في بعض الأحيان ياتي للغياب احتمال
مثل احتمال التواصل في عيون الملول
و احاول اغيب و آبطي و اقطع الاتصال
واجعّل غيابي عن اللي ينتظرني يطول
بس انت ياسيد ربات الحسن والدلال
وجه البطا من غياباتك ووصلك خجول
اواااه لا نسنس الغربي وطال الضلال
وتقارب الليل وطيوفك تصول وتجول
وجعّلت في موقفً لو مر صم الجبال
آهتزت اطرافها حزن و حنين وذهول
فيه ادري ان ماصعب من الحزن بين الرجال
الا وقوف الضعيف اللي ما عنده حلول
وفيه ادري ان السنين الفانيه للزوال
اسرع من العلم / وادور من عيون الفضول
وفيه ادري اني معك و البعد منك محال
مهما تجيب الظروف وما يقول العذول
شليت فالوقت ماشلت ظهور الجمال
وعانيت ما عانت الوقفه ونقل الحمول
يعني بحبك و بشتاقك على كل حال
وان ما اعجبك كل حال احطها كل حول
ان كان حبك هبال اترك علي الهبال
أصلًا انا في تفاصيلك وفيك مهبول
ما يكفي اني لاشفتك / مكتسيك الجمال
قمت أتذكر بيوتي الاوله يوم اقول
الخمّر ماهو خمر اهل اللهو و الضلال
الخمّر ف عيونك اللي في هدبها خمول
لا سلهمت وارخت الرمشين غي ودلال
هي والله المسكرات و ( مذهبات العقل )
- مبارك بن رادعه
هزيع الليل وش خلّا النجوم مْن النجوم تغار
سقى الله لحظةٍ بمشاهد محيّاك مبخوته
عسى اللي حط في بطن السحابه وابلٍ مدرار
يحطك في يدين اللي محط اعجابك بيوته
قصيدٍ يجبر اللي يعزف إيقاعه على السمّار
يحذف الناي ويهدم المقام ويمسح النوته !
وبعد ما قرّب الموعد تهندم لـ اللقى واحتار
"وش يلبّس على عنقك من ألماسه وياقوته" ؟
(حبيبك) كان يغريه الكلام اللي معاك يدار
"كثر ما كان يغريك الكلام اللي ورى سكوته"
لو إن الوقت لوّح من بعيد و كمّل المشوار
هو أكثر من يعيش اللحظه اللي خايف تْفوته
طريقٍ ياخذه منّك -عسى ما ياخذه للنار-
لا شاف الياس باطراف الطريق يشيل تابوته !
كثر ما الشوق يلعب فـ الضلوع العوج لعب كبار
يقول الله كريم و خطّر العشاق مكبوته
لا هبّ البرد من كل الجهات ولا لقى له غار
"تحضّن طيفك اللي يدفي أكثر من دفا كوته" !
مصير (العاشق) اللي يقبّل ديارك جدار جدار
تعوضه طلّتك عن صورةٍ فـ البال (منحوته)
وإذا اللي مزعلك بانه ما قدّم للرحيل أعذار؟
يحسب انك عرفتي وش تخفي تمتة صوته
شجاعٍ تاركك عنده مع ظروف الليالي ثار
إذا ما رد وأحلامه معاه ؟ "استوعبي موته"
- خالد العراك
ماجرح قلبي ولا هزّ الفراق احساسي
ذكرياتي معك ، أنا نادم على مجمَلها
لا تعاتبني ليا من صرت مثلك قاسي
غيّرتني مجريات الوقت ، و أنت أوّلها
- عبدالعزيز العبلان
تعاتبنا بـ قسوه لين شفتك للغياب إرتحت
ذبل فيك الغلا ، و اللّي بقى ماعاد يلزمني
تساميت، و خذتني عزتي عن كل شي و رحت
و أنا في كل خطوة كنت منتظرك تكلمني
- ناصر مناحي
ياجميله من ديارك تهب الهبايب
كنها ماتهب الا على ذكرياتي
فيه جرحٍ مع الايام ماهو بطايب
كان ماداوته يمناك سبب وفاتي
تبت عن كل ذنب وعنك ماني بتايب
لو بتوبك من بيقدر يجمّع شتاتي؟
بين الاثنين ولا في دماث الترايب
دوري لي مكانٍ فيه اكمل حياتي :)
- بندر الدويش
إلا يابحر يابحر الخليج اللي على شاطيك
غلاه أغلي من امواجك ولؤلوك ومرجانك
وأنا يابحر يوم افز لامن مرني ،،،، طاريك
علشان الغلا إللي فى طرفك ماهو علشانك
تحياتي يافياض العشق ... ذيك ... وذيك
اسج القدم يمك والتفت في بيت جيرانك
- سلطان بن وسام
عزيت قلبي قبل " تحقيق غاياته "
في الهقوه اللي مع الايام هاقيها
يالله دخيلك من الوقت وحركاته
ومن الطموحات قاصيها ودانيها
اللي تعب يطرد الحاجه ولا جاته
حفاظاً لـ " صحته " لازم يخليها
العمر يقصر لو انه في بداياته
اليا بغا الرجل حاجه ما قدر فيها
- جابر علوش