غباش

أول سر من أسرار النجاح ، أن تؤمن بنفسك

[غباش @_gabash]

ترى شموخ الذات من قوّ الإيمان
ومن هَمّه العليا عرف درب أهلها..

[غباش @_gabash]

حنا هل البل قبل تجار العقار
نتعب لها ونحبها ونبرها…

-محسن بن مترك

[غباش @_gabash]

اللهم صلِّ وسلم على نبينا محمد….

[غباش @_gabash]

ياغرة العيد شفتك من ورى الخصلتين
يمين سيفٍ حدب ويسار سيفٍ حدب

من نفحة العود الأزرق هبّ ريح الحنين
وأنا على الماضي أدور على أدنى سبب

والغالية عذرها مهما تغلت سمين
الحب وهبة من اللّٰه والله اللي وهب

ان عايدتني وقالت لي من العايدين
بطيح في حضنها قبل يطيح الحطب

عناق الأفواه يبدأ من عناق اليدين
وعناق الأرواح يبدأ من عناق التعب

فيها من الأنس مايقتل شعور الحزين
وفيها من الثقل ما يخلق شعور الغضب

تملك من العلم و الحكمة مئات السنين
لكن طوالع نواهدها قليلة أدب

رقيقةٍ جيدها ما يقبل إلا الثمين
معها حساسية إلا من عقود الذهب…

-سعود بن مبارك

[غباش @_gabash]

أربها أول من يسلم علي كل عيد
وأربني كل ليلة عيد في بالها ….

-منيف الجراش

[غباش @_gabash]

اللهُم إِنَّكَ عَفُوٌّ تُحِبُّ العفو فَاعْفُ عَنِّا..

[غباش @_gabash]

يا نون وش لي بعد ظلمه تبقى …

[غباش @_gabash]

جابك الشوق ولّا حرّكتْك الهبايب
يا الليان الجميل اللي غصونك مطلّه

مرحبا من سبب ولّا بليّا سبايب
ياسبب كل جرح ويادوى كل عله

ياحبيب بدون أدنى شكوك وطلايب
والله وبالله اللي كوّن الكون كلّه

إنّك الحاضر اللي كنّ ماهوب غايب
وإنّك الغايب اللي ماتغيّر محلّه ….

- علي الدعيه

[غباش @_gabash]

أحرار ماعشنا حياة المماليك …

[غباش @_gabash]

اللهم صلِّ وسلم على نبينا محمد….

[غباش @_gabash]

لعنبو لايمي في حب نجد العذيه …

[غباش @_gabash]

صباح الخير اما بعد يقول ناصر منقره :-

نبتسم لجل البياض الي نقول جبله
والقلوب وما وزا فيها ماندري عنها

من بذل نص الوفاء معنا فرح به كله
كل نفس ربنا خلق لها ديدنها

والنقى صيد النفوس الي عشاها الزله
والعرب ما تنوخذ ياكود من مامنها

فالضروب اللي تجي في الوجه حياها الله
والحساس الي ورانا ماعلينا منها…

[غباش @_gabash]

يازين يالليّ في ذراعك نقاريشُ
الحكم حكمّ الله وحكمك على الراس

إن شيتني حشاش سيد الحواشيش
وإن شيتنيّ حطاب قرب لي الفاس

وإن شيتني خيال أروي المعاطيشّ
واثني وراهم يوم الأرياق يباسّ

الفرخ لايغويك في صفة الريشّ
طير الحبارى يا اريشّ العين قُرناس…

راكان بن حثلين

[غباش @_gabash]

يالله براحة بالَ وعيال وفلوس
وصفرٍ على طقَ العصي اتّرايع

صفرٍ تخبطها تخباط ملموس
لايعه من مس الشياطين لايع

تردم على الرغاي كردوس كردوس
وإن روحت سوت بها للفنايع

الشعر فالناقه معزه و ناموس
وفاللاش واالترفات غادي و ضايع …

-فارس الحشار

[غباش @_gabash]

ما ذكر للحب قاضي ولا جاء له طبيب
من جرح قلب المعنى يدور له دواده

لابغيت ارتاح واضرب على الدنيا صليب
دق هاجوس الضماير وجاء قلبي عناه

صرت انا والوقت من بين مطلوب وطليب
لاعطيت الوقت وجههي يلقيني قفاه

الليالي شيبت بي قبل وقت المشيب
وعزتي للي يصارع زمانن ما قوااه…

-بداح بن عديمة

[غباش @_gabash]

فيها من الريم المكحل حلايااا…

[غباش @_gabash]

أختلفنا و أتفقنا وقررنا الفراق
الفراق اللي يبعثر مواعيد اللقى

لا تهل المدامع بلحظات العناق
أرحل كلك ترى جرحك أجمل من بقى

ماعليك خْلاف في دم وجهٍ ما يراق
البلا في شاعرٍ يوم حبك ما تّقى

ما نويتك بسوء واللي رفع سبعٍ طباق
إن حبك يا نقي على . . . وضح النقى…

-سعود بن مبارك

[غباش @_gabash]

علموه ان الجفا موجع و طبّه
العناق و غط زوري فوق زوره…

[غباش @_gabash]

صباح الخير اما بعد يقول عايض العاطفي :-

غامر ترا الايام تعطيك اختبار
ماهو بشرط كل طلقه صايبه

يقوم حظك مع طويلين الأعمار
لا طاح حظ اللي ماسد النايبه

الحظ في الدنيا مثل شمس النهار
تشرق عليك و عند غيرك غايبه…

[غباش @_gabash]

اللهم صلِّ وسلم على نبينا محمد….

[غباش @_gabash]

ياقلبي اللي ماقدرت الحق جزاك
آسف على جور الليالي والسنين

ماعاد باقي لك من الماضي هذاك
ألا بقايا .. من شعور ومن حنين

يا كثر ما علّمتك ولا الله هداك
ماهيب لا مره .. ولا هي مرتين

اغلب مشاكلك الكبيره من وفاك
ما عاد لي قدرة لـ تلويح اليدين

والانتظار احيان .. نوع من الهلاك
مثله مثل نقص الغذا والاكسجين

سبة شعوري بـ القلق ، والارتباك
كم لك على بالي تروحين وتجين

انا احسب ان الوقت يوم انه خذاك
فترة ماهيب مطولة وبـ ترجعين

الظاهر انك مقفية .. على ولاك
ما عاد لك نية لقاء لو بعد حين

ان كان مالي بك نصيب آبي لقاك
ماهيب دايم تجتمع .. دنيا ودين

اشتاق لك لا قام .. يطرقني هواك
وآكذّب الواقع ، لو انه شوف عين

ولا آذكر الا انتي .. ولا حيٍ سواك
يوم اني اسمع بـ الرفاه و بالبنين

ما فيه ثابت من بعدك الا غلاك
ولا البقية .. ( كلهم ) متحركين

على يقين انك بشر ما انتِ ملاك
لكن عَجَز لا يقطع الشك اليقين

أنا أشهد ان اللي عطاك انه عطاك
مالا عطا غيرك من الناس أجمعين…

-عبدالله السراهيد