أليار

حيث يبدأ الصباح .. ويستمّر الشعر

[أليار @_alyar1]

يارب - لامن ذكر أسمي يقول الغير
حسن صيت وحسن عشره ومرور كرام❣️

[أليار @_alyar1]

الى متى تحوف نعم وكل طيب ومقام
متى يدينك تحوف الضامر المنزوي :)

حبيبي انت الكريم اللي ملاني اهتمام
هذي مواري محبة كل قلب بدوي

وانا لعينك سهجت الكحل وارمي اللثام
لك وجهي اللي بزينه شابع ومرتوي

ان جيت يا مرحبا، لجلك يميل القوام
وان غبت سندت قافي لك وما يحتوي

—الرهّا

[أليار @_alyar1]

عنقا يضيع بحلاها كل شاعر يِشوف
ساطي بهاها وعذب الزين في ريفها

تختال بالدّل والخطوة تروف وتطوف
سبحان من صور العذبه ورقة هيفها

عينٍ لها كبرياء ورِمش طافح عطوف
تفرق على الخود بالنظره وتاطا حيفها

تقبل وبدر الدجى من نورها في كسوف
وتغيب كل العذارى .. من سنا طيفها❣️

-مشعان حسن

[أليار @_alyar1]

"تمرّك كلّ نسمه!! و اتعَبرْ بـ المسك والكمبود
وتنعشني .. وتحيي .. خافقي .. وتزيّن اسلوبي

كلامك يعتق المهمومَ .. وشفـاتك عليها ورود
وشروقك .. مستعد انه ... يرجّعني من غروبي"❣️

—نواف بن سعد

[أليار @_alyar1]

دعوّة الجمعة وكل جمعة :
« يالله عساني على طاعتك متوّجه
الوجهه اللي على طاعتك ترضاها »
❣️❣️❣️

[أليار @_alyar1]

بعد طول المواصل والشعور وفرحتي وبكاي
تعبت اتبع ورا اوهام السراب اللي علي تطري

أحبك غصب عن قلبي ولكن ما بقى لي راي
ظروف الوقت حدتني على التوديع من بدري

أحبك ياعسى ربي يصبرني على بلواي
ثقيلة حيل لحظات الموادع يابعد عمري

[أليار @_alyar1]

لا تستفزك ذكريات الراحلين
مافيه احد يبقى معك إلى الابد

تظاهر بـ ضحكتك لو قلبك حزين
ملامحك فيها من الغربه .. بلد

حاول تعيش العمر بـ إحساس السنين
عابر واذا مريت .. ماترجع لـ أحد

[أليار @_alyar1]

«من لا رحمتـه يالولي عزتي له»
—عبدالله بن عبار❣️

[أليار @_alyar1]

كل ما أزعلني الهجر
وكثر ما أبكتني الأوجاع
حمدت الله يا شور الله بأن الأقدار مكتوبة

ولو قلبك علي إلتاع؟ أنا كلي عليك ألتاع
كأن غيرك ذنوب وكنك الغفران و التوبة.

[أليار @_alyar1]

أجيك وأراضيك من كل اتجاه
لك من فؤادي حب ولساني ثنا

لا تاخذ بخاطرك يا مال الغناه
ما عاش من يزعلْك لو انّه أنـا

-الحنية المطلوبة❣️❣️❣️

[أليار @_alyar1]

ودي أضيع بين ايديك عِقب البعاد
ضيّعت الي ماعيّن عاقلٍ ينصحه

ياخذ الليل من خصلة شعرك السواد
من سواده وأنا مبصر يا دوب المحه

و من عيونك خذت كل القصص شهرزاد
و من شفاهك خذا الشعر أعذبه و افصحه

و لا تقولين أنا ما عاد عندي عتاد
عينك و جيدك و خصرك ماهي بـ أسلحة ؟!

- متعب البقيلي

[أليار @_alyar1]

" لاتمايل لي بقده ، قلت : انا ماني بقده "
- تركي بن جويعد

[أليار @_alyar1]

تعالي في تفاصيل الحياة وشرهة الغالين
أنا مُرهق من العالم وأغص بكل أسئلتي

دعيت الله لأجل نبقى ولا قلتي : يارب آمين
وجلست أكرر الدعوة وأطالع بس ما قلتي !

كتبت من الحزن آية وداعي ، بس ماتقرين
يا دمعة حزن ومفارق عشاني ليه ماسلتي ؟

[أليار @_alyar1]

@d511y أنت سبّة كل شي ولا داويت شي
كيف يا قادر على داي ما تقدر دواي؟
- سعد بن جدلان

[أليار @_alyar1]

سـيدة عذب القصيد وسـيدة شبه الجزيره
صوتها ملح الحياة . . وعينها حد الشـباري

مـن غلاها اشوف ضيعة خطوتي لا ضعت خيره
ومن هواها ما عرفت الا محطات المساري

غايضت بنت الامير وغايضت بنت الاميره
ما بعد ذاك الغرور الا الهبُوط الاضطراري

[أليار @_alyar1]

اذكر انّه قبل تتقن لعبة الصمت العقابي
من عتبها - كل كلمه - كيف تكشف عن غلاها
-
واذكر انّه لاهدا الوجه الرّضي يهدا صوابي
كأنّ نفسي ( بس اراضيها ) ويرضى الله علاها❣️

—عمر بن هذال

[أليار @_alyar1]

ببتعد عنّك وعن باقي علومك
وانت عيش الطيش من ذاتك لذاتك

لا أسأت الظن فيني ما ألومك
كنت انا الشي النظيف اللي بحياتك

—سعد علوش❣️

[أليار @_alyar1]

انا اشعر فيك و بـ خوفك و اداري لهفتك بـسكات
و مكفيني شعور اني امارس لذة التلميح

ما وادعتك حفاظاً لـ العقل و القلب و الدمعات
ما اذكر شي بكّاني على احبابي سوى التلويح

[أليار @_alyar1]

طعنّي الزمان بحبّها ، والطعون اسعاف
انا اوّل جريحٍ طعنة الموت تزهر به

فـ يا قلب لا تجزع من مفارق الميلاف
ما ردّ الحنين يصارع البعد والغربه

تراها مثل شمسً تضوّي على مشراف
بعيدة ، ولكن نورها منْك يا قربه

- راكان الحويل

[أليار @_alyar1]

3:28 ص || صباح الخير❣️

طال المساء وابطت علي شرقة الشمس
واستوحش " الخفّاق " من طول صمتي!

ونور "الصباح "اللي ماشفته من الامس
" الظاهر انه « نام » من يوم « نمتي » "

—نواف بن سعد

[أليار @_alyar1]

حوريةٍ عذبة وضحكتها دمار
يحييّ محيّاها ويذبح شوقها

جيش المفاتن من يمين ومن يسار
والعين دوب الرمش يمشي فوقها

طاح الخمار ولا تحت هاك الخمار
الا الحمار اللي يضمه طوقها

والوجنتين اللي بياضٍ مع حمار
تقعد تناظرها وكنكْ تذوقها.

—هاني حماد