𝑚.𝑠

⠀⠀⠀⠀⠀⠀ - يضحك بك اللي عاجزٍ عن دروبك

[𝑚.𝑠 @_ii5ex]

اللهمّ اجرنا من موت الغفله ولا تأخذنا من
الدنيا إلا وانت راضٍ عنا ، اللهمّ حُسن الخاتمه ..

[𝑚.𝑠 @_ii5ex]

يابنت الكبار اللي لهم بالجزيره دور
من ابسط حقوقك لو تكونين منغرّه

[𝑚.𝑠 @_ii5ex]

انتقلت لرحمة الله رغبتي بالجدال
لقيتها جثّة، وبالصمت غسّلتها

أهل الحلوق العريضة والهروج الطوال
مرّوني، وعنهم البيبان قفّلتها

يلقون ناسٍ تنافسهم بنفس المجال
من يعشق اللغو في لهو الحديث التهى

وأنا من اللي يقدّر نعمة الانعزال
لو أقدر أقبّل العزلات، قبّلتها

[𝑚.𝑠 @_ii5ex]

الخساير تعوض والمواجع تطيب
واللياليّ فرحها يطمس احزانها
ㅤ
البلا ذكريات ٍ بداخلي ماتغيب
ردها مستحيل وصعب نسيانها

[𝑚.𝑠 @_ii5ex]

احيان ودك تعيش لهفة الحب
عشان مايصير مثل بيت عايض العاطفي يوم قال :

صار حبك مثل الايام من عمر السجين
تنحسب له حياته وهو ماعاشها

واحيان ودك تكابر وتترك مهزلة الحب
عشان مايصير لك مثل بيت سعد بن جدلان يوم قال :

شرب على غير الضما يجرح الكبد
وقرب من غير الموده مهونه .

[𝑚.𝑠 @_ii5ex]

الإنسان في فتره من الفترات يوعى على نفسه
و يخاويه الهجران و التصّدي و يمشي على دربه ، لذلك اعفونا من هقواتكم الكبيره لان معاد لنا حيله فيها

و أنا أقصد بالإنسان :

اللي ان اعطى ، اعطاك عمق البحور بلا حسبان
و إن هجر صد صدةٍ اللي ما كان له والي

[𝑚.𝑠 @_ii5ex]

لقيَت لي حاجه قبل سنّ الثلاثين
مافيه احد بالكون مثلي لقاها

مخلوق ماظنه تكون من الطيَّن
يمكن سحابه عابره طاح ماها

خلتَ ثلاث ارباع صدري بساتين
ماحدٍ وصل في داخلي مستواها

ماقارنك بالحور وانتي تعرفين
حتى قصيدي يبتهج لانصاها

حبيبتي انتي هنا لا تخافين
شفتي ضلوعي؟ والله إنك وراها

[𝑚.𝑠 @_ii5ex]

اتعبو لأهدافكم ياهل الحلم الشغوف
عنفوان زهور الأعمار قافيها المراح

الفشل لا تجعلونه ذريعه للوقوف
هو تراه اول مراحل محطات النجاح

ما يعديك المهونه ويلحقك الشفوف
غير ممشاك بشجاعه وعزمٍ من كفاح

مطحس بن حمد .

[𝑚.𝑠 @_ii5ex]

انا البارحه هيّض عليّه حمامٍ ناح
يجر اللحون من المسره والافراحي

نبش له جروحٍ بالحشا دمهن فواح
وأنا قبل كاميهن مبا السر ينباحي

اهوجس ومن جته الهواجيس مايرتاح
تنام العيون المستريحه وأنا صاحي

يدقن قلبي دقة السلف بالمفتاح
ومثل مايطق الطار في قصر الأفراحي

- عبدالله ابن زويبن

[𝑚.𝑠 @_ii5ex]

انا ماخذا قلبي سوا طيّب ومنعور
زهاه الغلا وبيوت الامداح يزهنّه

ابو سمعةٍ عطره وله مجلسٍ معمور
شذا البن الاشقر فيه والعود له خنّه

يحب القصيد وسجة الخايع الممطور
ويبرا لـ وضحٍ خالي القفر يرعنّــه

ليا بكر الوسمي ماعاد يتوحا الشور
تبع شفها لو كان عني يحدنّه .

[𝑚.𝑠 @_ii5ex]

اوسّع صدري بـ ذكرى قديمه ماوراها فود
امررها على قلبي ويصحى جرحي الغافي .

[𝑚.𝑠 @_ii5ex]

انا الي يحق لها الدلع والدلال
دامني في ضفَ قربه وداره .

[𝑚.𝑠 @_ii5ex]

ماغبت كاره ولا رديت قلبيّ عيوف
حتىَ لو أبطيت عن وصلك وطال البطا

الأدمي ينشغل ويكوّن عنده ظروف
ويمَر بـ أيام عزلة ، صح ولا خطا !

[𝑚.𝑠 @_ii5ex]

افتقد للماضي اللي كنت اعيشه
و كل لحظه عشتها احزن عليها

ليييت لي في عالم الذكرى دريشه
كل مـاااا اشتد الحنين اطل فيها ..

[𝑚.𝑠 @_ii5ex]

اقبلي ياطب قلبي وارتياعي
اقبلي عقب المسافات الطويله

واحضنيني ياجميله من ضياعي
الضياع اللي ماخلا لي وسيله

مرحبابك من ذراعي لـ ذراعي
جابك الله علم وانتي حلم ليله

ياثمر قلبي وشوقي واندفاعي
ياغناتي فالسنين المستحيله

مدّعين الحب والشوق الصناعي
كلبوهم فدوةٍ لك ياجميله

[𝑚.𝑠 @_ii5ex]

مابيني وبينك مشاريه وعتاب
شفّ دربك الي جيت منه تدله

ما راح تغلبني لو الحب غلاب
من حضرتك عشان قلبي تذله؟

كنت القريب وكلهم أغراب
حتى القمر لا غابّ شفتك محله

رح واعتبرني واحد اذنب وتاب
ماني بثوب تلبسه ثم تمله .

[𝑚.𝑠 @_ii5ex]

و لو كنت صحراء عجاج و محدٍ لك يزور
انا الوحيد اللي ابي امشيك حاااااااااافي .

[𝑚.𝑠 @_ii5ex]

لايغرك قلبي الأبيض وطول العشره
والله اني لاكرهت أصير جداً قاسي

بعد كنا ..في ملذات الليالي خشره
مات حبك في عروقي والبقى في راسي

خلني لاعاد تلحقني عتاب وتشره
لاتذكرني غرامك والله اني ناسي !

[𝑚.𝑠 @_ii5ex]

يا كامل الزين والأخلاق والدلّي
يا لابسٍ تاج ترفات المزاييني .

[𝑚.𝑠 @_ii5ex]

ان اشغلوك اللي لهم عدة وجيه
اضحك لهم ضحكة وسيع البنايد

ولا تقنع العالم بشي مسويه
قد قيل من قبلك رضى الناس كايد

الناقصين يكبرون المشاريه
والواثقين يكبرون الوسايد

[𝑚.𝑠 @_ii5ex]

يامرتبط في كل جرح من الجروح
مثل ارتباط الحزن فالصوت الشجي

قد انتهى الحلم وقد اغتيل الطموح
وانا ماجيت امدح ولاجيت اهجي

حتى لو تشوف التفاصيل بوضوح
لاتكبر الرجوى بعين المرتجي

من كثر ما اتعبني شعور انك تروح
ما عاد يسعدني شعور انك تجي .