ّ

[ّ @_e2iul]

أطهر من المحرم اللي على الكعبه يطوف
وأصدق من الموت وأذير من ريوم الفلا

[ّ @_e2iul]

عفيف ما يعرض زينه فالطريق المار
ما عانق زوايا عاتقه غير .. سلساله

زايد بن ذعار

[ّ @_e2iul]

واللي جعل عصريّة الجمعه جواب السائلين
إني أحبّك حب — ما يوصف ولا يلحق مداه.

[ّ @_e2iul]

تناسيت و أول ما ذكرتك و طيفك طلّ
تبسّمت لك .. كنّك من الشوق قدامي

- عبدالله السراهيد

[ّ @_e2iul]

ياللي لبست المرجله بشت ووشاح
ما غيرك اللي خاطري ينتحي له

محبتي لك ما تبي شرح وايضاح
شعوري أطهر من مزون المخيله

حبٍ على وضح النقى وأنت وضّاح
نَكرم عن دروب الردى والرذيله

[ّ @_e2iul]

« أنتي محطة عُمر ما أنتي محطة عبور تاقف عليك الحياه وتبني — آمالها »

[ّ @_e2iul]

اشوفك حقيقة عمر .. لو الليال تزلّ
مثل منسبي واسمي وموتي وميلادي

عسا كل عام يمرّك احلا من اللي زلّ
فدى ضحكتك حسّاد عمرك وحسادي

ترى من عرفتك يا حبيبي وشفتك خل
وانا .. ماحسب لأيام هجر وميلادي .

[ّ @_e2iul]

اعتبر قلبي حطب غابه وشب اللي تشبّه
لين تستانس دفاه ولين تستغرب ثباته

الوكاد اني عليك من الهيام امشي وأشبّه
يا حبيبي والسلام ورحمة الله وبركاته

- ناصر مناحي

[ّ @_e2iul]

افهقي عن صدرك الشال والليل الطويل
لبتك .. يا حظ من حط خده فوقها

وذوقيني من شفاياك طعم السلسبيل
والله ما اخليك تمشين لين اذوقها

- سلطان بن بشير

[ّ @_e2iul]

من بعد ثغرّك شربت القهوه المره
يااااحلو طعم المكان الي شربتي منه

[ّ @_e2iul]

وسيلة الحب للمحبوب باذلها
و ذريعة الشوق بكتبها واغنيها

ما تسمع أذني لِعاذلها لـ عَاذلها
انا اصقه من الكلام الا لـ "لبيها"

بعيش عمري لها , ماني بخاذلها
و بموت فالليله الي ماهي بـ فيها

ال Gentleman - حمود فارس✨

[ّ @_e2iul]

أنت تدري ما على الأرض منك أغلى وأحب
وأنا داري ما على الأرض غيري تهتويه

من يحبك يقعد العمر كله مايحب
لو تجيه حمول الأيام فاللي يشتهيه

معك ما فالصدر غاية ولا فالراس حَب
تنّسى الغايات و الحَب سلم لي عليه

ياجرك ربي بغلقٍ غدى عقبك رحب
كثر ما خففت عنه وكثر ما جدت فيه

—سلطان الحوالي

[ّ @_e2iul]

أنت راس المال ، وأنت الأمل ، وأنت الطموح
" و أنت حلمٍ " جعل رب العباد . . يحقّقه :)

_ محسن بن مترك

[ّ @_e2iul]

يا أطهر من الضحكة اللي في عيون الصغار
و أعذب من النسمة اللي مع صلاة الفجر .

[ّ @_e2iul]

ما سكن غيره خيالي والغلا ماهو لغيره
واحدٍ لا من طرالي جاب طاريه المسره

والله اني في غرامه لين لحظاتي الأخيره
ما اتنزّح لين نجم سهيل ينزح من مقره .

[ّ @_e2iul]

وشلون اوصفك ما ظني ابلقى وصيف
الا عيون النداويه ..وقد العفر

وشَعرك ظلام الدجى و الجيد برقٍ رفيف
ولاني بقايل قمر تعطيه عشره صفر

يا شطر حسن الخلايق يا بصيرة كفيف
الفايز اللي على حضرة جنابك ظفر

- عبدالعزيز البطحاني

[ّ @_e2iul]

انت يشفع لك صغر سنّـك ونظرات البراءه
بري حالي كل مالديت يمي . . بري حالي

— ضيدان بن قضعان

[ّ @_e2iul]

أنت الصباح اللي خيوطه تبوج الظلام
والبسمه الدايمه والوجهه الراحبه

صبحٍ يجيبك نعانق به رحاب الغمام
وصبحٍ بدونك شحيب وطلته شاحبه

[ّ @_e2iul]

قوامك العذب لو أعيش في ضفّه
راضي لو أبيع غاية عمري الباقي

خصايل الشعر حول العود ملتفّه
ب أعناقك لين تركد لهفة عناقي

من جيدك لعنقك المنتوق لـ الشفّه
متعه و أنا نازل ومتعه وأنا راقي ..!

[ّ @_e2iul]

الصبح يتنفسك والليل عقبك يروق
وتخضع لك احلامك الصعبه بدون وْسطا

تخوى عليك الهبايب والمطر والبروق 
حتى السحايب عشانك ودها بالوطا .

[ّ @_e2iul]

عط الليل فرصة من جديلك يا روح الروح
معك ودّي إن الشمس تشرق بعد بكره

أنا أشفق على" لبّيه "من صوتك المبحوح
لا حلّ الظلام و عوّد الطير في وكره

تحت عنقك الفارع ورى زرارك المفتوح
ما باقي علي إلا ألحق السكره السكره

يغنّي على شباك دارك حمام الدوح
و أغنّي عليك البيت و القاف و الفكره