ضحيـان .

حريب ألقوم ما يهابّ احد .

[ضحيـان . @_ii5f]

الله يبل الريق في . . حزة الضيق
لا شحّت كفوف المخاليق بالماء .

[ضحيـان . @_ii5f]

تمر الفطين المنتبه ويغدي منجوم !
ويروح الشقردي ، خاتمٍ بين أصابعها .

[ضحيـان . @_ii5f]

انا كنت متمسك على طاعة الرحمن
لكن الهنوف تساعد ابليس في خطفي

ياقشري ومشين خاطري في بعض الاحيان
لكن معك . . يامزين كلامي ويالطفي

والاسود ترى ماصار سيد على الالوان
سوى عقب ما صورتي ، الاسود المطفي .

[ضحيـان . @_ii5f]

المحبة قبل أعرفك ؟ شيء عادي و إعتيادي
بس عقبك واللّٰه إنها في نظر عيني عظيمه .

[ضحيـان . @_ii5f]

مع خيالك كم سريت ورحت أهيم بكل وادي
وكم ذكرتك بالقصيد وبالحروف الأبجديه

من مشى عكس اتجاه اعيونك الثنتين غادي
ومن وصلها ضاع قلبه بين هاذي وبين ذيه

ليلةٍ منها المشاعر تنتشي والجو هااادي
ماتساويها السنين التاليه والسنين الاوليه .

[ضحيـان . @_ii5f]

مسميٍ طيفك رفيق المشاوير
والله ماهوب اللي ليا مر عدّا .

[ضحيـان . @_ii5f]

غريبك اللي نفاه الواقع الجَبري
يستسمحك قبل يبدا رحلة الغربه

انسه مثل قصة السواق والعبري
لا ونّسه فـ الطريق وراح في دربه .

[ضحيـان . @_ii5f]

مافي قلبي اماكن خاليه ولا معي قلبين
ولاعندي فضول اقول لطارق من الطارق

ياباب الحب خلك هكذا مغلق ليوم الدين
يكفيني غياب الي حضوره يصنع الفارق .

[ضحيـان . @_ii5f]

لا زلت أحتاج وجهك لـ السهر لـ الشعر لـ الميعاد
و صوتك لجل أحرّر عبرةٍ . . فـ الصدر مخنوقه .

[ضحيـان . @_ii5f]

خابرين العز فرصة عمر وان العمر فاني
واصلينه واصلينه لو يحول الموت دونه .

[ضحيـان . @_ii5f]

لاتضايقك الليالي ولا تبكين زين ؟
لـو تبكيك الليالي شلعت عيونها .

[ضحيـان . @_ii5f]

تلقح الايام وتجيك ب وليده
اما قاضي محكمه ولا مهرب .

[ضحيـان . @_ii5f]

عسى مدهال ملهوف الحشا للرايح الصبّاب
يصبّ من الوله و يعانق المحبوب محبوبه .

[ضحيـان . @_ii5f]

يا غايبٍ ما تدوّر كون كلمة تعال
المنتظر مستعد يموت ما قالها .

[ضحيـان . @_ii5f]

وان سرابه طاري الشوق مع كل اتجاه
مايروقه غير شوفتك من عقب اشفقة

الليالي تبحث القلب وتبيّح خفاه
مير حبك حطه الله في قلبٍ ثقة .

[ضحيـان . @_ii5f]

بلاك انك تعرف اني احبك لو غيابك طال
وبلاي اني اعرف انك دواي ولذة سنيني .

[ضحيـان . @_ii5f]

السمعه اللي خذت من كل مجدٍ تليد
نعمة عيال الفهود . . تموت من دونها .

[ضحيـان . @_ii5f]

ما يدوّر لـ اصعب الاحلام و يحققها
غير عزمً ما يطيح و خاطرً ما يسمح .

[ضحيـان . @_ii5f]

غديت مثل اللي مضاريبه تقلط فالنحور
و يوم استوئ له رد ثار ابوه لكت بندقه .

[ضحيـان . @_ii5f]

تمر الهقاوي فيه ، ماهو مرور إكرام
مرور الرصاص الحي في جثة الميت .