ٌ

[ٌ @_fN08]

مقاديم بدوٍ في رجا قلبك الحسّاس
يسوقون شرهتهم وأنا أسوق لك نوقي

ترى ما معي شِعر المعرّي وأبو نوّاس
أعرف أكتبك لكنّي أجهَل مدى شوقي

تجفّ الأراضي وأنت ماطرك دون قياس
أبى أتبع سحابك كلّ ما مرّ من فوقي

وقبل لا تشحّ بضحكتك يا عسى ما بأس
ترى يا حبيبي ضحكك من أبسط حقوقي

[ٌ @_fN08]

كل ما شانت أوضاعي وصدري ضاق
و ابتدأ خاطري يلعب على الحبلين

أذكر الله تعالى ربي الخـلّاق
وأحمده وأشكره وأستغفره وتزين

حاجتي للتعايش حاجة المشتاق
لـ اللقاء ، اللي يرد من الحياة سنين

وسط قلبٍ يشوف أن الحياة أرزاق
الله لا يجعل الدنيا تغلب الدين

—خالد مبارك

[ٌ @_fN08]

سرى الليل واللي يسري الليل من همه
مواصل على موال يا لاح يا ملاحي

يدّور ملاذ من الهواجيس وتخمه
ولا خمّته ما عاد يدري وش يناحي

ابا اعيش جوّي في فضاً ماحدٍ يمه
وأكافح لحالي واتعلم من كفاحي

وابا افضّل العزله عن الضول واللمه
وابشري خسارة ناس واجد من ارباحي

وباب العلاقات الكثيره مع الامه
ابا اقفله بالقفل واطش مفتاحي.

[ٌ @_fN08]

العرب ما هيب تعلم مسدات الغيوب
ووارد الماء ما يدلّه يكود مصدّره

والتجارب عرفتنا الصدوق من الكذوب
والجبل لاسال نبته يجي بمغدّره

والاصايل كل يومٍ تلافح بالكعوب
والردي لاعيّن اللي يهينه قدّره.

—سعد بن جدلان (رحمه الله)

[ٌ @_fN08]

عنقها شبرين والثوب جايٍ له طروق
من ردوفٍ تطوي الثوب لا قفى وراه

والعيون عيون شيهانة تتل السبوق
قبل لحظه تلمح بعينها اليسرى قطاه

وغير هذا بنت رجلٍ على العليا سبوق
من رجالٍ تكعم الخصم وتضد العِصاه.

[ٌ @_fN08]

الايام مابه حدٍ ما بيحت سده
والوقت حمله ثقيل وميلته عاله

يومي بنا حلم ليله في نحر غده
وتحدنا حر شمسه نطرد ضلاله

وضاعت طموحاتنا في هاته ووده
ايلين عف العفيف وماتت آماله

ولو ان بعض العرب حلمه على قده
ماضيع الصالحين ابليس وعياله.

[ٌ @_fN08]

أحياناً الانسحاب من بعض الأمور أشبه بالعفو عند المقدره مثل ماقال الشاعر سفر الدغيلبي :

ثم شفنا الشك والريبه وعودنا نكايف
والرجوع من الدروب العوج نوع من الشطارة

نقدر نعود على القوة ونركبها الحتايف
مير ردتنا عن القوة صلاة الاستخارة .

[ٌ @_fN08]

جعل السنين فداك من صفر الى غرة صفر
وفداك حامل مسكها وفداك نافخ كيرها

سرقت منها ماسرق خصرك من الظبي العفر
" الي تثنى له سنابل برّها وشعيرها "

وش يزعلك وانتي وانا روحين يحملها نفر
وقلوبنا فيها حنان ام تضم صغيرها

– مدغم ابو شيبه

[ٌ @_fN08]

الجادل اللي عنقها حول شبرين
وفي خدها شامه وفالعنق شامه

فنجالها ماهوب باوسع من العين
والجيد كنه طخاف الغمامه

من بد ترفات البنات المزايين
ما فيه مثل الفارقه بالعلامه

طرقا تهزع فالجراهيد وتزين
حتى لو ان القاع ثاير عسامه

قامت علاها الغيد مثل الشياطين
وهي قامت تطوح لهن باللثامه.

[ٌ @_fN08]

أسر يالليل القصير اللي تفاصيلك طويله
العوَض في ليلةٍ ما تَظلم الدنيا بختها

ودي أبعد عن جدال وودي أقرب من جديله
لين أجدّد في زوايا البال ذِكرى راعيتها

والله إن كنّ الهبايب و النسانيس العليله
ما تعرف تهبّ من كل الجهات إلّا جهتها.

[ٌ @_fN08]

يا ملاقيف السوالف لا تجونه
انشدوني وإخذو العلم الوكادي

الحبيّب يستحي لا تحرجونه
ارفقو بصويحبي غاية مرادي

يدري انه مالك القلب وركونه
ويدري اني هايمٍ ف كل وادي

بالخوافي يا عرب لا تبحثونه
من بحث زين الوصايف قال عادي

العذارى كلهم فدوة عيونه
من بلادي او من خارج بلادي

[ٌ @_fN08]

مسيّتوا بالشطر اللي يقول :
عسى الله يزين ما تبقى من تواليها . .

[ٌ @_fN08]

- قال رسول اللهﷺ :
"إن خير أيامكم يوم الجمعة
فأكثروا عليَّ من الصلاة فيه"

.اللهمُ صل وسلِم على نبيّنا مُحمدﷺ.

[ٌ @_fN08]

اللهم في ليلة الجمعة أرحم أبي وأغفر له و اضئ قبره بنور الجنة، وأجعل لقبره وملامحه نورًا إلى يوم يبعثون.

[ٌ @_fN08]

عن غيرها تفرق بالاسلوب والمنطوق
مع زين خد وخشم وشفيّتن ذبله

شعرها على الردفين متثنيٍ من فوق
طويلٍ معنقها ومع زينها قببّله

عين اشقرٍ شاف الحباري وقام يتوق
لمحها هريب مقفياتٍ مع العبله

هو اللي غرامه ساقني بالموده سوق
و ترا من يلوم مولع القلب ياهبله.

[ٌ @_fN08]

يومي لها الغصن وتغنّي عصافيره
و الأمر ينّقاد لرضاها و ينساقي

—مدغم ابو شيبه

[ٌ @_fN08]

ياخشف ريمٍ فيه وجله و انفزاع
رده على الميلاف مسراح بدوي

يابو الخدود البلج و السود الوساع
زودٍ على حسنك من آل و من ذوي

في مجتمع والا على غير .اجتماع
حبك .ملازمني .. ملازيم .الخوي

أموت .. ما تلوي لي ..الدنيا ذراع
وأنتي .بنظرة منك .. تلويني لوي

[ٌ @_fN08]

جادلٍ بين غمازة . . وحبة خال
تطرح اللي يهوز الصعب ويجيبه

طبعها لا اقبلت بالغطرسة تختال
تسلب الروح واليا راحت مصيبه.

[ٌ @_fN08]

الله اللي حط لك في العين صوره
والله ان يمحى نظرها ما محيتك
— مدغم ابو شيبه

[ٌ @_fN08]

-صباح الخير للطيبين فقط، أمّا بعد؛

بقلّط أسمك فـ الغزل لين ترضين
لاحق على الحكمة ليا صرت شايب.

[ٌ @_fN08]

حبيبي غلاه صعيب وانا غلاي صعيب
لو اشيل همه يمكن يموت من همي

سحرني مثل يسحر الطيبين الطيب
وخلاني اسولف على الموت واسمي

اذا كان حبه عيب كل المحبه عيب
واذا كان احبك تزعله جعلها سمي

اسولف معه من يوم تطلع لين تغيب
تقول اسولف مع ابوي ولا امي.

— خالد مبارك .