K H A L I D 🇸🇦

Enjoy life, nothing is worth it

[K H A L I D 🇸🇦 @_k4l_]

🇸🇦

[K H A L I D 🇸🇦 @_k4l_]

خذ سنين العُمر وخذني معك
أنت اول العمُر وأنت تاليه 🤍

[K H A L I D 🇸🇦 @_k4l_]

اشتقت لك ياللي معك يقصر الليل
دقايقي تمضي بلياك ساعات

اشتقت لعناق الهوى والتعاليل
وهروجك اللي منهن الروح تقتات

[K H A L I D 🇸🇦 @_k4l_]

ما عاد تنشد عن تفاصيل يومي
ولاعاد تنشد عني اليوم لاغبت

كنت القريب وكنت دايم قدومي
ولاغبت ضقت ولاتلاقيت بك طبت

جعلك فمان اللّٰه ما هي سلومي
في طردة المقفين مايوم حاربت

عز اللّٰه ان الناس ماهي تدومي
وعزالله اني ف هقوتي يمك اذنبت

[K H A L I D 🇸🇦 @_k4l_]

كل ما تثاقلت المدى قلبي على الماضي لجأ
— لاجل اسرق من الذكريات عزومي وشجاعتي

بين انهيارات السنين المشهد الأغرب نجا
— باللحظه اللي وقفت فيها عقارب ساعتي

[K H A L I D 🇸🇦 @_k4l_]

البارحه يوم ضاقت سبع ا��آراضي ؟
جرحي تنبّش وانا مااحب تنبيشه

كنه ليا من طرقني : مطرقة قاضي
عليه صدري يصير اصخف من الريشه

صوت الوجع مثل صوت البرق لاناضي
يطيح حيلي قبل لا اسعى بتهميشه

[K H A L I D 🇸🇦 @_k4l_]

ودي ب وصلك ف ليله تكتسيها السحاب
— في قاع .. ما داج فيها غير " جول الظبا "

[K H A L I D 🇸🇦 @_k4l_]

من باب الإعجاب لاتسال عن إعجابي
إسالني تحب؟ وبجاوبك حبيتك

اي والله إني عشقتك يا أخر أحبابي
وصديت عن مجمل الناس من جيتك

[K H A L I D 🇸🇦 @_k4l_]

مالي غناةٍ عنك يامال الغناه
أنت الحياه اللي أهيَّم بحبها

طيفك يحاضرني مع كل أتجاه
يا أجمل مواضيع القصيد ولبّها

شفهم لا قالوا تحب الحياه
أتخيلك واقول اي والله أحبها

[K H A L I D 🇸🇦 @_k4l_]

يمكن أبشع صفة فيني الزعل والعناد
وأملك أسلوب قاسي بس ما اجرح أحد

منطقية حياتي ما تعرف الحياد
غصب عني أكابد بالعمر وأجتهد

والمفارق ما يعني بأن قلبي جماد
العلاقات رزق إن ماصلحت ابتعد

الحشيمه بتبقى لو يروح الوداد
بحفظ العشره بقلبي وأصون العهد

[K H A L I D 🇸🇦 @_k4l_]

تغيب وتسكن عروش الخفوق،
ودفتري،
وأشياي؟

— تنطحت الدروب
.. وكل شيء يجيب لك طاري 🕊️

[K H A L I D 🇸🇦 @_k4l_]

ماعاد يرضيني وفا ولا يزعلني جفا
متساوي في خاطري ظلم العرب وانصافها

ولا تاقف الدنيا على شمع الغرام اللي طفى
ب��ض الشموع انا اتعمد كسرها واتلافها

من اول لخفيت لي علم عن الناس اختفى
واليوم هذي حالتي مابه حد ما شافها

قعدت احسب وش ربحت ووش خسرت ووش صفى
يا حي روس اموالنا قبل الطمع باضعافها

تعبت ادور فالقلوب البارده ليلة دفى
والقى استغلال النفوس وكذبها واجحافها

حتى اقرب العالم لو يوقف معك وقفت وفى
اصبر وتدري وش دوافع وقفته واهدافها

عاد انت يالوجه الجديد اللي تبي وصل وصفى
حبال وصلك شوف لك ناس تمس اطرافها

انا على موعد مع واحد وكانه مالفى
ما عاد ابيش من السنين سمانها وعجافها

لاني عقب مارمش عيني صاحب النوم وغفى
حلفت ما رده على اشياء من عرفها عافها

العشق وامر��ض المحبه واستحالات الشفى
واغلب علاقاتي مع العالم اشوف انكافها

وذالحين عن اذنك وسامحني اذا لساني هفا
نفسيتي ماعادني بقدر على لطافها

والموعد اللي كنت قبل شوي جالس له عفى
ما جا ودقايق موعده راحت وقدني خلافها

[K H A L I D 🇸🇦 @_k4l_]

"اعظم ارزاقك يسبقها بلاء تظنه الاقسى"

[K H A L I D 🇸🇦 @_k4l_]

لو انت غايب بفقدك واتحراك
— واقول عادي كلها أيام ويعود

ما ازعل على غيابك وفقدك وفرقاك
— زعلان لأني فاقدك وانت موجود.. 🎼 🕊️

[K H A L I D 🇸🇦 @_k4l_]

اخاف اقول انك وحشتيني
— وانا اللي اوحشوني كلهم راحوا..

[K H A L I D 🇸🇦 @_k4l_]

قلْ لي.. لماذا اخترتَني؟
وأخذتَني بيديكَ من بين الأنامْ
ومشيتَ بي..
ومشيتَ.. ثمّ تركتَني
كالطفل يبكي في الزِّحامْ..

[K H A L I D 🇸🇦 @_k4l_]

جيت متبع��ر من يلملم شتاتي
— من يذكرني ب عمرٍ ما نسيته

كنت عابر .. ليه تسكن ذكرياتي
— كنت راحل عن خفوقي ليه جيته 🕊️ 🎵

[K H A L I D 🇸🇦 @_k4l_]

للغروب بوسط قلبي ذكرياااات
ما تناساها الخفوق ولا نساها

لي معاها قبل ما تغرب حياة
واغرقت شمس المحبه في مساها

يا عيون الشوق وين الامنيات !
يا عساها بداخل عيونك عساها ؟

هل هي تذكرني؟ او ان الشوق مات ؟
او زمان الصمت بالقسوه كساها !

أسأل الايام عنها كيف جات ؟؟
وكيف راحت ؟ والزمن كيف انتساها ؟

من يجمعني بعد هذا الشتات ؟؟
أو يواسيني ويهديني وساها ؟

تهت في بحر الشعر والاغنيات
لا معي مينا ولا قلبي رساها

جيت ا��ور في رفوف الذكريات
ما لقيت إلا من الذكرى صداها.

[K H A L I D 🇸🇦 @_k4l_]

يصبح كل شيء تافهاً ..
— عندما يتعطل قلبك عن الاهتمام…