ديجور ..

كَانون الأوّل

[ديجور .. @_dejor]

اللهم أجبرني فيه جبرًا يعوض قلبي عن كُل شيء.

[ديجور .. @_dejor]

اي والله ان قلبي حزين ووالله ان وجهي حزين
والحزن حاجه تلجم النفس وتشد عنانها

في خاطري حاجه وهي كانت من اول حاجتين
يا جعلني ما ابيع حاجاتي بـ اخس اثمانها

[ديجور .. @_dejor]

ازبني لاجيت في وجه السلوم و وجه خيّر
وعانقي لين الجناب اللي معى غيرك صلافه

في ذرى اللي مايناش حماه يالضبي المذيّر
ارتدي ثوب الامان وبدلي ثوب المخافه

[ديجور .. @_dejor]

كانت الضحكه على وجهك الفاتن دمار
وكان غصن الوصل تلعب طرب قمريته

لين جددت المواجع وغيرت المسار
والجفا ترفض جموع الرضى جاهيته

[ديجور .. @_dejor]

صاحبي لا باروا الناس تكفى لا تبور
قد وفينا و العرب ما وفوا عند الوعد

وانت في وجهي مع الوقت ما يلحقك جور
و ان تردوا عندك الناس فـ أبشر بالسعد

[ديجور .. @_dejor]

اغنّي في نبانا يوم اشوف الفعل شوف العين
و آعد الصدق لاقام الكذوب يمسسّ حباله

علينا يزبن التاريخ لا دارت رحاة البين
و بنا يستأمن المجد التليد و تكبر آماله

نجي مثل الحيا و الارض جرادا و البدو شرهين
حدانا ينقضي دور السنة ما فرّق خياله

[ديجور .. @_dejor]

ضاق صدري من غثى الوقت عقب الاتساع
جعل يسقى يوم عندي على الضيقه مدا

الطواري تدمر الحال بعد الانقطاع
اشهد ان ما عاد لي من طواريك مغدا

ودي ابوج التخاتيخ واذب الرفاع
واستعيد اللي لـ ماضيه واذكاره صدا

[ديجور .. @_dejor]

صاحبي .. وأنت كل الذكريات العتيقه
كيف من يذكرك لا أصبح ، بينساك لا أمسى ؟

تقدر تشوفني .. رغم الجروح العميقه
ودي أقسى عليك ، ولا أعرف كيف أبا اقسى

لا جبرنا الزمن كلٍ يكمل طريقه
انت حاول تذكرني ، و أنا احاول أنسى

[ديجور .. @_dejor]

فلذّة كبدي اللي عشت قبلك في عنا، وإجحاف
معك؛ وشلون بـ أحصي نعمة المعبود سبحانه

تجلّي فـ الحياة — ولا تلدّين العيون خلاف
ما يطري لك من الدنيا يجيك.. وترخص أثمانه

[ديجور .. @_dejor]

تجي ضحكتك في باليّ المرهق المرّتاب
مثل لفحة النسناس في وجـه متوضي

[ديجور .. @_dejor]

من لاوع الضيق عرض رجله المسرى
و من لا يجرب قسى الأيام يمدحها

يتعبني الليل لا جا يسحب الذكرى
و أهل المسابح لا منها أومت مسابحها

و أمشي على يمة المشرق عن الغدرا
متباطيٍ شمس بكره و اتنطحها

واللي يضيمه ظلام الليل ما يزرا
يمر حتى السهارى ما يناصحهـا

[ديجور .. @_dejor]

يا غاية مرادي مابقى لي بعدك مْراد
لي الذكريات .. و لله الفضل و المنّه

[ديجور .. @_dejor]

رغباتك الجامحة ماهي محط إهتمام
قبل تسيطر على كامل جسدك أفنها

أكرم جناب السكوت وغضّ طرف الكلام
مشاعر الصادقين .. إكرامها دفنها

[ديجور .. @_dejor]

إن رحت مالي سنع وإن جيت مالي لزوم
ياليت قلبي يعلمني وش اللي يبيه .. ؟

#خالد_مبارك

[ديجور .. @_dejor]

انشدوا شاري الراحة .. شراها منين ؟
ودي اشوف راحة ! غير راحة يدي :(

[ديجور .. @_dejor]

مثل نور الصبح لامزّع خيوط الظلام
الحقيقه في دجى الزور نارٍ تشتعل

اجتماعٍ مايجي فيه تقوى واحترام
كان جاله رايق البال عوّد منفعل

الظروف احيان سمحه وممشاها تمام
وفي بعض الاحيان عوجاً مثل قرن الوعل

ينخفض سعر المواقيف في سوق الكلام
ويرتفع سعر المواقيف في سوق الفعل

[ديجور .. @_dejor]

يا رفيقي والله إن قلوبنا معتلّه
والمعاتب قامت شعوبه على حكّامه

والتشرّه ما يفضّل .. والمجامل علّه
والغلا ما هو بـ مبيوعٍ على من سامه

كيف ياخذك الخطا وأنت الصواب تدلّه !
ما عهدتك واحدٍ عادي عهدتك هامة

[ديجور .. @_dejor]

ياصدري دخيلك لا تحرر من الكتمان
وياقلب وش تلّك وياعين وش شفتي

انا ادرى من المنقود ، واكفن الأحزان
ولا ودي احدٍ يكتشف سر سالفتي

بنود الهوى ماتضمن الحق لـ الخلان
وفتاوي مجاريح الهوى مالها مفتي

معي راعةٍ من طاري ،، الفقد والحرمان
مثل راعة السربوت من لمعت السفتي

[ديجور .. @_dejor]

ياما تنازلت عن حقّي و مصلوحي
حتى لو الكلمة العوجا على لساني

يفتل حبال الكلام و ينّقض جروحي
اللي على اتفه ذنوبي ينكر إحساني

وانا على شان غيري موجعٍ روحي
ولاحدٍ موجعٍ روحه على شاني

[جابر النشيرا @jaber_nshera]

ضحك لك ردي الرابعه ياردي الراس
جبرهْ الفضول يتابع الى اخر الحلقه

من المستحيل يكون لي بينكم مجلاس
سواليفكم ماتشرح الخطّر الغلقه

اشوف السنتكم تنعقد في حضور الناس
لكن السنتكم في قفا الناس منطلقه

ياراسي خلقك الله على العز والنوماس
ولاحطك الخالق وكيلٍ على خلقه