ع

[ع @_iox6]

البسمة اللي ترحّب بي وأنا مقبل
يا جعلني ما خلا من وجه راعيها

[ع @_iox6]

اقلطي ملعون من شافك ولا رحّب وهلّا
اقلطي يا ثامنة سبع العجايب لا تراوي

لعنبوك انتي بشر .. ولا قمر بدرٍ تجلّى؟
وش يساوي كل حسن الخلق جنبك وش يساوي

[ع @_iox6]

أقبلي يمي ولا لك سوى حسن القبال
غير ترديد التراحيب ما أنتي لاقيه

مرحبا والساعة اللي تجيبك راس مال
في دقايقها نعيم القلوب الشاقيه

ليلة جادت بـ وصلك بعد شح الليال
ليلةٍ .. ماهيب مثل الليال الباقيه

[ع @_iox6]

الملتزم بالصمت ما يخطي ولا يخطى عليه
أشهد ان الصمت يحفظ للأدمي شخصيته

[ع @_iox6]

المعارك وسط صدري بس وجهي دوم هادي
لو أني آطى جمرةٍ حيه .. حمدت الله عليها .

[ع @_iox6]

قهوني من خاثر حكاك يالذرب اللّعوب
والله ان راسي على طعم نجواك يّخرم

[ع @_iox6]

كلميني لا بدا الهم من حولك يلوح
باتوطى لجلك الهم .. وأدعس غاربه

أعرفك لا زارك الحزن .. صدرك ما يفوح
يختفي كنه ورا "الضلع" شمسٍ غاربه

[ع @_iox6]

لو رفعتي خصلة الليل عن بدر الجبين
كان يمكن يجبر شعاعك شِقوق القمر

[ع @_iox6]

«أنا الشموخ اللي تحدّى الانكسار
وأنا العناد الصّعب لو أني جريح»

[ع @_iox6]

طبعي تغيّر وصرت الساكت الهادي
من جاني رحبت به ومن راح ودعته

[ع @_iox6]

سبحان من صاغ فيك الزين طهر وعفيف
يا فارقة بالحلا والملح وأغلى النسا

فيك الشموخ الموقر والجمال الرهيف
يا هامة بالبها تفرق عن اهل الحلا

تامر وتنهى ولا لك في الخلايق وصيف
يا حي طلة سكنتي في خفوقي غلا

[ع @_iox6]

مانيب حيّ الله ولاني واحدٍ ضمن الحضور
أنا الحضور اللي تسولف به جميع الألسنه

[ع @_iox6]

أحبك حسبي الله ليت مالك في سماي بروج
و لا لك في البسيطة كود شيٍ بينك وبيني

دخيلك لا تلفّت رح بفالك واترك المرجوج
تغانم ما بقى لك ولّا أنا ما عاد يمديني

فمان الله سق رَكبِك على درب السنين العوج
ولكن طالبك لا أقفيت عني لا تخليني .

[ع @_iox6]

في راسي الثابت شموخ المماليك
بدري على الدنيا تزعزع ثباتي .

[ع @_iox6]

من صب لي من دلته ربع فنجال
صبيت له من خافق الروح دله .

[ع @_iox6]

المؤمن يجاهد الدنيا بما يستطيع
والعاقل يكف سرّه .. عن علانيته

بغوا مطيحي وطاحوا عند رجلي جميع
سبحان من يعطي الطّيب على نيته

[ع @_iox6]

تبختر بين دقات الخفوق و
نشوة التفكير
ترى كل الحياة أصغر من الي بيني و بينك

أحس انك تجي و العشب ينبت و الطيور تطير
وأحس إن السحاب يلوح برّاقه على يدينك

أشوف الصبح لاشال الشفق وهزّ الظلام عصير
وأشوف الورد يضحك مابقى الا ينشدك وينك؟

[ع @_iox6]

يتجمهر الحكي في صدري ولا اقوله
أنا أكثر إنسان يكره يكشف أوراقه.

[ع @_iox6]

خذيت الأمان اللي مايوخذ بنظرة عين
على جال ريضان الحشا تسرح وتمرح

وقريت المهابة في عيونك ثلاث سنين
هي اللي حورها بسطت هيبة المسرح

احبك و احنك و اخجلك بالكلام الزين
و أدوّر من يبشرني بجيّتك و افرح

وأنا والله أني خابر أنك طرف سكين
متى ما عطاك الله تمكّن تبي تجرح

[ع @_iox6]

على طاري غرامك يا حبيبي هاك ما ينقال
على البحر الطويل يسوقها موجي ومجدافي

حبيبي لا تضايق من عتبنا لك على الجوال
هذا حبّك وهذا منزلك .. في قلبي الوافي

يعيش الحب بين إللي محبّتهم وفاء ووصال
ويموت الحب من فرقا القلوب ومن جفى الجافي

أمانه ياحبيبي كل .. ما تشعر بـ ضيقة بال
تعال أضم حزنك في زوايا صدري الدافي

وأنا مافي نظامي حب يومين وجفى وإهمال
وجاك من المحبه والمعزّه . . والغلا الكافي

صحيح إن الغياب إللي حصل بيني وبينك طال
لكن ماهو بـ أنا إللي فوق حبّه يسفي السافي

لحقني من غلاك ومن جفاك اللي يرق الحال
مثل ما كنّي أشوف الحزن في طرفك الغافي

يروح إللي يروح .. من العمر وإللي بقى لازال
ويبين إللي يبين من الغلا والخافي الخافي

هذا نبض الشعور إللي كتبته لك على إستعجال
فديت اسمك ولبى معدنك يالمعدن الصافي