خالد الحربيء

[خالد الحربيء @_khaled_H]

يوم اقول انّ الجماعة عز .. ياخي لا تغارب
الكلام يزيد ثقل ان ضفت له واو الجماعه

لو ندقق نكتشف وش سر لـ الساعه عقارب
الثواني و الدقايق تتحد !.. و تصير ساعه

[خالد الحربيء @_khaled_H]

لا تترك الياس يسكن في زوايا المكان
احيان تاقف على أعتاب الضياع وتدل

انا عن رسالة العاجز ، ونصح الجبان
يكفيني الي على اوراق الغصون يْهدل

[خالد الحربيء @_khaled_H]

ربيع الليالي كثّرت لي من الصدقان
وحلّ الخريف وطاح ثلثينها الليّن

تجيب السعه خلّان والضايقة خلّان
وتشخلهم الايام .. والطّيب يبيّن !

[خالد الحربيء @_khaled_H]

يحطّ الطّيب لسانه . . . محل عيونه الثنتين
مثل حطّة ضعيف الراي عينه في محل اذنه

[خالد الحربيء @_khaled_H]

أشوف الفوارق واضحة وأنت ويش تشوف
ترى المشكلة ، في عقلك الضايع الغادي

م يذبحك غير الصاحب اللي ذبحه الخوف
تعدّي به المشراف … ويطيح في الوادي

[خالد الحربيء @_khaled_H]

قلبي الي ما تأثر . . . فـ الظروف وفـ النوايب
من فراقك ، صارت انسام الهبايب تستفزّه

لو اشوف من الليالي مثل م اشوف المصايب
لابسٍ ثوب الشموخ .. ومرتدي بشت المعزّه

[خالد الحربيء @_khaled_H]

من قال عنّي "شفه" يومه تعثر وطاح
وشفيه ما قال عني يوم اوقّف "شفه"

ي جعلني في عيون الناس قصة كفاح
لو كنت في عين نفسي حادثه مؤسفه

[خالد الحربيء @_khaled_H]

سبحانه الي لا استحالت الارض شكل بدون لون
سبّح رعـده ، وهللت مـزنه ، وسمّا بـارقه

انا دخيله من جهاد النفس وارهاق المتون
الكبد راحت من مرار الوقت "جمرة حارقه"

[خالد الحربيء @_khaled_H]

تناسيت واول ما ذكرتك وطيفك طلّ
تبسّمت لك كنك من الشوق قدامي

[خالد الحربيء @_khaled_H]

الحياة بلا ملامح صلاة بلا خشوع
ما تحس بها على كثر ما تشقي بها

لا اندفن كنز القناعه على باب القنوع
قلت تخطيها يمين الشقي وتصيبها

[خالد الحربيء @_khaled_H]

وقوف المنهزم قدم الليالي والظروف احلاف
يهون ، ولا وقوف المنتصر لامن خسر ذاته !

[خالد الحربيء @_khaled_H]

على شان الشعور الي ورى حدب الضلوع يطلّ
اخذت الثار واشفيت الغليل .. وجيت له حادي

[خالد الحربيء @_khaled_H]

يوم اشد الركاب ويوم احث الخطاوي
كن عيني تشوف الارض فوق الغمامه

[خالد الحربيء @_khaled_H]

ياحبي للكبر في موضوعه لين الوجيه تشوه
ليا صار التواضع حطني ، في غير منزالي

واذا فج الهبوب البارده من صوبكم سدوه
انا لولا جروحي ما كبرت فـ عين عذّالي

[خالد الحربيء @_khaled_H]

عندي يقين ان الليالي المقبلة ماهيب سود
انقى من قنوف السحاب اللي تلوح بروقها

[خالد الحربيء @_khaled_H]

اوضح من الشمس في نظرة شهود العيان
واغمض من الليل ومن الداجي المنسدل

حتى اللي بيني وبينه " معرفة " من زمان
على كثر ما عرفني . . . . ما عرفني عدل

[خالد الحربيء @_khaled_H]

اكتشفت الحقيقة … ما عليها ضباب
ما توقعت في مثلك ، ظنوني تخيب

طاب جرحك وانا جرحي مع الوقت طاب
كل جـرحٍ مع الايام . . . لازم يطـيب

[خالد الحربيء @_khaled_H]

يارب ألهمني الصبر الطويل ان كان جرحي طال
مخاليب الندم تنهش حشاي ، وتاكل اطرافي

تعلمني حياتي دايمًا . . . . . فـ الحل والترحال
ولكن ما اعلم الي تـعلمه …. ي عالم الخافي

[خالد الحربيء @_khaled_H]

كنت احسبنّك مجرد مرحلة والعمر محدود
مدري متى صرت محور في تفاصيل الرواية

المشكلة قلبي الي كل يوم …. يحن ويعود
ي ليتني ما عطيت القلب وجهه من البداية

[خالد الحربيء @_khaled_H]

صرفت النظر عن كل حاجه تجيب اقصاي
ابي راحتي . . . . . . حتى لو اخسَر امانيّي

مع ان المبادي مالها شيء … في مخباي
انا كل يوم . . . ادفع " ضريبة " مباديّي