♩

اتلعٍ في نقوة اوصافه مخيّر .

[♩ @_li9r]

"إنتقلت الى رحمة الله"
عباره سوف تحمل إسمي يوما ما فسامحوني إن أخطئت بحق أحد منكم ، اللهم أحسن خاتمتي وتوفني وأنت راض عني يا أرحم الراحمين❤️.

[♩ @_li9r]

أصغي لمنطوقه بليّا مَناشيد
إصغاية إذن التابعي للصحابي

- متعب البقيلي

[♩ @_li9r]

ما انت بعلى اللي مايناسبك مجبور
والفوضوي واللي قليل خراجه

واحسن وسيله وانت بالخير مذكور
وسيلةً ماتنتعوض بحاجه

قدمك طريق للميامين مأثور
هدي الرسول وسنته وانتهاجه

[♩ @_li9r]

أنتي عن الذل والحقران مرفوعه
والناس في خدمتك ورضاك طمّاعه

سمي وقولي ترا كلمتك مسموعه
وإليا سكتي نقول السمع والطاعه

أهم شيء التعب والضيق واللوعه
لا يرتدي وجهك الوضاّح وشعاعه

[♩ @_li9r]

ان ذبحتي سليل أشهر بيوت الشجاعه
قولي انك ذبحتيه بسمار وجديله

لا تقولين مات من الجفا والقطاعه
وتنحسب موتته منك على أهون وسيله

انثري دمع لو مرّه بليلة وداعه
ويكفي إن النهايات الجميلة جميلة

أولوياته اللي عن يقين وقناعه
كانت " الدين وانتي والوطن والقبيله "

[♩ @_li9r]

حفظتها في خافقي حفظ المصلّي للصلاه
وداريت سمعتها وصنت العهد لأجل عيونها

صدّيت عن كل البنات ومن دعاني قلت هاه
لبّيه .. ذاخرها لـ نبرتها .. وجرّ لحونها

في كل صبح وكل ليل أعيد توثيق الوصاه
لأجل الهوى وأهل الهوى يدرون ما انا أخونها

[♩ @_li9r]

عرفت أختارك وقلبي على هقواه ماقد خاب
يعرفك معرفه تمحي الظنون وتقتل اوهامي

تجي كلك على الموعد حضورٍ مابعده غياب
وإلى منّي تمنيتك أشوفك واقع …آحلامي

وأنا مايكتمل ليلي «سوى مع ليلك الخلّاب»
به مْن شعورك وحبي شعورٍ ينهش عظامي

[♩ @_li9r]

ترا الشجاعه طيب وثبات وفعول
وشجاعة لسانك مهيب الشجاعه

انا لاشفت حكاك مدري وش اقول
كنه يضيق بي الكون عقب اتساعه

غالي لكن خطاك ماهوب مقبول
وتهاونك بالعذر ماله شفاعه

حتى حلولك كل ماجيت بحلول
ماهيب حول الوصل حول القطاعه

على العموم اجيك واروح مذهول
وان رحت جاني للكلام استطاعه

[♩ @_li9r]

جوّد يديني أنا ما طحت فيك إلَّا متساوِي
واِنسني بيْن الكلام ، وبين سلسالك ، وْجِيْده

لين أمدّ الأرض وأسرِي لك مع الأمر السماوِي
وأتشدَّد فيك لابة .. وأهتدي عينك عَقيْده

جعلني لا اشتدّ عزمي في هواك وجيْت غاوي
ما تذكّر .. " يا حبيبي " غير الأيَّام السعيده ..

[♩ @_li9r]

جابك الله يانديم السحايب والنبات
والنسيم اللي يداعبك لامنّك مشيت

أنت ما كنت أمنية بس ضمن الامنيات
أنت شكي لا سرحت ويقيني لا ضويت

السعادة ترتبط بك شروط ومعطيات
أن زعلت القلب يزعل ويرضى لا رضيت

[♩ @_li9r]

يا طروشٍ تاصلونه تقدرون اتجونه
علموه ان العذر ما يقنع الديّاني

وعلموه اني بدونه ويش انا من دونه
مالحد منا غناةٍ من وجود الثاني

و علموه اني على خبره وطيب ظنونه
اذكره ما نساه لو انه نوى ينساني

و علموه اني على شانه ولجل عيونه
متعبٍ حالي وأنا الي ما نقضالي شاني .

[♩ @_li9r]

اشوفك سماء نجدي و اشوفك وطن وبلاد
و اشوفك تعب صبري و حلي وترحالي

مرام الكريم و غايته و الظروف جهاد
انا منك لا سامح و انا منك لا سالي

يزيد الزمن جوره و حبك بعد يزداد
كذا حبك الصادق من اول ومن تالي

لقيتك بعد غربه و ضيقة حزن و ابعاد
مثل ما لقيتك حلم في مركب امالي

[♩ @_li9r]

ملكت لك خانةٍ من بين ضلعيني
والله ما للعرب فيها مغز إبرة

[♩ @_li9r]

حط لهقوتك في معظم الناس حد و قيد
لا ترجع مع الأوهام في حرب ومشاجر

ضياع العشم يأثر على البال بالتنكيد
مثل ما السهر يأثر سواده على الحاجر

بعضهم حبال الوصل تمدي معه وتزيد
وبعضهم سلام وأنت مناك ومواجر

أحدٍ جيّته لك عيد وأحدٍ مراحه عيد
ما بين الغلا والكره مقيم ومهاجر

[♩ @_li9r]

موادعي له شقى ومواجهه يوم عيد
كنت أعرف أستقبله ولا أعرف اودعه

معه عرفت الشعور اللي نتاجه قصيد
وفرق المشاعر بدونه والمشاعر معه

[♩ @_li9r]

"لو تسوقين الفناجيل قدام القدوع
قلت يا نعم التصرّف و يا نعم الصنيع"
— سعد السبوق

[♩ @_li9r]

ودي إني حول داره و أمره مرتين
قبل شمسه لا توارى و قبل شروقها

ما يحببّك في ديار العباد المسلمين
غير حب اللي سكنها و يمشي فوقها

[♩ @_li9r]

صباح الخير ، اما بعد :

اشمخ بنفسك و ارتفع للسما فوق
واخسر جميع الناس عند الكرامة

[♩ @_li9r]

"لا إله إلا أنت إني قد ظلمت نفسي، فاغفر لي ذنوبي، إنه لا يغفر الذنوب إلا أنت"

[♩ @_li9r]

"إنتقلت الى رحمة الله"
عباره سوف تحمل إسمي يوما ما فسامحوني إن أخطئت بحق أحد منكم ، اللهم أحسن خاتمتي وتوفني وأنت راض عني يا أرحم الراحمين❤️.

[♩ @_li9r]

@maiit_ab شسم الاغنيه

[♩ @_li9r]

صورتك في ناظري من كثر ماودك
ولا على الشاشة الا " رقم جوالك "

والقلب بيتك وحدّك وأنت في حدك
مايسكنه غيرك ولارخصته إلا لك

في روحي وقطعتٍ من روحي أعدك
تمون ! حتى عروق القلب قدها لك

والحاجه الي تبي مني .. على يدك
آمر تدلل وسو اللي على بالك