حامد مشعل الديحاني

شاعر | ابياتي بـ الإعجابات

[حامد مشعل الديحاني @_dehani7]

@sn_alwasmi علييك وصح بدنك يا خال 💐

[حامد مشعل الديحاني @_dehani7]

قيفاننا منها تسيل الاشاعيب
وتفزز القاع القفر لا قصدنا

يا خالي بـ يومٍ به الصايب يخيب
انصيب عضد الكايدات بـ رعدنا

ياراعي الصفرا مناة الطواليب
من دونها موت الطواميع يدنى

في سيفٍ يفج الضلوع المحاديب
عيّا عليها العود ما قال هدنا

جدي جنَب صفراه عوج العراقيب
طفاحٍ تخيل المخيله ما تدنا

عشانها صالى شموس و لواهيب
ما دوّر الجره ولا هو نشدنا

ينزل قفر في روض عشبه مشابيب
من حد لينه لين توصل بلدنا

ديارنا من دونها الفارس يهيب
من ذاق حد حسامنا ما حمدنا

اليا اعتلينا السرد نرو المغاليب
دهمٍ تكج القاع لامن لكدنا

والارض نسقيها دميّ المعاطيب
بـ ذبابة السيف الحدب لا هبدنا

نصبّح الاخصام ما ندّرق ، عيب
و نكرّها وان عادوا بـ يوم عدنا

انلبّس الشيخان غطو الرعابيب
تاريخ قرّ بفعلنا ما جحدنا

من صفحته حنا خذينا المطاليب
فيها وقايعنا و فيها خلدنا

منّا أبن لامي و منّا تراحيب
وابن شرار وبن شليه عمدنا

و الاد مدوح مبعدين المحاضيب
لولا عظيم الفعل وشلون سدنا

[سلطان الوسمي @sn_alwasmi]

- متوارثين الطيب -

هذي ثلاث شهور يا ام الدباديب
الليا توّلانا حنينك مهدنا

الارض من جيانها للمراقيب
ومن قاصي الدار المريفه للادنى

ندرا على خاطرك فـ بعيد وقريب
اما نزلنا فيك ولا مددنا

ولا يجيك النقص يا شمخ النيب
وحنا ليا زادوا هل الزود زدنا

تباهي بوسمٍ يفك الحنازيب
ومقدمك فالاوّله لا وردنا

حتى ارتفع من وسمنا قيمة الجيب
وانتي فردتي فيه والله فردنا

وسم الوساما يِلحق الكايخ الريب
وشلون مانطرب لا منّا قصدنا

يا ملكنا يوم الليالي مكاسيب
من دونك الاعمار قبضه بـ يدنا

حنا لنا يومٍ لـ عكف الاشانيب
يومٍ يبيّن فيه مجنى ولدنا

يْهروّل بليا عبث كنه الذيب
حتى يبشرنا ويلقى سعدنا

جلفين في وقتٍ على الليّن صعيب
ولا فترنا فالزمان وجهدنا

وسمحين عند الضيف وقت المواجيب
الليا قطع من هرجنا ما سردنا

ياما عطينا والليالي تجاريب
اللي تجرّي من بغانا قصدنا

نحرص على السمعه ونكرم من الجيب
وان جادوا الاكرام بالخير جدنى

متوارثين الطيب ومزارق الطيب
من قبلنا لي عندنا لي بعدنا

[حامد مشعل الديحاني @_dehani7]

( عيدك مبارك )

لا تعتذر ماني بمشتاق للرجعه
لو يلعب الشوق والاحساس بـ اوتارك

ولو يذبل الورد ولا تطفي الشمعه
ما تروي ابياتي الضامي من اشجارك

لا تنتظرني ولا تستنزف الدمعه
عيّيت لا احب حتى خارج اطارك

لو ان حبك لعب في قلبي الخدعه
مطوّع الحب لك و مطاوع افكارك

لا تنطر السبت لو ما جيتك الجمعه
في ثالث العيد جيت ( وعيدك مبارك )

- حامد الديحاني

[حامد مشعل الديحاني @_dehani7]

اللي سرق مني لذيذ النوم
قله عن الاوضاع ثم قلّي

يا خشف ريمٍ عداه اللوم
سمّي على الصدر و انهلّي

أبيه ياخذ من المقسوم
واللي يجي منْك بـ الملّي

- حامد الديحاني

[حامد مشعل الديحاني @_dehani7]

يا موطني عز وفخر ما نلبس لباس الحداد
حق الشهاده دم نرخص دمنا لـ اجل الكويت

الشعب كله لك جنود نموت وتعيش البلاد
قل لـ اللذي يرمي نداعب رميتك لا من رميت

حنا نسوقك بـ العصا لو تسحب امان الزناد
انشد زميلك يعرف الدبه عدل ولا نسيت ؟

- حامد الديحاني

#الكويت

[حامد مشعل الديحاني @_dehani7]

@AldyhanyMshary الف مبروك يابو أحمد ومنها للأعلى 💐

[حامد مشعل الديحاني @_dehani7]

اخو رفاعي ساق صفرا الدياحين
زعل يزعّل من طمع فـ الصداره

بـ مروعات يروّع أهل ( الملايين )
و يبشّر مطير بحسم و بـ وزاره

صفراً عليها لاد مدوح معيّين
ماهم خذوها بـ المزايين ( تجاره )

- حامد الديحاني

#زعل_الديحاني
#مطير
#مهرجان_الملك_عبدالعزيز_للإبل10

[حامد مشعل الديحاني @_dehani7]

- الجديد

[حامد مشعل الديحاني @_dehani7]

@KwtTelevision ما لييّن السعي للاحلام من باسي
لو صار دربي عتيم عزومي الشمعه

احارب اللّين ، و الايمان ترباسي
والحلم اخيله، و تثني دونه الرمعه

متيّقن بـ خيرة امري ماني بناسي
السجده اللي بعدها طاحت الدمعه

دعيت لـ اللي لفرضه ينحني راسي
والظاهر الدعوه أنها وافقت جمعه

[حامد مشعل الديحاني @_dehani7]

- القديم الجديد

[حامد مشعل الديحاني @_dehani7]

كم قلتلك طير العواذل
لا تسمعه لو طار فوقك

كم شفت من وقتي بهاذل
وانا انتظر طلة شروقك

قذلتْك لا قامت تَهاذل
ومعنّقك والماس طوقك

تدفع محبّك لـ التخاذل
ينزل وطا لـ ارضاء ذوقك

يوم المحب ماخذ وباذل
بذلت لك وارخيت موقك

حبيبك اللي ما رضا ذل
في سلوته غنى طروقك

- حامد الديحاني

[حامد مشعل الديحاني @_dehani7]

@sn_alwasmi استاذ ورئيس قسم .

[حامد مشعل الديحاني @_dehani7]

ارفقي بالقلب بشويش يا ظبي البراح
ليلةٍ يسريبها القلب تسرينه معه

بالشعور وبس ماهو مجيّ ولا مراح
لا تقولين العقل قلتلك مره طعه

مكتفي بك عاشقٍ شافك الخمر المباح
عاشقٍ مستعمره قلبه ومتربعه

قلبي مسخر شعوره لحبك واستراح
ما دخل بالسوق بين انتقه ولا ارمعه

https://t.co/4viESK3ou6

[حامد مشعل الديحاني @_dehani7]

@fahadhadi_ من يوم شفنا الرامي اللي في لزومه ما رما

يسلااام يابو هادي صح لسانك 👏🏻

[حامد مشعل الديحاني @_dehani7]

الاصاحيب ما تكشفهم الا المواقف
مثل ما العود فوق الجمره يفوح طيبه

ولا انا ما عليّ اقوم و اطيح واقف
دون ميقافي اسمي والفخر يبتدي به

- حامد الديحاني

[حامد مشعل الديحاني @_dehani7]

هات الثقيل الكايد المعسور
و اثني له الساق و احلّه

أليا جلست يوقف الطابور
واليا وقفت الماقف بحلّه

ما عشت ماشي خلاف الشور
شوري من الراس لـ السلّه

انا دوى علّة المكسور
و اقدر اكون اصلاً العلّه

ان غبت تقدر تعيش الدور
وان جيت ميقافي وخلّه

- حامد الديحاني

[سلطان الوسمي @sn_alwasmi]

" شيخ الشباب "

استوقفتني حالة الوالد فالواتساب وهو متوّجد على ( ليت الشباب يعود يومًا )

[حامد مشعل الديحاني @_dehani7]

طعنتها بالكيف و ادميت مخلاب
سودا تجلّي هم من لاوع الحظ

كن بمرارة كاسها حظي انساب
واذا بدى المفعول كنْها تقول ارض

- حامد الديحاني