♡︎

يالله بذكرٍ يجمّل وحظٍ ما يبور

[♡︎ @_ilq8_]

أعيش في حالة أستنكار ذات وشعور
ووصلت نقطه غريبه ما تصورتها

أحس روحي لحقها قل جهد وفتور
من كثر ما أحترت فأحلامي وحيرتها

عودتها كل من يبعد بعيد معذور
وعمرتها بـ التسامح إلين دمرتها

أنا قبل ساعتين وعام وأربع شهور
نفذت من غلطة الشاطر وكررتها

[♡︎ @_ilq8_]

جعل النفوس النقيّة و القلوب النظاف
" ما تـنطوي غير في ذاتٍ — مثل ذاتها "

[♡︎ @_ilq8_]

على الله والانسان يتعافى من الأزمات
لو النفس تفنى قبل تقضي عوايزها

تعيش الاوادم كلها في عنا، واثبات
وتسعى ورى غاياتها لين تنجزها

والاهداف كل اللي بعدها من اللذات
ما يشبه متع لذاتها قبل تحرزها

عسى نفسي اللي بين الاحلام والغايات
ما تفقد شعور الكلمة ، اللي تحفّزها

[♡︎ @_ilq8_]

قلبك دليلك لا اشتبهت عليك الأمور
ابعد عن اللي يزرع الشك بالصدور

[♡︎ @_ilq8_]

لاصرت ماتقبل من الساني اعتاب
ماني بقايل في حضورك هلابك

وان كان مالي في نظر عينك اعجاب
مايستراحساسك تجاهي ثيابك

مالله قسم لقلوبنا نصبح احباب
محنا لبعض لو باليدين انتشابك

قول لغرورك في وسيعات الاهداب
اني سماك اللي متعلي سحابك

ماحب من يكذب ولاني بكذاب
من عاش في وصلك يعيش بغيابك

[♡︎ @_ilq8_]

غالي لكن خطاك ماهوب مقبول
وتهاونك بالعذر . . ماله شفاعه .

[♡︎ @_ilq8_]

وش لزومي في مفاهيم البشر مخطي وصايب
العقول مقسمّة .. و العاقل بعقله تقدّا

أستميل لعزلتي و أبعد ولا عندي سبايب
غير حبي للهدوء .. اللي عن اللجّة مبدّا

[♡︎ @_ilq8_]

مساء الخير.

[♡︎ @_ilq8_]

الوصال اللي تحبه لا حصل من غير خاطر
جنبه حتى لو إن الوصل شوف اللي تحبه

لـ أنجبرت إنك تحط العذر في كسر الخواطر
حاول إنك ماتحط الذنب في وجه المحبة

[♡︎ @_ilq8_]

على طاري الغلا إللي ما يبي له نشده وتبرير
يا كيف يسج منك .. واحدٍ ما غبت عن باله

[♡︎ @_ilq8_]

أجيه وأحزاني تقل "قش بدوان"
وأروح والخاطر سوات البراحة

[♡︎ @_ilq8_]

يوم ربي حط دربك عارض فدروبي
قلت يا نفسي بفك القيد له واتجهي

شايمه عن كل ثوب .. ما يشابه ثوبي
ومرخصه روحي لمن فعله يبيض وجهي

وانت ياللي فالرجال مقدر ومحسوبي
لا تخليك المراجل عن حبيبك تلهي

صوب غيرك ما اتلفت لو تلفت صوبي
ممتلي فعيون من تامر عليه وتنهي

[♡︎ @_ilq8_]

ماتركته في حدود الممكنه والمستحيله
كنت اداري خاطره لو خاطره مدري علامه

وكنت اوقّف له على ساق وقدم في كل ليله
لين اعدّلها عقب .. ماهيب ميّله واستقامه

إن ثقل همه على مَتْنه فـ انا اول من يشيله
وان تمادى بالسهر ليله فـ انا آخر من ينامه

[♡︎ @_ilq8_]

التغاضي سيل همّالٍ على وادي
والتجاهل فن في وقته وحينه

من يعكر صفوتك همّله عادي
ومن يشرح الصدر صافح يمينه

[♡︎ @_ilq8_]

ياربّ الناس لا من ضاقت الدنيا فـ عيوني
لا تجعل بيني وْبين أمنياتي ضيقة وفجوه

كثير اللي بكوا عندي، وكثير اللي يحسبوني
اعيش أيامي بـراحة واعيش سنيني الحلوه

وأنا! لاني مستريح و لا اطيق اللي يماشوني
كن بْصدري نفور مْن الحياه اللي بها "قسوه"

[♡︎ @_ilq8_]

في زحام المغريات وليلها المتمادي
من ترك لله شيءٍ عاضه أبرك منه

يالله أعصم من محابيل الحرام فؤادي
عصمةٍ تاخذني بيمناي لين الجنة

ياعظيم الملك وأنت المستعان الهادي
باب جودك جعل مانيب محجوبٍ عنه

كل ظنٍ في سواك من الخلايق غادي
وأنت عبدك عند ظنه لا أحسن بك ظنه

[♡︎ @_ilq8_]

في ليلةٍ تليت قلبي من اقصاه
صرت الوحيد اللي أحبّك واماري

ما اخترتك ولا اخترتني يعلم الله
كنت أختيار الروح قبل اختياري

متى التقي بك بعد كثر المعاناه
كم انتظرتك لين مل انتظاري

[♡︎ @_ilq8_]

بقالي معك ضحكة هدب وابتسامة عين
حرمت السنين المقبله من بشاشتها

أنا لـ الملل بعدك والأيام لـ الروتين
فقدتك والأيام فقدت فيك دهشتها

[♡︎ @_ilq8_]

ما عرفني إلا أنتي إليا من جهل قلبي حريبه
واحدٍ ماله نصيب من الطبوع إلا الجلافه

أنتي أدفى ما ورا صدري وأقصى ما يجيبه
وأنتي آخر عهده بجدب أرضه وقسوة جفافه

مستعد أبيع دنياي القديمة باللي هي به
أنتي دنيا ثانيه ما أنتي على دنياي اضافه

[♡︎ @_ilq8_]

"عسّى عيونك اللي بين الأغضاي و السلهام
ما يجذب نظرها .. إلا سحابي و براقي"