سعود بن عبيد ال شلوان

[سعود بن عبيد ال شلوان @__sm77]

روس النشاما تنعرف فالشدايد
و لا الرخا كل الأوادم نشاما

[فزاع @fza5111]

إطلق عنان الفكر والشوف مدّه
ترا العمر سجّـه والأيـام تذكار

[دمــث @v80r_1]

مابـارت اهدافي لو إن الزمـن بـار
العزم مثل البحر ماله نهايــه

مايصنع التاريخ من هاب الاخطار
ولا رقا في قمة المجد تــايه

ولا يعلم الانسان عن بعض الاقدار
يمكن بعد خط النهايه بدايـه

[دمــث @v80r_1]

اتعـب ورا حلم عقدت الامل فيـه
لو مابقى من عمرك الا شرايد

[العـاهل @all_3jmii]

تالي الأيام .. فيني على ( الخوّه ) عزوف
مستعد أخسر ١٠٠ شخص و أربح لي ثنين

كل عام تثور بندق على روس الصفوف
نحتمي .. لكن وين الحمايا و أنت وين ؟

مصلً نفسي قصاها و ملحقها حسوف
يوم ألقّم .. داير ١١ مشط ( المارتين )

_ فارس الحشار

[ماجد بن مهل @majed_almhl]

من فك للخبلان باب الميانة
قاموا عليه بكل حاجة يمونون"

لذلك "الرسمية" زينه غالبًا

[‏᷂عسر٨٨ @Qhta10ni]

الحر لاشاف الزله سترها
والردي يحسبها غنيمه

[سعود بن عبيد ال شلوان @__sm77]

مخبّل اللي يحسب ان الهقاوي ما تخيب
قد هـقينا في الثريا . . و طاحت في الثرا ..

[‏᷂عسر٨٨ @Qhta10ni]

لو طالت الذكريات اللي تسّريني
باقي معي جرح كنه من حد اخواني

[دمــث @v80r_1]

الا يـارفيقي .. والله انـك وسيـع بـطان
ولا ابيك تاقع بالخطا وانت خابرني

مثل ماتشاورني .. على الوزن والقيفان
ياليتك على بعض السوالف تشاورني

عبدالكريم البدراني

[بآد | @yyd5m]

انا في رجا الله ، ما ترجيت مـّد الغير
ولالي ورا المقفين لاشرهه ولا حاجه .

[د.محمد نايف الهاجري 🇰🇼 @mhamadalhajr]

أيام لا تُعوّض.. لا تحرم نفسك أجرها

انشر تؤجر ويستفيد غيرك 💐

[نقطه حزن . @BRwwmm]

يـ صاحـبي الله يـمسيك بـالخير
عقب البطى بنشدك وشلون حـالك

مـن بيننا رفـقه ومعـزه وتقـدير
وقـلّ اتصـالي يوم قـلّ اتصـالك

قفـت بك الايـام مـن دون تبرير
وجعـل الفرح والطيب فالي وفالك

وإن بعـتني عشان هـرج المعاذيـر
يـاما حكّوا بـك وإحتميـنا مجالـك

[سعود بن عبيد ال شلوان @__sm77]

عزة النفس تمنعنيّ من إني أعيش ،
في رجا مقفي .. ما جاه مني خطا !

[سعود بن عبيد ال شلوان @__sm77]

نحمد الله على نعمه التي لا تعد ولا تحصى
حمداً كثيراً طيباً مباركاً نحمده ونشكره ..

[د.محمد نايف الهاجري 🇰🇼 @mhamadalhajr]

يا طيب الرجال اللي يبرر لأصدقائه

يقول الشاعر خالد الخمعلي

(( رفيقي الطّيب ليا زل مرّة..

زلّته أشوف انها زكاةٍ عن الطيب ))

تحياتي لكل طيب وسنافي 👍

[جزاء الغيداني @j94iii]

تزعجني افكاري وانا "عبد الحليم"
واضدها بـ امر المعين المعتني

واتحمل الخافي وانا "عبد العليم"
لو انه ارهق روحي وعل بدني

ولو تقسي الايام انا "عبد العظيم"
اعظم شؤني للمشيئه تنثني

ولو يمتحني جانب "الفقر" اللئيم!
ما والله اخافه وانا "عبد الغني"

اضرب مخاوف بكره بخوف القديم
بني الهدام أخير من هدم البني

[‏᷂عسر٨٨ @Qhta10ni]

نغفل عن الآخرة رغم إن فيها خلود
والحرص كله على الدنيا وهي فانيه

[مبتسم @ie__79]

ردد معي الان

"اللهم كما سيّرت الجبال سيّر لي رزقي ونصيبي وأكرمني بكرمك وأعطني ما أتمنى"

[فزاع @fza5111]

الحياة الفانية كلها نقطة عبور
ليه اعلق حبل الآمال في حبل الرجا

لا طغوا عِبادة الوقت و الدنيا تدور
ما حسبت حساب منهو غرق ولا نجا

اترك العالم تنافس على حب الظهور
و اظهر بوجهٍ يبيّن لو انه في دجا

[جابر بن علوش @J3losh]

مديت شوفي بعيد ورحت اسوق جملي
من شاف حوله ما شاف الا الشقا والعنا

قد علمتني " الحياه الفانيه " ما يلي :
لاتنتظر " رد طيب .. ولا تدوّر ثنا "

من ادرك رضاي جعله ما يشوف زعلي
ما عاد اقدم هناك .. ولا اتراجع هنا

حتى اقرب الناس لا من شاف نفسه علي
صديت لين الحياه تعلمه : " من انا "