ّ

مشاعر فيّاضة و إفلاس لغوي

[ّ @__uel]

ما كل زولٍ يعوض بزول ولا كل الأزوال مملوحه

[ّ @__uel]

السموحه مابقى عندي كلام
كل مافيني من احساس انمحى

قلبي المجروح داويته ونام
حاول انه يجرحك بس استحى

[ّ @__uel]

ما تدري إنك من الجلّاس سارقني ؟
أجلس معاهم وفكري يتبع طيوفك

[ّ @__uel]

ينعاد عيدي معك
يامحلّي أعيادي ❤️

[ّ @__uel]

عفى الله عن كلامٍ في حنايا الصدر ما ينقال
تركته للزمن لو هو ثقيل وجمرته حيّه

وعفى الله عن همومٍ ما تخلي مستريح البال
يعيش أيام عمره في صفا ذهن وصفا نيّه

وعفى الله هواجيسٍ توقف بي على الإطلال
تعيد الذكريات اللي مع الأيام منسيّه

[ّ @__uel]

حاول انك بالحياة تصير واضح و انتقائي
بالكلام وبالقصيد وبالدروب .. وبالرفاقه

[ّ @__uel]

أكافح سرايا ضيقة الصدر بالتسبيح
مثل ما تكافح رمدة العين بدواها

تطيب الجروح الواجده والهموم تطيح
من القلب كان الله بلطفها تولاّها

عسى المقبله فيها من الجود هبة ريح
وعسى الماضيه تغفر من الله خطاياها

[ّ @__uel]

بعض المواقف مالها أي تبرير
تراكمت وأنا عدوي عتابي

أعاتبك مره على شأن تقدير
عنواني يمكن ماوضح من كتابي

وأعاتبك مره كأسلوب تحذير
إما اعتدل ولا خصيمك غيابي

والثالثة لو توقع النفس وتطير
لي عزة تفرض عليه صوابي

اللي يحب رضاه برضاه بيصير
إلا الكرامة جرحها من عذابي

[ّ @__uel]

أتعقل في ديارك وأتجرَّد من سيوفي
كل ظل معك أحبه كل دربٍ فيك أضيعه

[ّ @__uel]

ولا أجامل بأحاسيسي ولا أقبل في الهوى إحسان
ولو صدقي يخسرني .. تشرفني خساراتي

[ّ @__uel]

انتي من يومك أعجوبه ونسلك نسل حور
-ماتعدّوك العذارى مشي ولا حبي -

[ّ @__uel]

لو بقى للهيل صبر على فوح الدلال
ما بقى للقلب صبرٍ على شي يجيه

[ّ @__uel]

فدوتك روحٍ ماهي بمحبّتك مغترّه
يابعد ناسٍ تدانيني — ولا ادانيها

[ّ @__uel]

يوم يجرحني ويقسى مابخلت بردي
من غلاه احفظ عن سهوم الكلام لساني

كان يتمادى وانا مثل الغشيم اعدّي
مادرا اني نادر الاشياء ما تخفاني

والله اني يوم اقفي و اتركه ماودي
غير هاقي به يراضيني ولا راضاني

[ّ @__uel]

أنت اللي خسران يوم إنك تزعلني
ولا أنا واااجد أحبابي و خلاني

إن كان ربي عطاني عمر و أمهلني
مصيرك تشوف من يندم على الثاني

بتجاهلك مو بس أنت اللي تجاهلني
عهدٍ عليّ إني أنسى مَن تناساني

و أعاملك مثل ماشفتك تعاملني
و إن قالها الله يجيك مثل ما جاني

[ّ @__uel]

أحبك حسبي الله ليت مالك في سماي بروج
ولا لك في البسيطة كود شيٍ بينك وبيني

[ّ @__uel]

يقولون سارق نومه العين ماهو لص
أجل وش يسمّى سارق القلب من يومه

صباح الوفا والساعة الآن سبع ونص
بتوقيت قلبي و أنت قلبك على نومه

[ّ @__uel]

ساعة العاشق مع خلّه .. دقيقه
والدقيقه في رجا الميعاد ساعه

[ّ @__uel]

ماهقيت الحب يجعل من بني الانسان هايم
حتى عشت الحب وادركت التفاني والخذيله

[ّ @__uel]

حاولت اتوبك وماتطري على بالي
لكن لقيت الحنين اكبر من التوبه