َ

[عويد النجود @owaid_123]

يا دار والمجد مهما صار ما زلّك
من يوم تأسيسك إلى اليوم مفتونك

فـ حماك يامن وينجى كل متهلّك
لا قرْع للحرب طبل ولاذ بـ ركونك

جيتي لهم يوم طال المعترك كلك
عنهم ماقد كلّ حيلك وانقصر عونك

تبقين يا دار في هيبة حكم خلّك
اللي ما والله يعيش ويرتضي هونك

وقفة محمد ليا من الخطر دلّك
ترهي بـ نصرٍ يسرّ ويطلق عيونك

ان قام في واجبك قام وبرد غلك
محققٍ غايتك وابعد من ظنونك

لا يفرح العايل اللي وده يعلّك
حنا على اكبر بلاء درعك ومسنونك

يموت في حبّك اللي عاش في ظلّك
ويعيش في مجدك اللي مات من دونك

[البدر @albdr97]

بالمختصر 🇸🇦

[حمود الصاهود @huomod6]

لنضع الأمور في نصابه الصحيح:
صنعاء محتلّة ردها الله لليمن وأهلها سعيدة قريبًا،
ميليشيا الحوثي الإرهابية وليس الحوثي فقط، بل هم قرامطة العصر وأشد، القرامطة سرقوا الحجر وخربوا وهولاء يرسلون مسيراتهم على الكعبة والمدينة.
لا نقبل بتصريحات تُميّع الحقائق
ولا نحتاج تعاطف وتصاريح سد العذر، وقوفك من عدمه يحدد موقفك أنت، أما المملكة فلا يضرها أن تكون ضدها ولسنا بحاجة لموقفك البارد، والأعداء اختلفوا على مر الأزمان ووسعتهم مزبلة التاريخ، وبقيت المملكة شامخة مزدهرة وما يحدث اليوم سيلحق ذلك

[SAUDI POPULAR @saudipopular]

اللهم انصره، واجعل له من لدنك عونًا ونصرًا وتأييدًا

[َ @_brg1]

قريرة عين يا دار الرسالة ما دخلك الخوف
تصالين المعارك والنعيم تمدّه كفوفك

فداك العمر كلّه ما نقول إن العمر منصوف
لو نفاديك بالأعمار ما نوفيك معروفك

تظلّلنا تحت فَيْة نخيلك والتعب مخلوف
وأكلنا من عذوقك، وإن بردنا نلتحف صوفك

وشربنا من مواردك العذيّة ما يبلّ الجوف
وغفينا تحت جِنحك مرتوين وضمّنا جوفك

توحّدنا بعد كنّا قبايل في فضاك ضيوف
وصرنا كلنا ربعك وأهلك ومدهل ضيوفك

تحاوطك الفتن، و عباد ربي في حرمك تطوف
تحليّن الظروف، ولايعرف العالم ظروفك

نشوف الخير في باسق نخلك وفعلك المعروف
مثل ما شافت أذناب المجوس الموت في سيوفك

تباهي ما عليك مْن العدا، والمسلمين تشوف
عذيّة، مستبدة، غير لله ما ظهر خوفك

نعرف إنك عظيمة تستحقّين الكِبر والنوف
"واعرف إنّي بموت متيّمك وأعيش ملهوفك"

نبيع أرواحنا من دون حدّك، مالنا معروف
عسانا لو نردّ مْن الجمايل ربع معروفك

[سلطان بن بتلاء @sbinbtlaa]

شدايد الازمات : مشخال القلوب
على المجامل صار مافينا جلد

بنقول للكذّاب في وجهه : كذوب
وللحاقد اظهر حقدك ان كانك ولد

يادار وان خانك حكومات وشعوب
(والله مامثلك على الدنيا بلد)

[SAUDI POPULAR @saudipopular]

تطمّني والبـسي لـ العز جلباب
واستبشري والعبي من باب طربة

حبات رملك ثمنها روس و آرقاب
والكل منّا .. دفاع وراس حربة

كل الاراضي ما غير تراب في تراب
الا آرضك أنتِ ذهب ماهيب تربة
🇸🇦

[ناصر الحمادين @nalhmadeen]

جينا نصب الجحيم من السماء سيده
قدام عبدالملك يستوعب الصدمه
..
لانفذ الحوثي الملعون تهديده
صعده وصنعاء تبي تخرج عن الخدمه

💚💚🇸🇦🇸🇦

[فارس السميري @vv_851]

يا نجد في مجد العرب قرّي العين
باللي على التوحيد عاشوا سلفهم

دونك عيال العود سقم المعادين
وجيشً يدوس اللي بيلمس طرفهم

اللي يخونون العرب مالهم دين
و نهاية الاسلام ،، غاية هدفهم

باعوا شرفهم مثل جدّات كوهين
الله يلعنهم و يلعن شرفهم

#فارس

[مبارك بن رادعه @MBnradah]

من فضل ربي علينا ، ماعلينا قصور
واوضاعنا ، مثل ماكانت على مايرام

والمملكه ، دورها فارق على كل دور
وملوكها يصنعون الفرق في كل عام

تاريخها واضح وثابت من اول ظهور
واهدافها وحدة الاُمه ونشر السلام

واللي على زعزعتها يضربون الصدور
نعطيهم الموت ، مانعطيهم الاهتمام

[محسن بن مترك @aprvip]

يدور الزمان ويكشف الي عليه لثام
وتظهر كلاب ايران من كل جنسيه

لنا العز والتاريخ في كل يوم وعام
ولنا المجد كله والفخر والفروسيه

هنا مهبط الوحي وهنا قبلة الاسلام
وهنا الحاكم اللي ثابت ٍفوق كرسيّه

تعيشون وتموتون شرذمه وخدام
ونعيش بشرف ونموت دون السعوديه
#المملكة_العربية_السعودية

[عفاس بن حرباش @3faas]

ياطول ليل الحوثي اليوم طولاه
بالعسكرية خل عنك السياسه

اللي دعمه بمال بنقص يمناه
واللي دعمه براي بنقص راسه !

[ناصر الحمادين @nalhmadeen]

من سكت والوطن تنبح عليه الكلاب
كلمة ونعم ماتطلق على شاربه
..
وكل حراً ولد حراً عزيز الجناب
مايلقي لعدوان الوطن غاربه
..
ياوطنا من يعاديك ياكل تراب
دونك الشعب كله قوة ٍ ضاربه
..
دون حدك ترى الشايب يعود شباب
لا غرابه وهو حب الوطن شاربه
..
ماتزعزعك دعوات الفتن والخراب
شمسنا ماتغيب وشمسهم غاربه
..
من يسالمك يرقى فوق متن السحاب
ومن يحاربك لو بالكلمة نحاربه

[عبدالله السراهيد @Alsraheed]

يا مملكتنا من المينا إلى المينا
راياتنا من يدين الغدر محروسة

ماهوب بس الفدا ما تملك يدينا
أرواحنا في ثراك العف مغروسة

تباشري بـ « العزاوي » لا تعزوينا
بشاير النصر محسوسة وملموسة

إن كان دسنا على الحوثي بـ رجلينا
ماهوب لاآول ولا آخر خاين ندوسه

[َ @_brg1]

شعشع البدر يجلي غدرتك يالظلام
وقام طيف الحبيِّب قدم عيني يمر

ايه عاشق ولا يلحق عشيقك ملام
دام نِجلك وساع ودام ريقك خمر

كانك تحسّب احبك مجرد كلام
شوف فعلي إذا ربك عطاني عمر

كيف اقول ان خلّي كَنه بدر التمام ؟
وانا خلّي ينوب عْن الشَمس والقمر

- بـرق

[َ @_brg1]

اعتذر واللي لك ان عذرك يمشى
مايدقق فـ العذر بين الولايف
⠀⠀
ماتعودت اترجى واترشى
لاتهملني وتاكلك الحسايف
⠀⠀
الامل مثل الهوى لاطال عشّى
وانت بصرك يالغلا ويش انت شايف

[َ @_brg1]

ياطيب الراس لا تلحقك بعض الشكوك
وتتبع مثل كان ماطاعك زمانك طعه

ترى الكرم تطلع اصحابه طلوع المكوك
والبخل قاع تعيش اهله في مقطعه

ياما دحمنا الظروف اللي تدق الحنوك
لا قام يسبر عدو المرجله ملطعه

نعطي ونكرم لو احسابتنا فـ البنوك
شيكاتٍ مؤجله ، وقروض مستقطعه

[َ @_brg1]

يوم ما علّمتك بتضحياتي من غلاك
ادري أن المنّ لا خالط الفعل افسده

كان ما حسيّت في قيمتي ماهو خطاك
ماتحسّ بقيمة الشي ، حتى تفقده

[َ @_brg1]

أنا من الواقع وكثر التجاريب
بضرب مثل واللي يعمه يعمه

مراجل الرجال عند الأجانيب
ماهيب مثل المرجله فـ أبن عمه