عبْيد

#محمد_عبده ، #محمد_فطيس #محمد_ابن_الذيب

[عبْيد @_a28r_]

أشرب على وجهك ثلاثين فنجال
مافيه داعي لـ للحلا وانتِ موجوده

[عبْيد @_a28r_]

يالربع ياللي نومكم فالمخابي
محدٍ يسلفني من النوم غطّه ؟

[عبْيد @_a28r_]

من حرة الفقد وانواع العنا
اخاف لا يارث الحزن ولدي

عييت لا اسج من حبك وانا
اسج حتى من اللي في يدي

[عبْيد @_a28r_]

يوم جيت ديار .. أبو سودٍ مظلّه
لـ القدم وقفه و لـ القلب إلتفاته

ماختصرها فـ السلام و رحمة الله
" السلام و رحمة الله و بركاته "

ودي آخذ عندهم ( فنجال دلّه )
و نفسي أوّل من كلاني بـ الشماته

يرفع الرجال . . صبرً في محلّه
و يرخص الرجال كثر محاولاته

[عبْيد @_a28r_]

الي يبيك يجيك لـو دونك قيود
يكسر على شانك خشوم الصعايب

واللي يبي فرقـاك لو دروبك ورود
ما جاك لو انك من ادنـى القرايب

[عبْيد @_a28r_]

عيد الله عليكم مبارك
وعساكم من عواده 🤍

[عبْيد @_a28r_]

على الهون ما حنّا على القاسيات جداد
تشين السنين تزين قد هي عوايدها .

[عبْيد @_a28r_]

كسرت كل ابواب وصلك من الطرق
وغيرك - طرق قلبي ولاني بصوبه

واللي يريد الوصل يامكثر الطرق
لو وقفوا كل - العرب في دروبه

[عبْيد @_a28r_]

طريقٍ يعرضك المناقيـد . . لا تمشيـه
لونك تشوف احلام عمرك على ارصفته .

[عبْيد @_a28r_]

أنا تقهويت ياسي، والسهر غرّني
لا الدرب دربي ولا هذي وجيه اصدقاي

[عبْيد @_a28r_]

حنا حرار وكل حرٍ جزوعي
ما تمشي العوجاء .. علينا مدانيق

سبيل بن سند رحمه الله

[عبْيد @_a28r_]

يا معرّضٍ هقواتنا الشارع العام
لا عاد تمشي معترض في سنعنا

الظاهر إن فعولك علوم وأفلام
لو بنتسّمع في سوالفك ضعنا

حنا لا قمنا في طلب حظّنا قام
ما قد مشينا في لزوم ورجعنا

"مسنّعين أمورنا طول الأيّام
وإن جيتنا نبي نسنّعك معنا"

[عبْيد @_a28r_]

من تمسّا في مزوحك، وصبّح في نداك
اشهد انه من هل الخير واصحاب الغناة

[عبْيد @_a28r_]

أبيك تحفظ صورتي ولا تضيعها
وخلها معك يمكن مع الأيام تفقدني

أما أنّت ماعليك صورتك حافظها
مكانها بقلبي وبين رمشي وعيني

[عبْيد @_a28r_]

يطيح الزعل من خاطري دام وصلك حل
وش يكون لا من صار قدام مقدارك

تجيني وانا خابر معاذيرك إخذ وخل
لكن حبّك اللي جمّل بـ عيني اعذارك

[عبْيد @_a28r_]

لا تعود ذكرياتك على شخص و مكان
و كل حاجه ترتبط بـ المحبه كبها

ولا تبالغ فـ التعلق . . ترا طبع الزمان
يسرق الحاجه على كثر ما انت تحبها .

[عبْيد @_a28r_]

السكوت ابلغ بواجد الى ضاع الكلام
يا متاهات الدليله . . وميل المتزن !

انت في قلبك جهاله وفي عينك ملام
وانا في قلبي مروفه وفي عيني حزن

- قرينيس

[عبْيد @_a28r_]

الرضا ماله صديق ليا زعل غير العتاب
والعفو ماله عذول الاّ ملام المقدره

كيف يالتوبه حضورك يبري جروح الغياب
واطهرك ذنبٍ يصك الباب دون المغفره

المصيبه لا رمى الفارس بصدره للحراب
مادرى انه كل حصني في بلاده عنتره

[عبْيد @_a28r_]

أغركم بأني أحسنَ شيمةٌ
خليقٌ وإني بالفواحشِ أخرقُ

وإنكَ قد سببتني فغلبتني
هنيئاً مريئاً أنت بالفحشِ أحذقُ

- لقيط ابن زرارة

[عبْيد @_a28r_]

لا تضريها المهابة لو بني عمك قليل
والله انهم في المواقف لك حزام ممتلي

الرسول الي جعله الله لذا العالم دليل
يوم خيبر ما تحزم غير بالحيدر علي

- بندر الشلاحي