عبدالله بن فهد

رجل لا يبالي ولا ينحني ولايهزم

[عبدالله بن فهد @_af81]

ومن عقبها ارحب على العسر و الين
فـ عنكنا اللي عاشقين .. لـ نسمها

[عبدالله بن فهد @_af81]

فدا رمش عينك عاشقين و عرب واجناس
يا وجهٍ بدون اشباه وان كان به قلّه

شسوي ليا من مرّ جفنك وسن ونعاس
وقامت تلاعب شعرك الريح وتفله ؟

تمرجحني طيوفك ما بين الرجا والياس
وانا والله اللي يعقد الحبل ويحله

ما اخونك لو يخون الشجر والغصون الفاس
ويهجْر الكريم البن والهيل والدله

[عبدالله بن فهد @_af81]

قدرت اتحاشى زحمة الناس بين الناس
وعجزت اتحاشى زحمة الناس في راسي

[عبدالله بن فهد @_af81]

من اليوم شرهاتي على الطيّب ما تعنيك
توكل على الله . . لا لك ولا عليك حقـوق

" إليا صرت ما تميز بايعك من شاريك "
خطير يتساوى عندك الفعل والمنطوق

[عبدالله بن فهد @_af81]

الاقيك في مطلع قصيدة ونسمة نود
وفي البدر لا ضوّى .. وفي الورد لا ندّى

وفي كل طرف أدعج وفي كل ضامر عود
وفي وجه من لبّى وفي صوت من فدّى

وفي حلمي الغادي وفي نصفي المفقود
وليل ٍ هقيت .. إنّه يعدّي ولا عدّى

[عبدالله بن فهد @_af81]

⛺️❤️

[عبدالله بن فهد @_af81]

تفرّعت لين اصفر عودك وصدرك فاع
ودهنت الشفق الأْحمر على وجهك البدري

إذا تاه منك عقد لا تحسب انه ضاع
على جيدك يذوب الذهب وأنت ماتدري"

[عبدالله بن فهد @_af81]

أنهاك عن فعلك وترجع تعيده
ماسدك من الحب دقه وجلي

في كل مره تفتعل لي مكيده
وازعل وانا ناوي اجي لك بكلي

[عبدالله بن فهد @_af81]

صباح الخير لها
ثم لبقية العالم،

أمّا بعد:
"اخذي سلامي عليتس و حبي الواجد
مع كل صبحٍ تشوفينه الى أصبحتي"

[عبدالله بن فهد @_af81]

أشرقي واضوي الدنيا موده وشوق
يا بعد من صفى لي في الحياة وبقى

طلّتك في حياتي ما تسمى شروق
اسمها: مولد آمال ونهاية شقى

[عبدالله بن فهد @_af81]

معقوله وصلنا ٢٠٢٦ وللحين القولون ماله علاج

[عبدالله بن فهد @_af81]

البارحه كله وانا خاطري ماش
بيني وبين النوم ماحال دونه

كني صويب لا توفى ولا عاش
تشرح معاناته نظرات عيونه

[عبدالله بن فهد @_af81]

كبرت عشر سنين في ظرف عامين
يا وجد روحي يوم راحت وعاينت

"كنت أحلم بحاجات واجد وهالحين
ماعاد ابي غير اني ارجع كما كنت"

[عبدالله بن فهد @_af81]

وأنا بعد رحت ما طوّلت مقعادي
مقاعد الذل نفسي ما تدانيها

أزهد بها وأترك الجمّال والحادي
والله لو تنوزن بألماس مابيها

من باعني لو تكون أجداده أجدادي
بعته و بعت الديار اللي سكن فيها

[عبدالله بن فهد @_af81]

ماورى حدب الضلوع إلا الزعل والحرّه
والطعون .. اللي غلاها من غلا راعيها "

[عبدالله بن فهد @_af81]

من لمح وجهك قباله مشى يضرب صدر
يحسبونه شيعي كان يلطم للحسين

انتي ازين.. وجه .وازين غلا وازين. قدر
وانتي اشباهك لحالك كفيتي الاربعين

ضعت عند المنحنى لين جيت المنحدر
الطريق اللي يودي على لاماك .وين

لا خدر شاهي كلامك ورمشك لا خدر
ودي .اقرا سورة الناس عند الشفّتين

[عبدالله بن فهد @_af81]

تباهى بي على ركب الحياة و جرّة المنقود
تباهى و الصباح يبّث نوره من تلفّاتك

حبيبي لا تقول إن الرضا و الجود ف الماجود
و أنا ثلثين عمري ضيعته من بسمة شفاتك

أنا ظلّك و أنا كلّك و أنا مشوارك المعهود
من أضغاث الحياة القاسية لـ أحضان ضحكاتك

[عبدالله بن فهد @_af81]

غيرك لو يسولف من السبت للسبت
ما قمت متحسف على شي فايت

بس أنت لا شفتك تسولف ؟ تثاوبت
مفعولك أقووووى من بنادول نايت

[عبدالله بن فهد @_af81]

تحلم يديني تعانق خصرك الناحل
و قصيدتي فيك عن غيري تميزني

وش قال عبدالحليم الشادي الراحل
مشتاق اشوفك اوي يا اللي انت عاوزني

[عبدالله بن فهد @_af81]

صاحبة عرش الجمال وصانعه دستوره
سيّدة عذب الوصوف معربن مجناها

ساكنه بأرض القصيد وسابحه فبحوره
كل خصله من خصال المترفه تزهاها