عذب

الحمدلله دائماً وابداً

[عذب @_i3th]

المعاريف تلزمني و تلوي ذراعي
حتى لو انها بالواسطه و الشفاعه

[عذب @_i3th]

انعست عين الغلا والهوى هدّى
هانت الايام والملح والعِشرة

وابتديت تشوف نفسك وتتحدى
وانت ما كنت اتغلى ولا تشره

غلطة اللي بالمحبة اخذ وادّى
واعترف لك بالهوى وابصمت عَشرة

الهوى جاب الغلا والهوى ودّى
وانت وجروح الزمن داخلي خشره

[عذب @_i3th]

أجيه شايل همومي وهو مايدري
وأفتح معه مواضيع ادور إبتسامه

لاني واثق ب إنه ما يخيب ظني
وتعود لي البسمه من عقب كلامه

مُجرد ما اقرا أسمه ينشرح صدري
وتبان ب وجهي من غلاته علامه

أجيه مهموم متكدر ضايق صدري
وأعوّد والحزن فيني معلن إنهزامه

[عذب @_i3th]

فرقا عزاز ولا مهانة مواصيـل
وغيبة حشيم ولا ملاقا مهونه

نجي رياجيل ونقفي رياجيل
حنّا كذا وانتم على اللي تبونه

[عذب @_i3th]

كل حب تطوّل من عذابه تمل
كون حب الدواسر في ملاقا الشريف

صملة الزايديه خلّت اللي صمل
كل ماشاف مطرق سدرةٍ قال سيف

[عذب @_i3th]

يميّز الانسان عقله وثقله
وانا بعمري ماتصنعت ثقلي

اخاطب الجاهل على قد عقله
واخاطب العاقل على قد عقلي

[عذب @_i3th]

لا غشاك البرد يا سمح المحيّا
أحطب الطارف من ضلوعي وشبه

هات من عذب السوالف ما تهيّا
ودي أمسك صوتك بكفي وأحبه

[عذب @_i3th]

لمّني مابين سلسالك و شالك
واسقني من ريقك الشهد المحلّى

انحناءة خصرك ورسمة ظلالك
ما تخلّي شفق بالصبر يتحلّى

في لثامك ليل ماغطّى جمالك
مدري وجهك نور والاّ صبح والاّ

ادري ان الليل مهما كان حالك
مايحجب البدر لا منه تجلّى

[عذب @_i3th]

@Villa_Capital 21

[عذب @_i3th]

@alrajhibank 9

[عذب @_i3th]

عاتبيني كان ما ألبستك من الود ثوب
وإعذريني لو تماديت في ساعة غضب

والله إن ماني على كية الحب مغصوب
غير ما عينت مثلك على الكون الرحب

لك كلام أعذب من الما ولك صوتٍ عذوب
يشهد الله كنه العافيه عقب التعب

ولي خفوقٍ عن محبتك عيا لا يتوب
جنته وصلك وفرقاك سوء المنقلب

[عذب @_i3th]

كم طموحٍ ما تجيبه لا جهود ولا سنين
تدركه دعوات الاسحار في ركعة وتر

[عذب @_i3th]

ماهي بلحية عتاب ولهفة مواجه
شف الثقه في الليالي كيف سوّت بي

ضحيت في كل حاجه في رجا حاجه
والحاجه اللي لها ضحيت ضحت بي

[عذب @_i3th]

ينقل الحمل هرشٍ في رقبته عواجه
وابرق الريش ماردّه من الموت ريشه

خل قلبك جسور وواجه اللي تواجه
مامع الذل عز ومامع الذل عيشه

[عذب @_i3th]

مساكم الله بالخير

[عذب @_i3th]

انتي الجاه المقدّر ومعنى الاقتدار
وانتي البدر السماوي وغيرك فيته

سالبه لبّ المدايح وتيجان الوقار
وفارقه في جيل متشابهه نوعيته

[عذب @_i3th]

مدهالها القلب وعيوني مراتعها
أموت فيها وهي للريح تزرعني

ريحانتي والغلا بالقلب زارعها
تشرب عروقي وترواني وتشبعني

[عذب @_i3th]

لك عدة ايام واسلوبك معي سلبي
وتشك في دايم ونفسي فلا شكت

لاتهوز قلبي على الفرقا ترا قلبي
اصمل من البندق اللي مابعد لكت

[عذب @_i3th]

حبيبي، وش مصير الشعر لولا طلَّة محيَّاك
دخيل الله لا تقتل هواي وتجرَح مزوحي

تخيّرتك وأنا ماني بـ جاهل وجهك ومبداك
أشوفك ديرةٍ ضمَّت مداي ونصف من روحي

[عذب @_i3th]

يوم انا عايفٍ فيك العوض والبدايل
بعتني بيعة اللي سامح ٍمن حلاله