᷂جــاه

لله در الي يدسم شاربه ويغبره

[᷂جــاه @_albdr26]

أغرق معك ولا أفكر في النجاة
ماعاد تغريني الحياة ، وطيشها

لولاك ماحسيت في طعم الحياة
" أنت الحياة اللي أحب أعيشها "

[᷂جــاه @_albdr26]

حبيبة عيوني، وأول الدرب والمشوار
معك يا حلو دربي ويا خفّ خطواتي

على كثر ما أخاف النهايات بإستمرار
أنا مؤمن أنك باقية في نهاياتي

أشوف الوجيه العابره مع طريق المار
ولا زال وجهك في جميع إتجاهاتي

وش البال؟ لو مافيه طاري ولا تذكار
وش الحب؟ لو ماكنتي أول علاقاتي

بعدك السماء والأرض والدار وأهل الدار
مجرد فراغ يمرني في فراغاتي

ماعادت طواريق القصيدة محط أنظار
بعد غابت عيونك عن آخر كتاباتي

تركتك على مَرْأىً من الحظ والأقدار
ولا جابتك "صدفة لقى" في محطاتي

أحبك جنون، ومرحلة طيش، وإستهتار
وأشوفك سوالف عزلتي وإهتماماتي

لو إن الليالي جارحة، والزمن دوّار
يصبّرني أنك، فرحتي وإبتساماتي

تخيّرني دروب المساري، عشان أختار
وأنا ما بغيت الّا دروبك.. يا مولاتي

أخاف إنهزامي في حياتي وأخاف النار
وأشوف إنهزامي معك مثل إنتصاراتي

وأعاف العيون الناعسه، وأكره التكرار
وأعرف أنك آخر ما بقى من خياراتي

عليك المشاعر صادقة، والغلا مدرار
وعلي أكتبك في كل بيتٍ من أبياتي

[᷂جــاه @_albdr26]

منت أكثر شخص أوجعني .. و راح
انت أكثر شخص يوجعني و أبيه !

_ علي ال صبيح

[᷂جــاه @_albdr26]

البارحه بين الجفا والصد والشعر وجديده
وش بقى لـ العاشق الي فالمحبه باح سده

مابقى غير القصيد الي على سمعه يعيده
والخيال الي يصول الكون من حده لحده

ياغزال الصيد يارمز القوافي والقصيده
ياملاذ العاشق الي شافك بعين الموده

كل ماحكتي من الكيد العظيم اكبر مكيده
عاشقك لو صـد ساعه قلبه الغاوي يرده

لايغيضك كثر ناسي دامك بـ قلبي وحيده
من بنا بيت الغلا من كل قلبه .. مايهده

استبيحي كل ضلعٍ من ضلوعي ياعنيده
واعبري بي لـ المكان الي جمعنا قبل مده

والهوى مافيه … عيب ولا حرام ولا نقيده
الردي دايم يخونه والنزيه يصير قده

مايضيع الحب في قلبي لو الخطوه بعيده
والمشاعر ماتخون القلب دايم مستعده

والله ان الخطوه الي تعتبر عندي سديده
يوم اجي داره وأقبّل وجنته وأطراف خده

[᷂جــاه @_albdr26]

سليل الديم مرباك الرياض وثوبك النسناس
مفاتنكْ العديدة خلّتك في عصرك أعجوبة

وش يْكون الشعر لو ما أنكتب في عودك الميّاس
من يْشوفك يْحلفْ إن القصايد فيك مكتوبة

أنا ماني مجرد شخص حبّك بدّ كل الناس
أنا من تزهو إنّك بدّ كل الناس محبوبه

[᷂جــاه @_albdr26]

طارقً باب السلامه .. ولا حولي سلام
كيف اعيّن لي سلامه، وليلي سرمدي

فيني مْن الضيق .. مايكبت صدور الانام
وفيني مْن الشوق مايجعل العقل يغدي

الوحيد .. اللي مابين المعارك والغرام
هو يرد الشوق … ولاّ يرد المعتدي ؟

واحدً فارق مرابيك .. ياغضّ القوام
فارق الضحكه وسافر مع الحزن المدي

من فقد لذّة وصالك تعشّاه الظلام
مغترب، لو ماتعدّيت ربعي وابلدي

في عيوني حرّ دمعه وفي صدري كلام
تايهً من وين اوقّف، ومن وين ابتدي

يابعيدة … يرحم الله لياليك القدام
يوم كان البعد مسفوه، والوصل اجودي

ان ضمينا ؟ نارد العشق ميراد الحيام
وان وردنا ؟ سالفتنا على نجم الجدي

كان عمري قبل يوم اللقاء عشرين عام
ومن لقيتك صار لقياك ساعة مولدي!

استبيحك عذر، والعذر ساس الاهتمام
من وداعً لا بكيفي .. ولا هو في يدي ):

ان قدرت اجيك، غنّي مادام الحظ قام
وان تباطيتيني" إبكي على الحظ الردي

[᷂جــاه @_albdr26]

رسالتك تعني لي الشي الكثير
لو كان بالي بـ المشاغل ممتلي

حبيتك صغيّر و حبيتك كبير
ولا على حبي ملام ولا علي

اما اني انسى الحب الاول مايصير
إلا اني انسى حب ربعي و اهلي

مستقبلي لو كان مجهول المصير
اشوفك الطاغي على مستقبلي

ابيك مستانس وابي حالك بخير
وابيك ماتنسى الغلا و ابيك لي

[᷂جــاه @_albdr26]

مرحححباً اما بعد

اذا كان عندك شخص تحلم فيه وخياله
يمر عليك بكثره
ولا يمر ساعات ألا وطيفه معك مما يدل
على كثرت التفكير والشوق المفرط به

يقول فيها

حلمت فيك البارحه كنك تناديني
سمعت صوتك يناديني ولبيته

وفزيت مفزوع الا وينك وويني
واثاريك حلم على الواقع تمنيته

[᷂جــاه @_albdr26]

زل ثلث الليل و الخاطر على النار السعير
ولا يهون ضيقته ياكود مثلك يوم مرره

لاتقولين القطاعه في بعض الاحيان خيره
انت في بعدك ممات وفي مواصيلك مسره

اقبلي مثل السحاب ووقفي مثل الاميره
والله ان لك منزلً (ن) فوق المعاتب والتشره

[᷂جــاه @_albdr26]

والله لا بعتك ولا خنتك ولا عفتك
ياللي جميع المشاعر فيك مشغوله

لكن لي ايام وانا اعيد سالفتك
ماودي اعيش معك ايام مجهوله

غربتني لين صرت اسعئ لـ معرفتك
وابعدتني منك بعد الراء من التوله

من كثر ما اخالفك ماعاد خالفتك
اخاف لانختلف خلفٍ على اصوله

[᷂جــاه @_albdr26]

كل مازاد العمر زدتي جمال ومقدريـه
يَ الجفول اللي يدلـه خاطري لامن تعكر

انت صوتك كيف قلبي خل عاد الشاذليه
وانت وجهك هو حلا الايام مايحتاج سكر

فرحتي بـك يوم جيتي بـ الغلا والقابليـه
قد تعدت فرحت البدوان بـ الوسم المبكر

منتي صدفه عابره ، ، أنتي من اللّٰه لي عطيه
و العطا يبغي فطينٍ ينثـني له وأيتشكـر

[᷂جــاه @_albdr26]

حبيبي تريح والحشا لك بدون ابواب
مقامك عزيز وفالصدر عامرن قصره

احب الهيام الي يجيبك بدون اسباب
واحب الحديث اللي معك ماني اختصره

ترا عاشقك حتى لو تفارقه ماتاب
يطول الزمان ان غبت وان جبت ياقصره

جعل حضي اللي حطني بين ضرس وناب
قبل طيفك اللي فالدجا زاوين خصره

سنا وجهك اللي لو يغيب القمر ماغاب
يدور العمر والحب له والعصر عصره

ومضاريب رمشك في طرف صدري المنصاب
تعدا فعايل سربنا في هل البصره

[᷂جــاه @_albdr26]

انا موجود لك دايم متى ما أحتجت تلقاني
تعال ويشهد الله مالك إلا طيبة الخاطر

لك الـ لا ياحبيبي مالها طريا على لساني
ولو مقدر على المطلوب لعيونك انا قادر

إذا مره غلبك الحزن هاته لي مع أحزاني
وإذا مره بكيت امسح انا لك دمعك الحادر

[᷂جــاه @_albdr26]

لو يوم عنك يسجّ القلب متناسي
عهدٍ علي لأقتله و أسقيك من دمه

ورجلٍ يفكر يطولك عاقبٍ خاسي
ما دام راسي يشمّ الريح وتشمّه

عزيز نفس وغرورك ما قطع ياسي
ولرضاك لا زلت لا شرقٍ ولا يمّه

- ضيدان بن قضعان

[᷂جــاه @_albdr26]

أنا مدرب لا أحتمى الضرب بـ النار
مادربوني في مواجه « عيونك »

- شامان بن وقيّان

على كثر ماخضت لي من معارك
هذي هي أجمل معركة في حياتي :)

- فارس عمر

[᷂جــاه @_albdr26]

كل مامريت في بالي ارحّب بك واهلَّي
لين صارت اغلب طواريك تجي مِثل المنبّه

لا تحسب ان الغلا والشوق نوعٍ من التسليً
وانت قربك يُشرح الخاطر وطّاريّك احبه

[᷂جــاه @_albdr26]

جيتي على ارض المعركه كنّك حمامه للسلام
من بعدك اعيش الحياه اللي بها طعم الحياه

خذتي بكفّك ذكريات الحزن وانهيتي الخصام
في وسط ميدان الحروب اللي بقلبي له صداه

كنّك مثل دعوة خليل الله ياوجه ... الوئام
صار البلد امن معك والامن مايلحق ... مداه

ولا مثل حلو التمر لاجاء التعب بعد الصيام
ابتلت بشوفك عروق القلب وانهيتي ضماه

ياباشة الغيد انتهى حبر الشعر عند ... الكلام
الكلمه اللي من فمك فوق الشعر ذوق وطراه

اذا ضحكتي ذاع صوت القلب حيّا ع الغرام
كنّه يجمع لك عروقه والهوى ... والانتباه

تدلّلي وسط الحشى لانك ترا مسك الختام
ابي معك كل العمر ياللي عسى عمري فداه

ولا تخافين الهجر .... درب الهجر كله ظلام
قلبي عشق شمسك بعد ماذاق من شمسك دفاه

تطمّني كيف اتركك وانا ... عليّه ... بالحرام
ان اسمك اول مايجي في دعوتي بعد الصلاه

[᷂جــاه @_albdr26]

معك مستعد أبيّع عمري على أول سوم
حياةٍ ما تنكتب لي معك ـــــ مالها خانّه

[᷂جــاه @_albdr26]

سالم بن جخير يـّوم قال :

" لاعاد تبكين .. قطعتي معاليقي "
مادام قلبي معش وش داعي الدمعة

أيضاً فهد بن بجاد قال :

لا تضايقك الليالي ولا تبكين .. زين ؟
" لو تبكيك الليالي .. شلعت عيونها "

[᷂جــاه @_albdr26]

احضر ومثلي صهيله يسبق قدومه
واغيب لكن تجيب الكسب غيباتي

لو ان مالي جناح ونفس ملزومه
ماكان تفخر مواكيري بهداتي

خلقت فالراس عز وفالنسم زومه
وتدنيقة الراس ماهي من خياراتي