نـوون المطيري

« محد له جمايل علينا ، خيرنا سابق »

[نـوون المطيري @_jr1x]

ما ندري متى الايام تقفي بنا ونروح ،
عسى ذكرنا بالطيب يبقى ليا رحنا !

[سعود @sud1iii]

الحياة رحلة فردية تمامًا

[سعود @sud1iii]

على الله والانسان يتعافى من الأزمات
لو النفس تفنى قبل تقضي عوايزها

تعيش الاوادم كلها في عنا ، واثبات
وتسعى ورى غاياتها لين تنجزها

والاهداف كل اللي بعدها من اللذات
ما يشبه متع لذاتها قبل تحرزها

عسى نفسي اللي بين الاحلام والغايات
ما تفقد شعور الكلمة . . اللي تحفّزها

[نـوون المطيري @_jr1x]

يحزني الطيّب إذا بيّن رداه
ويفرحني الطيب إذا قال وقدر

ترى غناة النفس هي أصدق غناه
وترى جمال الشي ما قلّ و ندّر

وترى البعاد أحيان نوع من النجاة
والسكوت أحيان من باب العذر

لا تكبرون إلا على ظروف الحياة
ولا تحزنون إلا على غالي قدر .

[نون 🕊️ @nwnyz3]

نعييد ونكرررر
"محد له جمايل علينا اللي عطانا تمرة كنا زارعين له النخل"

[نـوون المطيري @_jr1x]

يارب خذني بين أياديك تايب
قدّام أجيك علوّ الأمتان مشيول

لو ماني العبد المطيع المثايب
ومانيب سيف فوق أعاديك مسلول

لكني اطهر من مزون السحايب
كني من مياه السماوات مغسول

ان جيتني ياصبح وش انت جايب
يامرحبا والي يجي منك مقبول

نفسي لها مده لعينة صلايب
من دونها باب الوناسات مقفول

[نـوون المطيري @_jr1x]

ياليت ما عندي مشاعر ولا احساس
ولا قلب يتأثر بكسر الخواطر

من شان لا جتني مواجع من الناس
اصبر وعديها على طيب خاطر

لكن خلق لي ربنا قلب حساس
فيه الوفا والطيب باطن وظاهر

ولكن فعول الناس صابته بالياس
والناس ماترحم رقيق المشاعر

[نـوون المطيري @_jr1x]

ان جيتني ياليل وش انت جايب
يا مرحبا واللي يجي منك مقبول

نفسي لها مده لعينة صلايب
من دونها باب الوناسات مقفول

كلن يشوف أني مقصر وغايب
وأنا مقصر صدق ،،مدري وش أقول

قمت أتعذر بالشغل و الطلايب
وأنا قسم بالله مانيب مشغول

ومقفل جوالي بلا سبايب
الحين لو دقيت تلقاه مقفول

[منيره المطيري @Mutairiwe]

إذا تحبّ يكون لك ، قيمة وشان
لا تنسلخ ، من طبعك الإعتيادي

لا تصعد ، القمة على عاتق إنسان
مبادي القمة بـ حاجة مبادي

مهما تصنّعت ، و تلوّنت بإتقان
يبقى شعور النقص حسب إعتقادي

الاختلاف ، يكون ميزة إذا كان
مبني على التصرف ، اللا إرادي

[نـوون المطيري @_jr1x]

على اللّٰه لو يروح اليوم كله بين حزن ويأس
وأنا ماحب كسرة نفسي وما أداني خضوعي

وأنا أتعبني السهر وأرهقني التفكير والهوجاس
مضت حول الثلاث أيام دمعي مغرقٍ كوعي

بلاني ربّي بـ قلب صخر وبخاطرٍ حسّاس
مابين أمسح غلا الغالين وبين أمسح دموعي

تقول اللّٰه خلقني من برود ومن شوي لإحساس
وانا والله لا هبّ النسيم يزيد من لوعي

لوإن ماني ب أحَنّ الناس - لكني أحِن الناس -
واخاف اللّٰه لا أبدل خاطرٍ راضي ب موجوعي

أداري ف الخواطر لوّ ما عندي لها إحساس
ياكيف اللي لي أغلى من هلي وأغلى من ربوعي

عزيزٍ كل ما يكبر بصدري قلّة الأنفاس
قول إنه يزاحم من غلاه وحبّه ضلوعي

[نـوون المطيري @_jr1x]

"مانقصت سود المقادير قدري
للحين أمر العليا .. وأعتليها

كبيره وعزومي على الطيب كبري
والحاجة اللي ماتبيني ما أبيها

بعض الوجيه أحطها في جرف صدري
وبعض الوجيه أمرها .. وأطى عليها".

[نـوون المطيري @_jr1x]

ضا ا ا ا يق صدري ولا ادري
وين اروح
كل ماحاولت اسلي نفسي ماقويت

ان شكيت الهم تزداد
الجروح
وان كتمت الحزن من همي بكيت .

[نـوون المطيري @_jr1x]

مدري ولكن عالِم الغيب يدري
عن كل شخص نيته مو نظيفه

مدري ولكن تعلمت بـــدري
من كثر طعنات الزمان العنيفه

صبرت صبر وبيح الحبر صبــري
وخط القلم بعض البيوت العفيفه

بالعربية ما هي بنص عبــــري
من شان مفهوم القلوب الضعيفه

اللي بواطنهم نجـاسه وغــدري
وقلوبهم كلها ســواد وخـبـيـثـه

[ٰ @h63li]

ينبغي للمرء أن يشعر بالعار
لمجرد أن تراوده فكرة خداع إنسان طيب

[‏ِ @2lhajri__]

أسأل الله الثبات الذي لا يُغيره حال ولا مكان ولا زمان، ثباتٌ لا تُمزقهُ الفتن ولا تهوي بهِ المُغريات ولا تجرهُ عواصف الحياة.

[ِ @ar12x_]

باختصار الحب أفعال.

[نـوون المطيري @_jr1x]

أبي ضحكةٍ منها عيوني تصبّ دموع
أنا مبطي من الضحكة اللي من الخاطر .

- جابر ال دجران .

[مدهـال . @ii_p305]

صداع العيون اسوء صداع على وجه الارض

[نـوون المطيري @_jr1x]

« يا ربي اسألك . . المعونه والثبات
على الظروف اللي ، تجي متراميه

واسالك عفو ومغفره قبل الممات
تنجيني من نار ، العذاب الحاميه

ما عاد عندي قدره ، ألم الشتات
رغم ان عيوني من سنه متعاميه

و مهما تصد العين لا زال السكات
ما يقدر يداوي ، الجروح الداميه ! »

- سعد بن لويبه .