‏ᴹ

@_euu7

" بالطّيب جازِ وبالردى لاتجازي ".

Joined August 2021

193 Following

324 Followers

1.5K Posts

Pinned Tweet

‏ᴹ

@_euu7

over 1 year ago

أحسن وسيلة وأنت بالخير مذكور وسـيلةٍ مـا تنتعوّض بــحاجـة قدمك طريقٍ للميامين مأثور هدي الرّسول وسنّته وانتهاجه والفاتحة والعصر والفجر والنّور وما صحّحوه التّرمذِي وابن ماجه والواحد اللّي من يناجيه ماجور إليا فات ثلثينٍ من اللّيل ناجه

183

25K

‏ᴹ

@_euu7

about 21 hours ago

" مسيتو بالخير ، جميعاً " وان باعو الشيمة قليلين الاسناع قلبي على سطح الثريا شفوفه الشاعر #حماد_بن_مريزيق

363

‏ᴹ

@_euu7

1 day ago

حمود صاحب معدات يستخرج الحصى من سفح الجبل ، فتقدّم أهالي القرية بشكوى ضده إلى رئيس مركز سدير، #رشيد_الزلامي -رحمه الله- فقال : لا تبلشون بقصة الضلع وحمود حمود عاقل والجبل في محله يكفيه من عرض الجبل خمسة ردود ماهو بخبلٍ ياكل الضلع كله

_euu7's tweet photo. حمود صاحب معدات يستخرج الحصى من سفح الجبل ، فتقدّم أهالي القرية بشكوى ضده إلى رئيس مركز سدير، #رشيد_الزلامي -رحمه الله- فقال :

لا تبلشون بقصة الضلع وحمود
حمود عاقل والجبل في محله

يكفيه من عرض الجبل خمسة ردود
ماهو بخبلٍ ياكل الضلع كله https://t.co/xUblNusTRO

291

‏ᴹ

@_euu7

6 days ago

- ممدوح المرزوقي 🎧| ابكي وعيني تسهر الليل ياريم مادري بلاها الشوق وإلا الظليمه ياريم دمع العين مدري على الريم والا على قلباً تواكل صميمه تقول لاطمني على نونها سيم ابكي وعندي لأزرق الدمع قيمه ويمكن يكون الدمع للعين تكريم ويمكن يكون إلها عذاب وحريمه والله يالولا دمعةٍ كنّها الديم راحت ضلوعي من عذابي حطيمه ودم البكا ياريم مافيه تحريم ياعنك والله لأرخص الدمع شيمه وابكي على حالي من الوجد واهيم لين الزمن يخلف عليّه نسيمه ابكي حياةٍ صافيه مابها غيم وين المحبه والقلوب السليمه ابكي قهر وابكي من الغبن والضيم وابكي من إطعونٍ بقلبي قديمه غدر الزمن خلاّ بوجهي مراسيم ومايذبح الرجّال مثل الهزيمه بعض المصايب شرّها ياكل الهيم وشلون بكبود الرجال الكريمه وبعض المصايب يخلفنّ المفاهيم تبغى على ماقيل صبر وعزيمه مظلوم بالدنيا وغيري مظاليم من عرض ناسٍ لبّسوهم جريمه ماعاد ابي من سود الأيام تعليم عقب العذاب اللي كلاني جحيمه ولو تصفي الدنيا عليّ الملازيم ماعاد ادوّر من وراها غنيمه

330

Who to follow

7 days ago

دهّام العنزيي 🎧| @aspa12x البارحه يوم القمر هايف وطاح سجيت وأفكاري تسَن سنونها بين الزمان اللي فتق جرحْي وراح وبين العيون اللي جفْت مضنونها محارب ً في ثلث ليله ما أستراح يمّن دموعه بالجفن ويخونها ما تعتقه حتى مصابيح الصباح يشوفها نار ً ذرى الله دونها انا محب الدين لو ماني صلاح واعشق رفاه النفس واكره هونها تغريني الدنيا واكافحها كفاح كم لي وأنا أجاهد برجم جنونها بس انجذب جداً على سيد الملاح وعلى طفاح ً نايف ً عرنونهاا " طْرد البنات العوب والوضحا الشناح خسارة ً كل العرب _ يغلونها " وانا بلايه بنت مروين الرمَاح يعطون دمَ القلب ما يعطونها لسانها سلطه ونضرتها سلاح تاخذ حلالي في سهوم عيونها تقول بعيوني سحر لكن مباح واقول من دونه ماهو من هونها صار الشعور اللي قبل مقل الضحاح من يوم ما جربت عذب لحونهاا غرورها بالشعر لبسته وشّاح حتى عن أنسام الهبوب اصونهاا وصارت من أبياتي على خف َ وجناح تشوفني عاقل وأنا مجنونهاا

825

‏ᴹ

@_euu7

8 days ago

شاعر الوجد والحنين وشاعر المعاناة والالم فهد الربوض الشمري 🎧| ودعتك الله يا عنود المزايين وداع ما اظني بعده متعافي يا احب من ورد على وجهي البين واعز من ضيق علي المنافي يا اغلى وجع استشعرته الشرايين واوجع غلا عشته بخير وعوافي لو كنت ادري بنيتك يوم تقفين عطرت من ريحة لحافك لحافي لاشك لو ان الخوافي لنا تبين ما روحت مجمل حياتي خوافي اعطيتك من الاربعة والثلاثين ثمانية كانت ضفافك ضفافي بها على شانك نظمت الدواوين وابدعت في حبك الشعر والقوافي وبها على شانك تحديت الادنين ما بين مقفي وبين مقبل ولافي تلفين واعدك علي يوم تلفين غيمة تبدد عن جفافي جفافي معي شعرتي ان منتي من الطين ومعي اقتنعتي بالشعور الخرافي وابراي لله ابهتك يا اريش العين حتى ولو ماني معك متصافي لقيتك بك مالا لقوه المحبين اللي نهايتهم مجافى وجافي اجي وجوي عمس واقفي ومن حين ما اقفي وجوي من محياك صافي ومن الغلا لو صفو الناس صفين محدن يصف من الغلا في مصافي ورغم اختلافي عنك مع طبعي الشين ما غيرك طبعي وشين اختلافي كنا قبل نلقى بعضنا من سنين قبل اعترافك بالغلا واعترافي عشاق؟ لا والله الا اكثر ثنين علينا هندام العشاشيق ضافي ماكنت احبك حب نزوة وتدرين بالخافي اللي عنك ماهوب خافي جيتك على وضح النقى والوعد دين والحر لامنه وعد كود يافي تبعت بك هدي الرسل والنبيين وافي وادور لولدي خال وافي اثري تبعتك بس ما ادري على وين مار الوكاد اني تبعتك وكافي طلبتك من اخوك مره وثنتين والثالثة جيته على الشوك حافي الين عيا بك قبل لا تعيين وانا العزيز اللي ما اقبل اسفافي لكن عليك الله وامانه لا تنسين لا ضاقت رحاب السما والفيافي ما دامنا فوق الوسيعة وحيين ووجيهنا تطرق لحاها السوافي مكانك الدافي بصدري من الحين الين ما الله ياخذ الروح دافي واليا نويتي عقب حبي تحبين امانتك حبي الشجاع السنافي على الاقل يوم اخسرك من حمر عين اهون علي من اخسرك عند هافي

‏ᴹ

@_euu7

8 days ago

- ما شدَّت عيون المساء وجه الأعذار هذي مقادِيْري، وهذي جِروحي أمرّ بيْن أحداث الأيَّام.. والدار وأشدّ خطواتي، وأسلَّمك ضوْحي لو إني أدري وِش تخبّيه الأقدار؟ ما ضاع ليلك، في ثنايا وضوحي ليتك تمهَّلت الرِّضا لين تختار.. قبل أتمادى فيك وأرجِع بـ روحي! كيف أتصدَّد عنك يا كلّ الأسرار؟ إليَا لقاك المنتبه في مزوحي.. لولا غصون أشجارك، وبِيْض الأسوار ضاعت حقوق اِسمي وطاحت صروحي أنا يا أبو وجهٍ مشاوِيْره.. كثار: ما زلت أدوَّر في مرابيك روحي. - محمد السلطان

869

‏ᴹ

@_euu7

9 days ago

قصيدة العيد / عيدكم مبارك ————————————— بين طيّات الوجيه الضاحكه والمسفهلّه ما عرفت أكتم هواي، ولا عرفت أخفي مرادي مرحبا، ما مالت غصون الشجر وأشتاق ظلّه للحميميّه تحته، وللقصيد، وللتهادي بـ القبال اللي تعجز الناس عن خالي محلّه والحضور اللي بَعدْه حضور خلق الله عادي تشتهيك الأرض، وغيوم السماء، والكون كلّه والذهول في وجهٍ أبطى يشتهي طلّتك هادي في مراتع -معشر الشعّار- ما دوّرت حلّه قبْل أهيم في لِبّتك وأضيع ما دوّرت وادي ما على وجه البسيطه بنتٍ تضاهيك لِلّه قولي لـ من يبغى مثيلك: لا حياة لمن تنادي جيتي أشهى من كلامٍ ساقه الطاري لـ حلّه وأشهى من "لبيّه" لامن جاوبت صوت المنادي تعرف عيونك رهيف الحب فـ الصدر وتدّله لين بعدك صرت أشوف الغيد باللون الرمادي أقبلي والريح تجمع شعرك شوي وتفلّه كم عطى ربي يدين الريح من حظ الأيادي منتظر مثل الكريم اللي ما ردّه يوم قِلّه لا معي قلبٍ يبور، ولا معي صبر المهادي لا انسدل فستانك اللي يعقد الحبل ويحلّه فوق لينٍ يشتهيه العطر مانيب متحادي « أقبلي والعيد عيدك والشِّعر دقّه وجلّه معك صار العيد غير وفيك توّ العيد بادي » - ماجد النفيعي

‏ᴹ

@_euu7

10 days ago

من أجمل القصائد الاجتماعية التي خاطب فيها أب لبنته في عصرنا الحديث هي قصيدة المحيط | #فرحان_قيران_العنزي ( من مدينة عرعر ) وقصيدته الخالدة في بنته هند يقول فيها : ياهند صدري ضاق يا ضّيّ عيني الليل ضايمني وأنا قبل منضام ما داني الشرقه ولا أداني الفي والليل يجرحني سواده ولا أنام ياهند ليه الناس ما تترك الغي ياهند ليه الناس تقطع بالأرحام ياهند ليه الحظ دايم يجي سي دايم يجي خلفي وأنا أرميه قدام ياهند مت من العطش والعطش مي ياهند شوفي حالتي جلد وعظام ياهند كان الزرع ينبت بلا ري يجوز احقق ما بقالك من أحلام ياهند قلبي فيه كي ٍّ علىَ كي النار تاكل به وأنا رافع الهام يالغاليه ليتك تشوفين وش بي بي هم يصلح للمحابر والاقلام يا لّي يانفخة هَلْ الكبر يا لّي ما هزت أطرافي تماثيل الازلام اقفي عن الدنيا واناظر لها شوي وياشفت وجهك ردني شوق وهيام شفت البروق وقلت معقول أنا حي معقول أنا عايش وأنا ميت العام فركت عيني يوم طالعت للضي ورديت مابالذاكرة مثل الافلام حكيت راسي ثمْ صفقت بيدي ولقيتني عايش وميت بالاوهام بالله من يكسرك ياقيد رجلي مليت من سجنك تكرم بالإعدام الله من هم ٍ طوىَ خافقي طي بين الضلوع المهدفة هوش وزحام ما عاد به صاحبٍ ولا عاد به خَيّ إلاَّ صديق ٍ شايلينه للايام ماني وأنا فرحان عَيٍّ ولد عَيّ متسولاً ينسىَ صلاته ليا صام ولا لابس ٍ في كل حفله ردي زي باب الردىَ سكّرت امانه بصمام مره بغيت ازعل واذوق اللحم نِيّ لا شكْ ..ردتني تعاليم الاسلام واحرقت لي صندوق مابه ولا شيّ إلاَّ قصاصاتٍ بها بعض الارقام

‏ᴹ

@_euu7

10 days ago

يا سِعد عينٍ تلمحك في ضحى العيد ترفل بنفنوفٍ توشّى عفافك يا موقّف الدنيا ، واهلها على حيد مافيه احد قدْ مرّ جنبك ، وطافك محسود من شافك من بعيد لـ بعيد وشلون عاد اللي من قريب شافك ! #عيد_الأضحى

_euu7's tweet photo. يا سِعد عينٍ تلمحك في ضحى العيد
ترفل بنفنوفٍ توشّى عفافك

يا موقّف الدنيا ، واهلها على حيد
مافيه احد قدْ مرّ جنبك ، وطافك

محسود من شافك من بعيد لـ بعيد
وشلون عاد اللي من قريب شافك !

#عيد_الأضحى https://t.co/jIMHEfZiot

350

‏ᴹ

@_euu7

10 days ago

كل عام وأنتم بخير 🩵 أسأل الله أن يعيده علينا وعليكم بالصحة والعافية، وأن يجعل أيامكم كلها فرح وبركة وسعادة #كل_عام_وانتم_بخير #عيد_الأضحى

385

‏ᴹ

@_euu7

12 days ago

قال رسول الله ﷺ خير الدعاء دعاء يوم عرفة وخير ماقلت أنا والنبيون من قبلي : " لا إله إلا الله وحده لاشريك شريك له له الملك وله الحمد وهو على كل شيء قدير "🩵 #يوم_عرفه #حج_1447هـ #صيام_يوم_عرفه

842

‏ᴹ

@_euu7

13 days ago

وجدي وجود اللي منامه مقزّي .. محتاج له رقية من إيدين راقي .! معاه ضيقً بالضلوع متوزَي .. يمشي على سكين دون التراقي .! إلين صدره من كثر ما يغزّي .. أمسى شبيه مشخَلات الطواقي .! يفك صفحات العزاء للمعزّي .. ويصك صفحات الغلا والتلاقي .! عدًا برجم نايفٍ مقلحزَي .. شاقي ومنية كل من كان شاقي .! ودَه لو إنه من علوَّه يكزَّي .. ولاً يحوَّل منه والجرح باقي .! هذا وجودي كل ما قلت فزّي .. من مرقدك يا لهفتي و إشتياقي .! على غزالٍ شب طرياه قزَّي .. وأشقيت من شانه قصيدي وساقي .! وأقفت به الأيام والعين تزّي .. إلين حطت في خدوده سواقي .! يوم البيارق فالملاقى ترزّي .. والقوم ما تأخذ غزايز نياقي .! واليوم في عصر التطور يحزّي .. في نفسي إن أهل المكارم طراقي .! #زبار_الحربي

‏ᴹ

@_euu7

15 days ago

الكايده يقبل لها الشره ويحيد وأنت لها يا عزوة الجحدريّة 🚨 أروع ما قيل في غرض المدح من الشاعر الكبير/ عبدالله بن زويبن الحربي رحمه الله في اللواء الشيخ/ عبدالرحمن بن محمد العماج السحمة #قحطان رحمه الله 🚨 أنا على هداج شيخ المواريد اللي معه كل الموارد حسيّه جنب عن اللي بالمناصب ملابيد وإنحر به اللي سمعته جوهريَّة نجم شعاعه كل يوم بتصعيد بين الكواكب يكسح الليل ضيّه عليه من طيبه تسما الصناديد جميع قحطاني ببيته سميَّه لوكان عذبات الصبايا مدي الميد يحرم عليمن مايجبين زيَّه نبعد مدى هقواتنا فيه ويزيد عنها حليف المرجلة والحميّه بالمنصب العالي على زيد وعييد والمشيخه والرتبة العسكرية تحقيقها ما هو على مثله بعيد جاهه مقدر والعزيمة قويَّة بعض العرب طيبه تصنَّع وتقليد وإلا أنت يالعماج طيبك سجية الكايده يقبل لها الشره ويحيد وأنت لها يا عزوة الجحدرية 🚨

_euu7's tweet photo. الكايده يقبل لها الشره ويحيد
وأنت لها يا عزوة الجحدريّة 🚨

أروع ما قيل في غرض المدح من الشاعر الكبير/ عبدالله بن زويبن الحربي رحمه الله في اللواء الشيخ/ عبدالرحمن بن محمد العماج السحمة #قحطان رحمه الله 🚨

أنا على هداج شيخ المواريد
اللي معه كل الموارد حسيّه

جنب عن اللي بالمناصب ملابيد
وإنحر به اللي سمعته جوهريَّة

نجم شعاعه كل يوم بتصعيد
بين الكواكب يكسح الليل ضيّه

عليه من طيبه تسما الصناديد
جميع قحطاني ببيته سميَّه

لوكان عذبات الصبايا مدي الميد
يحرم عليمن مايجبين زيَّه

نبعد مدى هقواتنا فيه ويزيد
عنها حليف المرجلة والحميّه

بالمنصب العالي على زيد وعييد
والمشيخه والرتبة العسكرية

تحقيقها ما هو على مثله بعيد
جاهه مقدر والعزيمة قويَّة

بعض العرب طيبه تصنَّع وتقليد
وإلا أنت يالعماج طيبك سجية

الكايده يقبل لها الشره ويحيد
وأنت لها يا عزوة الجحدرية 🚨

‏ᴹ

@_euu7

15 days ago

يا خوي أنا من كثر ما أعض الإبهام مَن الندم وقف عن العرق دمّه ! عن الزمَان العام واللي ورى العام هِاض النّدم يا خوي قلبي وخمَّه ! سجيّت مدري وش ورى سود الأيام تسوقني نفسي على غير يمّه ! حتى عرفت إن القدر طير حوام يوّرد الضامي على غير يمّه !

597

‏ᴹ

@_euu7

16 days ago

#النصر_بطل_الدوري السعودي للمحترفين 2025-26 💛 ألف مبرووووك لجماهير النصر العالمي العظيم في كل العالم 🌏

189

‏ᴹ

@_euu7

19 days ago

فلاح الحميداني المطيري 🎧| قالوا علامك ما تقول القوافي وأقول انا ماني بعجلٍ على القاف كمّ كلمة كثرت عليها الحسافي وكمّ ضاع من بين المخاليق ميقاف اللّي لمست من أكثر النّاس كافي ياقلّ من فعله يشرّف وينشاف بالنّفس عن بعض المواقف عفافي عن الطّمان أبدي على راس مشراف لي مع بعيدين الهقاوي مطافي ولى دون عوجان المناهيج محراف واليا استوى المعنى على رسم قافي لابد ما يظهر له أنصار وإنصاف من واحدٍ يعلم كنين الخوافي علاّم سرّ الكون يرجى وينخاف هو خالقي له ذلّتي وأعترافي هو القدير بكلّ شيٍّ هو الكاف هو الّذي عند المواعيد وافي وعلى وعيده تلحق اسلاف باسلاف كم صفصفٍ يرفع عماره يشافي وكم عامرٍ ساوى مبانيه صفصاف تذري عليه مصافقات السوافي تطرد به السملول من عقب الارياف دنياً اليا جا في هواها اختلافي من حكمة المولى لها عشق وعياف ما جت على كيف الرديّ والسّنافي ذى قدرة اللّي خالقٍ كل الاصناف

‏ᴹ

@_euu7

21 days ago

#عبدالرحمن_القوس 🎧| @algoos_a خلاص ما عادني نفس النديم القديم وصـلـت للحالة اللـي مـا تمـنـيتها من اربع سنين كني عايشٍ في جحيم كله من [ الصدمة ] اللي ما تخطيتها على رجا انسى " الألم " سويت حالي غشيم [ وسويت كل الامور اللي ما سويتها ] لكن لا زال فـي قـلـبـي فـراغٍ عظيم في سـده .. العنـكـبوتة بانيه بيتها ! قابلتها في زحام الشارع المستقيم ومديت كـفـي بـصـافـحها ورديتها ووقفت حاير تلاعبني هبوب النسيم وقلبي من الشوق يسحبها بجاكيتها .. من كثر ما حِبها متجذرٍ فالصميم "كم ليلٍة قمت من نومي وناديتها" يا ليتها ما تمـادت بالنقاش العقيم وهي تدري اني بـبـكيها وبـكـيتها ! مدري ورا الصدق طلعني بشكل اللئيم وانا اكثر انسان صادق يوم حبيتها من يوم خليتها وانا اشعر اني سقيم لو عاد فيّ الزمن ما كان خليتها 💔 ما بين [ قهر الرجال ] وبين [ كيد الحريم ] دنياي جادت بصبرتها وحلتيتها غنيت فيها قصيدٍ من سمعبه يهيم ولا قدرت انشره .. خوفٍ على صيتها قد فر من ظلمة الادراج بيتٍ يتيم اهل المدينة تزين به حـوانـيـتها

‏ᴹ

@_euu7

21 days ago

القلب له شَفّ ومراميع وشبوح وعزّي لمن له غايةٍ ما وصلها _ حماد مريزيق الحربي رحمه الله

651

‏ᴹ

@_euu7

22 days ago

تكتمل حياتنا بأشياء و تختفي بأخرى ، ليست مسألة حظ ، إنما أقدار يعطي اللّه لكل ذي حقٍ حقه ، فالحمد لله دائمًا و أبدًا

201

‏ᴹ

@_euu7

23 days ago

عبدالله بن عون 🎧 | مع هجعة اللي يختفون أول الليل الغايبه دايم يغيبون معها النفس تاقت للسمر والتعاليل والعين أشوف النوم خالف سنعها وطاب الجلوس بجانب النار ياشعيل وحط الحطب في ترعة ٍ من ترعها وإليا استوى للجمر فيها دحاميل وأقبل تواهجها وقفى ولعها درج على المحماس من غير تعجيل برية ٍ دوب اليماني قطعها أول قطاف سفوح شم الأقاذيل اللي جذا حوم الوحش عن فرعها شم يساقيه السحاب بهماليل لين يتحدر سيلها مع تلعها وترى لحمستها نظام ودواليل وشريعة يمشى بأثر من شرعها أول بدايتها مدافع مخاليل ومسرى جماميل ٍ بغالي سلعها وسوق ٍ كما سوق الجمال المحاميل مازال حموى النار ماقد لذعها وإليا تطلق من شذاها زعاجيل وبشت عرق واللون الأشقر نشعها فالحال سهلها عن النار تسهيل حتى لظى المحماس ما يدّرعها وغير لها يا شعيل مسرى الجماميل بطراد زلبات ٍ تزايد فزعها تدريجة الحيران ومطارد الخيل هذي طريقة حمسها واتبعها وعقبه تميلها على النجر تمييل جذاب روس القوم من منتجعها عوايد له من على سالف الجيل ماهي حديثه تونا نبتدعها ومن يوم تنعمها فدوك الدعابيل فوق أصهب اللون الربيب تهزعها وتضبط قياس الماء لها بالمكاييل ضبط الخبير لصنعة ٍ مخترعها ومن يوم تقطع خلها مثل ما قيل ترخي على هدفى السبيل مخذعها مبهارة ٍ تذعر بغالي التشاكيل طب العماس إليا تيسر تبعها صفرا كما القنديل حسنا تعازيل من صنعة رسلان الأول صنعها إليا دارها اللي يعتني بالمعاميل وفاحت وبالفنجال الأول ردعها وفيها تساوت خنة البن والهيل والنفس دافعها عليها دفعها قم صب لي ياشعيل منها فناجيل على سنا ضوء تهادى ولعها أظنها يامال طول التماهيل تقلع همومي كان ربي قلعها وتفتح لها أبواب بصدري مقافيل وتجمع لي أفكار ٍ تشتت ضيعها وآخذ بها عن ضيقت البال تبديل وصروف دنيا ما مشت مع سنعها دنيا تصيد بالشبك والمحابيل ناس تسايرها وناس تخدعها أحد تجي له بالرضا والتساهيل وهو لو تعب في جمعها ما جمعها وأحد ركابه مقفيات ٍ مقابيل ولاباب والا نافذة ما قرعها وتعطيه قاف إليا طمع بالمواصيل وينكف معيف وسامح ٍ من طمعها دنيا تقذل سبق الحر تقذيل وتوهنه في ربعة ٍ من ربعها لو قد مضى له من شقاها غرابيل يوم الحرايب مظلمات ٍ قطعها يوم الطلوع ابها على الهجن والخيل ما قد فهق عن طلعت ٍ ما طلعها ويوم استقرت وأغدقت بالمحاصيل صارت منافعها لمن لا نفعها عقبانها تمسي قوايا مواجيل والمستفيد غرابها مع مرعها واللي مسار أمورهم بالبراطيل واللي متى ما وافقت له بلعها ومن ذاق در المرزمات الأباهيل أما حلبها حلب وإلا رضعها وحصنيها يرقص على هزت الذيل ولو يجتمع قدمه سباع ٍ سبعها ولا عندنا ياشعيل للعوج تعديل مازال ممشاها على العدل أطعها ون شفتها قامت تجانف على الميل بأردى ثمن عند أول السوم بعها واستثن منها قومت ٍ بآخر الليل في حزة ٍ كل ٍ يحب يهجعها إليا جاء لثلث الليل الآخر تراتيل وقامت ملائكة الرضا قمت معها في ساعة ٍ تكبيرها والتهاليل يجنى ثمار عذوقها من زرعها وخل اجتماعك بالرجال الحلاحيل اللي خيار المجتمع مجتمعها ولا تبدي الشكوى ولو ضامك الشيل الا على رجل يحس بوجعها رجل إليا التفت عليك النشابيل أما شبرها شبر وإلا ذرعها واختار مفتاح ٍ للأرياء المقافيل روس العلا يرقيك في مرتفعها ومن الزمان اخذ العبر بالرحاحيل اللي منازلهم تهاوى بقعها يافجعتي لاجيت بعض المداهيل ولا شفت فيها عقب حي ٍ رتعها إلا رسوم دارسات ٍ مساميل وخرايم ٍ يزمى السراب بشمعها بلاقع ٍ شهب ٍ تهاوى زهاليل ألظّاهر أن اللي فجعني فجعها من عقب أهلها لو سقتها المخاييل مالله نفعها وبركتها نزعها لاجيتها جضيت من قلة الحيل ودنياي عندي ضاق بي متسعها على حلاحيل تضد الرجاجيل حصن ٍ ماعاد إلامقالع شيعها

‏ᴹ

@_euu7

Who to follow

Last Seen Users on Sotwe

Trends for you

Most Popular Users