذا به يتخطّف فجأه أغلى ماتحب، فتتساقط عليك الحقائق كأول مرة، فكلّ ما ظننت أنه باقٍ فهو زائل، وكلّ ما ظننت أنك تعرفه لا تعرفه، وكل ألم قبله ترفًا، وكلّ وجع بعده هيّنًا، فيصبح مرور الأيّام حادًا على قلبك، وتمشي بين الناس بجرحٍ لا يبرأ.

[ِ @__rkadh]

أتبع سكينة شعورك قرب وبَعد
ولا تعتذر للوجيه اللي تودعها

لا طاب قلبك لكل الناس ما تسَعد
بعض الاوادم يتعبها تواضعها

البرق لولا غيوم السيل ما يرعد
والعين لولا الحزن جفت مدامعها

الرزق له موعده و الحب له موعد
أرزاق ربي على العالم يوزعها

[ِ @__rkadh]

أنت طوقٍ حطه الله في إيدين الغريق
وأنت ريف العمر عقب السنين الغابرة

[ِ @__rkadh]

"روحك أم الخزامى لو كلتها الدهور،
عادها الوجهة اللي تستحق الرحيل.."

[ِ @__rkadh]

تعال إقلط وسولف معي يانسيم الليل
أنا والله إن لي مدّه أحس بالغربه

عن الناس أغيب شهور وأطلع طلوع سهيل
عساها تباشر بي مثل ماتباشر به

يازين السعه والبعد عن قوم قال وقيل
وعن اللي لسانه يمنع الناس من قربه

لسان البذي ماكنّه إلا لسان السيل
يجيب الخفيف الساقط اللي على دربه

[ِ @__rkadh]

يارب انا في حاجة الْعزله ، لْوقت
تعبت اجاملهم بوجهٍ مشحِّب

هَبْ لي رفيق يقدِّر العشرة ان ضقت
لا غبت يعْذرني والى جيت رحَّب.

[ِ @__rkadh]

"إستضاق المدى وإستاحشتك المداين
مابالأعذار عذرٍ منك لجل أستميحه

أحسب إن قدري إليا غبت ماهو بهاين
مير كثرت سكاكين الجمل في مطيحه

كيف وأنت اللي أحضانك حبيبي جناين ؟
ماتذرّيني من الخوف لا هَّب ريحه

كان ماتدري شسوا بي الشوق عاين
الوله لو تخبيه الملامح .. فضيحه"

[ِ @__rkadh]

ولَستَ تدري هُدوئي كَم يُكلِّفُني
وكَم دفعتُ لهُ مِن مُهجَتي ثَمنًا

[ِ @__rkadh]

ما دام حبّتنا ، قلوب الطيبين
ما نبغي قلوب الرخوم اتحبّنا

[ِ @__rkadh]

جيت هارب من تعب روحي وصرخة ظني
من عطش حرّ السنين .. وقسوة مْعاملته

أنت غفوة راحـة المُنهك! وضحكة سنّي
مروي عْروق الشعور اللي تحوم أسئلته

يا ظلال الروح.. وش خلّاك تزعل منّي؟
وانت عارفني! أحنّـك من شقاي إن قلته

تدري إنك سيّد إحبابي وتدري إني
من كثَر ما ودّي أرضي خاطرك زعّلته !

[احمد بن ساير @ahmsno]

اعَرف السهر لا حط يمناه في يمناي
واخذني ودوّج بي طريق المسا كله

وقبلي إمرؤ القيس انذكر فيه رايح جاي
بكى فيه واِستبكى وانشهد يحق لّه

[ِ @__rkadh]

بيّن على الوجة من كثر الذنوب الشحوب
يارب تعلم بتقصيري ماهو من هوان

داخل على رحمتك تغسلني مْن الذنوب
لو سيئاتي تبي غير رمضان .. رمضان

[ِ @__rkadh]

فاضحتني دموعي والعرب لو تروف؟
افهموا من (سياق الدمع ) يوم انتشر

زيف الاحلام يُرسم في غبار الرفوف
صرت شاعر بعد ما مات فيّ البشَر !

يحسبون القصايد من خيالي وصوف
وانا خافي علومي بالقصيد انتشَر

[ِ @__rkadh]

لو تحيط المنايا بـ المُنا و الشفوف
ما يهمّ .. المهم مالي بقلبك خِشَر

و كان ما جاء بعد صفحك مصافح كفوف
الامل في لقاء .. حِسناك يوم الحشر