🇶🇦

﴿ وبشـرّ الـصّابريـن ﴾
شكراً ليالي أكتوبر
راشد المري : 🖊️

[🇶🇦 @_ix5l]

يارب لا تجعلني أخلق أملاً في قلبي لم يُكتب لي '

[🇶🇦 @_ix5l]

يا زين وجهك يا بعد كل غالي
يا نعمةٍ أدعي عسى ربي يديمها

حبك سكن روحي وصار احتلالي
وروحي من الغلا ما عاد تقدر تخفيها

لو يجتمع زين البشر في مكانك
تبقى لحالك سيد الحسن كله

ما شفت مثلك في جمالك وكيانك
ولا شفت زينٍ بالملا ياصل محله .

[🇶🇦 @_ix5l]

والله ياهي عيون ويا عليها قوام
اليا وقف له حضور ولامشى له جرس

اصغر تقاصيلها صوت الكعب .. بالرخام
من يسمعه يحسب انه صوت حافر فرس

[🇶🇦 @_ix5l]

محدٍ على الدنيا ينافس غلاتك
تتعب جميع الناس ما يوصلونك

العين لأجلك ما تراعي سواتك
والقلب يحرم بالهوى ما يخونك

خذني على كيفك ومشهى هواتك
وش هي حياتي كان عمري بدونك .

[🇶🇦 @_ix5l]

روفي علي شوي يا فتنة الجيل
والله ما عيشَك غير المسره

على الزعل سنيت شرب الفناجيل
موقفٍ بينك وبين المضره

لا مر عودك قامو الناس تبجيل
لله در العود . . " لله دره "

كل البنات اليا وصلتي ( رياجيل )
مافيه غيرك بنت مافيه مررره :)

[🇶🇦 @_ix5l]

لله درّ الحسن و الثقل و الجوخ
والمقله اللي ترمق الناس خجلا

يا نسل من ركّع قيادات وشيوخ
ورثتي العزّة .. وجت فيك أحلى ❤️

[🇶🇦 @_ix5l]

ماظنتي مثلك على الارض .. ثنتين
انتي النساء في صدر شبه الجزيرة .

[🇶🇦 @_ix5l]

مثل مانتي فارقة بالبياض وبالجديل
فارقة بين العذارى ولا معك معدا

ميزك ربي بخصر مع الغربي يميل
وميزك ربي بخد كما ورد الندى

الثقيل ليا لمح نِجلك يعود هبيل
مال ثقله قدم عينك لا نفع ولا جدا

لك جديل ظلمته ظلمة الليل الطويل
يغدي فيه الدليله ولا يجيب الندا ❤️

[🇶🇦 @_ix5l]

الفارع اللي تغيض معزلات القوام
الجل فـ اطرافها والدق في خصرها

غير الحلا والدلع والملح ذربة كلام
ملكة جمال الاناث وسيدة عصرها ❤️

[🇶🇦 @_ix5l]

ذات القوام الفارع الناحل الميّال
أنا أحتاج أشوفك كل ليلة عشان أفرح

كتبتك وغنيت القصيدة على الأطلال
قبل لا أكتب أبيات القصيدة على المسرح

خذيني من هموم المسافة وضيق البال
وعن اللي بصدري لا يهدي ولا يبرح

وتجرّي علي برمشك الجارح القتال
وش اللي يرد رموشك السود لا تجرح ؟

[🇶🇦 @_ix5l]

لّتك تثبت لنا بأن ما غيرك جميل !
الحسن هذا طبيعي أو انك ، سارقه ؟

أنت فوق الأمثله يوم ما مثلك مثيل
في جمالك شيء سحري وقوة خارقه

لو يغيب البَدر ليلة .. تجلاءك "بديل"
واللٰه إن روحي على نور وجهك .. غارقه

حط بك ربي عذوُبة قراح وسلسبيل
وحط في خدك من الشمس قطعه شارقه

[🇶🇦 @_ix5l]

كأن عمري كل ما شفتك يطول
قولي لي منهو شاعري ؟ وأقول أنا

حتى الطريق اللي تمرينه .. يقول
أجمل نساء الأرض مرت من هنا !

[🇶🇦 @_ix5l]

تدللي وتدلعي يالفاتنه .. يالأميره
وانثري شعرك الحرير واتركيه يتمايل

من مفرق القذله لين الخصال الأخيره
للحسن ايه وانتي أكبر مثال ودلايل

وتبسمي ضحكة تذهل جميع النظيره
نسحر قلوب البشر بين الرجاء والوسايل

وان مر طيفك تهلل وجه حتى العشيره
كأنك صبح جديد لاح عقب .. عايل

[🇶🇦 @_ix5l]

اثر من عشق له سيّدة كبرياء وطيخ
يبطي وهو يشكي من الويل ويعاني

خصوصاً لاصارت بنت شيخ وحفيدة شيخ
تعيّشك في عزله وفي عالم .. ثاني

لاقلت انتي اجمل نساء الارض والمريخ
تقول بـ غرور صادم وغير عقلاني

انا من جمالي تمتلي صفحة التاريخ
مثل ماملوها بالبطولات .. جداني

[🇶🇦 @_ix5l]

يارب لا تجعلني أخلق أملاً في قلبي لم يُكتب لي '

[🇶🇦 @_ix5l]

أنت مثل الغيث لا جاء للدار المحل
منك تزهى كل نبته وترجع لـ الحياه

أنت لك فالعين ملفى وبقلبي محل
وموقع فوق المخاليق عالي مستواه

وكل حبٍ غير حبك لا جاني رحل
ما يعيّن في فؤادي لا قبول ولا حياه

[🇶🇦 @_ix5l]

يوم عيدي يوم أشوفك تشترين الغالي
من حلالي لو يروح العمر مديونيّة

أرثعي في راس مالي دام راسك مالي
لا يهمك كم بقى فأرصدتي البنكيّة

مثل ما أنتي تستحقين اسمي و موّالي
تستحقين الذهب و الماس و العيديّة ❤️

[🇶🇦 @_ix5l]

لا تلوم اللي لقى فيك السرور
لا قصْر صوته وطوّل في النظر

في عيونك لمعة احساس وشعور
تشبه الشارع بعد رشّ المطر ❤️

[🇶🇦 @_ix5l]

سقاك الله يا دارٍ لها بين الحنايا دور
مراويح السحاب اللي تخلي اليابسه ترفه

لعلّي يوم اوقف عند بيت ام العيون الحور
" يخليها محاويل المطر تطلع من الشرفه "

[🇶🇦 @_ix5l]

رغم إنّك أقرب من نسيم الليل لكن فيك خوف
ياكثر ماناظرت بعيوني .. وإذا شفتك تصدّ

يا الوجه الأحلى بين سمّار القصايد والحروف
ياجعل والله فدوتك كل القصيد اللي أنقصد

بالليلة اللي كانت الظلماء على وجهك تطوف
أنت القمر وأنت الثمر واللي زرع واللي حصد

[🇶🇦 @_ix5l]

انتي بوجهي" لا تخافين دنياك
عن كل ماضي خوفك لا تخافين

لو الليالي والزمان يتحداك
لايضيق لك خاطر عسى ماتضيقين

كل الظروف اللي تشوفين تفداك
نامي على راحة يدي لا تبالين

لا يبيّن خافيّك ولا يطلع اقصاك
وأنا معك عمري بعيشه بعمرين ❤️