ABF.

[ABF. @_abf97]

ياربُّ وإن عظُمت ذنوبي كثرةً
فقد علِمت أن عفوكَ أعظمُ

[ABF. @_abf97]

أنتي ومن عقبك يتوب الآدمي توبة نصوح
ما عاد يامل فالوجيه البيـض وجه ٍيعجبه

[ABF. @_abf97]

رفعان صادق يوم قال:
(يرفع الرجال . . صبرً في محلّه
و يرخص الرجال كثر محاولاته)

[ABF. @_abf97]

وَمَنْ تَكُنِ العَلْياءُ هِمَّةَ نَفْسِهِ
فَكُلُّ الَّذِي يَلْقَاهُ فيها مُحَبَّبُ
إِذا أَنا لَم أُعْطِ الْمَكارِمَ حَقَّها
فَلا عَزَّنِي خالٌ وَلا ضَمَّنِي أَبُ
وَلا حَمَلَتْ دِرْعِي كُمَيْتٌ طِمِرَّةٌ
وَلا دارَ في كَفِّي سِنانٌ مُذَرَّبُ
خُلِقْتُ عَيُوفاً لا أَرَى لابْنِ حُرَّةٍ
لَدَيَّ يَداً أُغْضِي لَها حِينَ يَغْضَبُ

[ABF. @_abf97]

" يا الأيّام.. وش باقي تخبّين يا الأيّام
عسى باقي من ديرة الوصـل نشّاده؟".

[ABF. @_abf97]

تراجعنا وجزنا عن خطانا والوله ما تاب
توديه المشاغل والنسيم العذب ياتي به

[ABF. @_abf97]

يا غايَةَ الرُّوحِ هَل فِي الوَصلِ مِن أَمَلٍ
فَقَد تَناءى لِقَلبي البَوحُ وَالسَّهَرُ

[ABF. @_abf97]

وإلا منّه سرى من كل ليلٍ حروة الثلثين
عرفت إن نسبة النسيان دون اثنين بالمية

[ABF. @_abf97]

يا حبٍ توقعت الليالي تنسينيه
على بالي إنّك منت طاري على بالي

لهالحين أجي دربٍ معك قبل كنت أجيه
على جرّتك.. جريت قلبي وموّالي

على ضيم هجرك مرهف الحس ما يمديه
اربّك ليا هالحين مشتاق لـ وصالي

إذا الشوق صدق؟ الله يحييك ويحييه
وإذا رحمه.. اتركني ويرحمني الوالي

[ABF. @_abf97]

يا ناصر الدنيا تبي "كسر روتين"
لا تذخر لـ مخباك .. غير الفعايل

لا صرت شمسٍ شارقه لـ المساكين
يفكك الله .. من نجوم القوايل

شف حالتي يوم انتصف عمري الحين
الوقت "مايل" .. لكن الراس طايل

طانخ ، ولا حنيت ظهري مْن الدَين
أحن والله "بطني" .. مْن الجمايل

[ABF. @_abf97]

رحت ادوّر فـ التفاصيل القديمه عن قديمه
اقبلت مثل الحياه .. ودبّرت مثل المنايا

وجهها وجه الصّباح اللي يداعبها نسيمه
وحسّها بين القصايد و الرسايل و الهدايا

جات واضفت لـ الحياه الفانيه معنى وقيمه
وامتلت منها الرّفوف وشجّرت منها الزوايا

قرّبت بين الجناب الدمث و النفس الكريمه
وقلّطت في خاطرٍ ملهوف وضلوعٍ حنايا

وابعدت مثل الغريم اللي تقاضى من غريمه
في نهارٍ كل شي يشاف به .. حتى النوايا

راحت الله لايعاقبها على النفس السّقيمه
ويغفر ذنب القلوب اللي على الذّمه برايا

سامح الله زلّت الفرقا وحسرات الهزيمه
كثر ما كانت سنافيّه و محمودة سجايا

حقّها عندي .. كرامة ذكرها عفّه و شيمه
ولا انا ؟ مالي عليها لا حقوق ولا وصايا

[ABF. @_abf97]

اللهم كما غسلتَ الأرض بالمطر، اغسل ذنوبنا، واشفِ مَرضانا، وارحم مَوتانا، واجعل قبورهم روضةً من رياض الجنة

[ABF. @_abf97]

غير الصدف ماعاد باقي مواعيد
لا وقفة ولا نظره ولا التفاته

تبدّدت واللي بقا لي على البيد
مغادرٍ ما غادرت ذكرياته !

اي والله اني فاقدك يا ابعد بعيد
فقدٍ على الله كيّته وعبراته

لا زال حولي من معه يكمل العيد
بس أنت كنت بعيني ( العيد ذاته )

[ABF. @_abf97]

غيره اذا كبرت الدعوة عجز فيها
وابو حمد كل ما كبرت ضحك سنه

[ABF. @_abf97]

يا مرحبا يوم اقبلت الإف ففتين
انشهد ان اقبالها يطرب البال

طيارها لا من غدى الشوف شوفين
يعجبك لامنه حداه اشهب اللال

العميد ركن طيار :
عبدالله بن محسن بن فطيس (رحمه الله)

[ABF. @_abf97]

تراكى على مركى الزعامه ياشيخ وتّك ،
وحنا معك ونمارة الغاب وسباعه

هذي دارنا اللي من دمانا عليها صّك
على حدّها لأرقابنا الخضر بيّاعه

[ABF. @_abf97]

الهوى جاب الغلا والهوى ودا
وأنت وجروح الزمن بالحشا خشره

[ABF. @_abf97]

صدري من الايام ماهوب خالي
اكافح الدنيا مكافحة الارهاب

صادمت من سود الليالي ليالي
يبلش بها سرحان كلّاح الانياب

شيٍّ ماقوله للرفيق الموالي
ولا ابيّنه عند القرايب والاجناب

واخذت قسمي بالمصادم لحالي
لا معي ابو زيد الهلالي ولا ذياب

موثقٍ في عروة الله حبالي
ومعلق الهقوة على راس مرقاب

[ABF. @_abf97]

يقدح الرجال من زنده وينفذ من ذراعه
اترك اللي عاش عمره يقتبس من نار غيره

[ABF. @_abf97]

الباب لامنّا طرقنـاه مرّه
إمّا فتح وإلّا فلا عاد جيناه
والله ي مرّه ثانيه مانمرّه
حتى ولو راعيه يومي بيمناه