طلال سلامة جسد لنا التبلّد اللي يصير تجاه من يستهين في مشاعر الحب ولا يعطيها حقها، يوم قال مستغربه: إني قدرت أتجاهلك! وتمرني طيوفك ولا أشتاق لك؟
وفي هالمرحله محد يلوم اللي سعى في دروب محبوبه إلين صارت حتى طواريه مثل الملح اللي ينتثر على جرح جديد، وقيسو على هالمثال اللي يرد يلذع
أراكَ عصيَّ الدمعِ شيمتُكَ الصبرُ
أما للهوى نهيٌ عليكَ ولا أمرُ؟
بلى أنا مشتاقٌ وعنديَ لوعةٌ
ولكنَّ مثلي لا يُذاعُ لهُ سرُّ
بعض الشوق ما ينقال، يبقى في القلب رغم هدوء الملامح؛ فمو كل من سكت نسي، ولا كل من ابتسم خالي من الحنين.
هذي أنتي وجهك أحلى وجه من بدّ العباد
رغم ماهلّيتي من دموع .. لكن ما أنطفا
بعض الوجيه يبقى نورها أقوى من حزنها، تبلّلها الدموع ولا تطفيها.. وتبقى بعين اللي يحبّها أحلى من كلّ العباد.
مادامني شفت فيك الطهر والعفّة
باعيف نفسي لامنك كرهتيني
إخذيني لو أعتبر من ضمن أشياءك
وأنا باحبك ولا لازم تحبيني
— سعد علوش
للغلا سطوة؛ يوصل بك إنك تزعل على نفسك ولا تزعل على من تحب، ويكفيك قربه حتى لو ما بادلك الشعور.
مفردة الليلة: «مايج»
«والشعر ليلٍ نقل حمرة مساه
أجعدٍ حوّل على صدره همل
مايجٍ من فوق متنه ما طواه
لون شلالٍ مع المغرب نزل»
مايج؛ متموّج. أحب كيف إن المفردة لحالها تعطي الشعر حركة؛ تقراها وكأنك تشوفه ينساب على المتن.
كل ما كبرت، صرت أتأنّى قبل أقول: «أنا كذا». مواقف كثيرة غيّرت أشياء كنت أحسبها ثابتة فيني، ويمكن باقي في نفسي أشياء ما عرفتها، لأنها ما لقت موقف يطلعها.