الله من ذكرى تحوف الرقادي
لا جا لذيذ النوم ترسم خياله
تقبل بعاصفة الحنين وتنادي
وتلعب بقلبي لين يبدا هباله
والمشكلة في كل ليلة تعادي
حتى غدى حالي من احدا حلاله
أحارب الذكرى وأعزز عتادي
وإليا قمعت الشوق زاد اشتعاله
ما فادني كثر الصبر والتمادي
زعزع ثباتي طيفه بـ ارتحاله
عساني أرتوي شُوفك بجنه عقب طول البُعد
وقسايا دمعتي من لهفتي تصافح كفوفك
تراني أذرف الدمعه بعد بُعدك بليّا جهد
هنيّك يا قبر ياللي فقيدي محتضن جوفك
عساني مانحرم شوفك بعد ماصابني هالهجد
مصيبه بعد طول البُعد عيني تنحرم شوفك
كل عام أقول الفراق يهون
وألقى فراق أهلي مثل أول مرّه
أجيهم صيفٍ وأحسب الوقت مضمون
ويمرّ صيفي مثل طيفٍ بمرّه
وأردّ للغربة وأنا القلب محزون
وأخلّي وراي البيت وأهله وسرّه
سنين أغترب، والناس تحسبني أهون
وأنا كل عام أودّعهم نفس الحسره