مّ .

لك في الحشى روح تحبك وتغليك .

[مّ . @_iy2i]

اللهم اني استودعتك منهو اغلا علي من روحي .

[مّ . @_iy2i]

اناظر صورتك واخذ من التنهيد صبر أيوب
غيابك حط في عيني من الأحزان ماريّه .

[مّ . @_iy2i]

على وجهك أنا و أكبر مطاليب الحياة ندور
وش العيد بدونه يا أعذب أشيائي و أوّلها .

[مّ . @_iy2i]

جعل صبحٍ ما يجيبك ولا يثبت غلاك
ما اتعايش مع نسيمه ولا أرقب جيته .

[مّ . @_iy2i]

السعاده شوفتك في كل حزه
غير هالموضوع ما عندي سعاده .

[مّ . @_iy2i]

من وين ما غبت جاب الغيم طاريّك
و علومي اللي على بالي من الاخر

ويلي على شوفك وويلي على جيّك
في ذا المطر ودك ان حنا مع الاخر .

[مّ . @_iy2i]

ما دامت الفرقا علينا مقادير
معذور لو عضيت كف الندامه

لا لا تعذر وش تفيد المعاذير
مسموح ما بيني وبينك ملامه

واعرف ترى حبك شغلني عن الغير
حطيت لك وسط الضماير علامه

قلبي على لاماك يكفخ كما الطير
وجفني على طرياك ينكر منامه .

[مّ . @_iy2i]

والغرام أنواع و الذ وأقسى مالقيت
حبٍ تشوف العنا والهنا فيه خشراً .

[مّ . @_iy2i]

والله ما منك لا مفرّ ولا نجاه
معكْ الضمير يسوق عمره لـ اللّحد

أنت الدعاء اللي تخشه في الصلاه
و تستودعه يومياً الواحد الأحد

غيّرت في عيني مفاهيم الحياه
حتى التناقض لجل يرضيك أتّحد

أسمي هو أسمي لا دعاه اللي دعاه
و أسمي بصوتك ما بعد قاله أحد .

[مّ . @_iy2i]

غصون ​الخفوق تلد صوبك بدون ​ادراك
وعليك ​الرقاب تلد عوجا وملتفته

يا ليتك تشوف ​اللي يحبك ولا حاكاك
يحاول يرويك ​الغلا وانت ماشفته .

[مّ . @_iy2i]

مشيخه في ذرى منهو يقول و يطول
عودنٍ تهون الصعاب ان قال لعيونهـا

من دونها اخوانها طنخه و صملة زحول
لامن ثنوا الركبه لحاجه يجيبونهـا .

[مّ . @_iy2i]

من رسائل الصباح :

على وجهك الراضي صباح الوفا والخير
وعلى غيرك من الناس بصر الله بـ خلقه .

[مّ . @_iy2i]

لك وقت متغير علي بالحيل
عقب الغلا كأنك معاديني

الحرب بين ايران و اسرائيل
لا تحسب انها بينك و بيني .

[مّ . @_iy2i]

ليه تنشدني وأنا حالي يوضح حالي
واضحه في حالي الصدمة لو إني جاحد

الليالي تاخذ الغالين غالي غالي
والمواقف تشخل الأصحاب واحد واحد .

[مّ . @_iy2i]

الحياة ملكعه وتبغى لها نسبة لكاعة
وأنت غامر لا تفكر فالزمن جوده وشحة

بس تكفى لا يصيبك قلّ دين وقلّ طاعة
لو تمر بقلّ مال وقلّ نوم وقلّ صحة .

[مّ . @_iy2i]

أربع حروف لامن جـات في بالي
أنسى جميع العـرب والدار والديره .

[مّ . @_iy2i]

ياللي معك كفّنت عمرٍ كنت أتوق إنّه يطول
حبل المودّة بيننا ما كنت أظنّه ينقطع

كنت أحسب اللي بيننا جفوه ويمديها تزول
وأثر الجفاء اللي بيننا فجوة وقامت تتّسِع .

[مّ . @_iy2i]

عن مغريات الحياة وعن مواجعها
محتاج قلب البليد وسجّة الشارد

لا طابت النفس مابه شي يقنعها
لو تمسح العقل وإلا تمسح المارد .

[مّ . @_iy2i]

وفي معنى "حسبنا الله ونعم الوكيل"
أن لا نقلق ولا نفكر كثيراً في ثُقل ما سنواجهه في هذه الحياة من هموم وأحزان وصعوبات ومشكلات لأنّه سبحانه هو حسبنا وعليه توكّلنا وضماننا من كل ما يؤذينا أو يكدر صفو حياتنا .

[مّ . @_iy2i]

عسى غرّ السحايب يوم تقبل بالحيا والخير
ما تقفي لين تروي داركم و تربّع فياضه .

[مّ . @_iy2i]

انا لازم اشكر ربي اللي عطاني إياك
عسى اللي عطاني إياك ماياخذك مني .