ُ

[ُ @_eiu0]

يزاحمني عليك الشوق الا يـ ليت الموت كذبه ..

[ُ @_eiu0]

مقضينها طربه وسجّات واستغفال
ولا نلّتفت في حاجةٍ ما تشرفنا

لنا سمعةٍ بين المطاليق عال العال
ومن فضل ربي كل طيّب يوالفنا

صبرنا على شل النوايب لو انها ثقال
عليها انتداحم لا اختلفنا ، ولا خفنا

خذينا من الدنيا طناخة و طولة بال
ولا غيرت صكات الأيـام موقفنا

[ُ @_eiu0]

صايرٍ همّي لغم مدفون فـ الحدب النحايف
ما بقى بينه و بين الانفجار الا شرارة !

لو ما اسبّح لـ خ��ّاقي و انا راجي و خايف
و ألهج بدعوات يونس فـ البحر تارة وتارة

احتمال تصير في صدري منصة للقذايف
تلتهب ضربة بعد ضربة و غارة بعد غارة

- سفر الدغيلبي

[ُ @_eiu0]

مالله كتب لي فيك حظ ولا نصيب
الواقع أصدق .. من يا ليت ، وربما

حتى لو إن إحساس قلبي ما يخيب
سفك الشعور أشد من سفك الدما

والغيمة اللي تاخذ شوي .. وتغيب
ما تغري ألا !.. الميّتين ، من الظما

أحيان .. حتى اللي تحس إنه قريب
يمكن يكون أبعد عليك من السما

[ُ @_eiu0]

الغيث لا هلّ كنّه عذْر رد إعتبار
عن الغياب الطويل وجارح شْموسها

يا حبّني للغيوم الزِّم والإنهمار
من يومني صْغير وانا ودّي أبوسها

الغيم والحُب وأنفاس المطر والوَقَار
أشياء ما تشتريها النّاس بفلوسها ..

[ُ @_eiu0]

أنا ياحظّي أبيض وجه وأبيض قلب وأبيض ثوب
لكنّ أشره على سود الليالي لاتعاتبني ..

[ُ @_eiu0]

أبا أذنب لين تِفتح لي مداخيل الرجا وأتوب
أنا تايه وأحث النفس وأغصبها وتغصبني

ذنوبي يوم أشوف أن المحبه والفراق ذنوب
وعيبي يوم اخاف من العيون اللي تراقبني

طعون الغدر ترهقني وانا ماعاد في جنوب
غثاها نوب يوعد بالامان ونوب يسلبني

[ُ @_eiu0]

يا قلبي الممتلي حب وبياض و رشاد
لو أعطي الناس فرصة تقتلك تقتلك

حقك علي ما يجيك الغش ولا السواد
وتعيش عيشة ملك وتموت موتة ملك

وليا اخذلوك العباد أو خذلتك البلاد
لك رب يا قلبي المكلوم ما يخذلك

ارم الهموم القديمة و الهموم الجداد
تعال تحت المطر خل المطر يغسلك .

[ُ @_eiu0]

ياكل الاسرار ما يدري بك الا الله
توبي وانا تبت والتوبه هي التووبه

توبي وخلي سبيلً من آتجه لله
الي نجا من ظلام العمر بعجوبه

كم ليلةً مرّته لو ما رحمه الله
يمديه تحت البسيطه واكفنه ثوبه

وشلون كان يتعاظم ؟ والعظيم الله
وهو كله ذنوب من راسه لعرقووبه ..

[ُ @_eiu0]

أعشقه من فوق مالا تعلمون
وأشفقه شفقة مريضٍ للدوا

أعشقه ما دام لي قلب وعيون
ان غوى قلبي فلا العين تغوى

[ُ @_eiu0]

كبرت أتفكّر وأتقرّف من التقليد
وأخيل العوض لو كان منيب معتاضة

ما أحب أنحصر في زين قامة و طولة جيد
أنا روحي أكثر روح حرّة و فضفاضة "

يخوّفني النسيان واخاف لا التخليد
يخوّفني أكثر، والمقادير ركّاضة

أنا فالنهاية بنت بدوٍ . . منيب أحيد
تضاحك لو إن عيونها السود فيّاضة :)

[ُ @_eiu0]

لأني أرفض اكون محطة عبور
ولا أفك شراعي في بحرٍ ما فيه مرسى

تقول أني بارد .. وما فيني شعور
وتقول أني من الحجر أقسى

ماني من اللي تمر عليه مرور الكرام
ولا اللي تجيه اليوم وبكره تنسى

أنا الدايم وأنا الحاكم أنا الدستور
أنا ومن بعدي كل من أصبح وأمسى

[ُ @_eiu0]

ماني من اللي يمّر بناظرك عادي
علم عيونك تحط لشوفتي قيمة .

[ُ @_eiu0]

راح اصحح غلطتي واخذ قراري
واترك الفرقا تجيب الي تجيبه

بـ ابتعد وارد بالصد اعتباري
لو حياتي من بعد وصلك غريبه

لا رجوع لا خضوع ولا طواري
لا حنين و لا ملاقاة قريبه

كل دار تلمنا ماهيب داري
وكل درب يجمعنا الله حسيبه

انفض غبارك وانا بـ انفض غباري
الجريح يطيب لافارق حبيبه ..

[ُ @_eiu0]

يوم شفته فوق مقْفْيت الركايب
أمتلى صدري من الصده قناعه

والله إن الحب جلاّب العقايب
كل مازاد الغلا زاد انقطاعه

راحت أيام المحبه والحبايب
والهوى ماله على الخاطر وداعه

لي ثلاث أيام كن الحال طايب
راكد قلبي بعَد كثر اندفاعه

ما يأثر في شعوري أي غايب
صار عندي للغياب اقوى مناعه

[ُ @_eiu0]

سيّد البال .. تاخذني عليك الطواري
اثر مالي لو يطول الجفا عنك صده

انت ليلٍ .. تخاطفني عليه المسار��
و انا ما جابني لك غير صدق الموده

ودي آخذ من عيونك وم��سمك ثاري
شيّ يوخذ بـ لين و شيّ يوخذ بـ شده

عاد و ان بان بين الساعدين انكساري
من يلوم القوي لا بيّح الشوق سده

[ُ @_eiu0]

#سعد_بن_جدلان
ليت الغرابيل جتني من عدوّ لي
اما تقاضيت ولا بيتقاضى لي

لكن من واحدٍ ذكرة غناةٍ لي
ولا زلت احبه وابا احبه ولا ابالي

لامر طرق بخدراته سلامّ لي
كنه يسلم علي بصوته العالي

خلوني اسج عن موضوعه احسن لي
والا الغلا والله ان يبطي وهو غالي

[ُ @_eiu0]

من راح ؟ لا تكثر عليه الحسايف
ما يروح انسان بـ الروح شاريك ..

[ُ @_eiu0]

صد وخذ لك مع الناس جولة
لا مثلي بتلقى ولا حتى شوي .