عسّاف

لست صالحاً بما يكفي لكني أخاف الله

[عسّاف @_llccc]

(تَوَفَّنِي مُسْلِمًا وَأَلْحِقْنِي بِالصَّالِحِينَ)

[‏᷂ساره ᷂الدوسري @p74]

كلمة احبك كذا من دون فعل ما تسمّن
كنها ارحب من بخيل ما يلحقها حفاوه

[‏᷂ساره ᷂الدوسري @p74]

على القلب وسمٍ من غلاته سوات القوس
غدا كنه وسم الدوسري للعصا سنه

[‏᷂ساره ᷂الدوسري @p74]

لو كل ما فاتني سقت الحسايف عليه
طلع بـ راسي من التفكير شلقة نخل

[قروب اشعار @aShi3ar]

تبجحوا بالكلام اللي يجيب الصداع
لاكبرت المشكلة « حنا معازيبها » .

[‏𓃗 @ICC0_]

حتى مواعيدنا لو مَـا تتم ما تموت
أنا كريمة جفا . . وأنت كريم إنتظار

[الخــود @Mosh_7777]

- إذ طوَّقَ العقيقُ جيدَ المليحةِ
فمثلُها مَن يَهبُ الجواهرَ قدرَها

[مزاج مري @mzaj_marii]

يبتسم وجهي للايام بسمات الصبور
بالصباح اليا تنفس ، و ليله لا سجا

الحياة الفانية كلها نقطة عبور
ليه اعلق حبل الآمال في حبل الرجا ؟

لا طغوا عِبادة الوقت و الدنيا تدور
ما حسبت حساب منهو غرق ولا نجا

اترك العالم تنافس على حب الظهور
و اظهر بوجهٍ يبيّن لو انه في دجا

[صالح النشيرا @saleh_neshaira]

ياراعي الزمل جعل حمولها ماتميل
يلزمك .. حجه .. وكفّاره وجلسة ذِكر

الله ياكثر الغرايب في بحور الخليل
متيّهات الغشيم اللي ماعنده فكر

اللي معه مال يلقى له بكر كل ليل
والصبح تصبح نصيب اللي مايلقى بكر

حصيلي من الوعي في تجربة كل جيل
مواقفٍ .. تثقل .. الكاهل وصدرٍ حَكر

خذيت صمت الحريص اللي كلامه قليل
لاشاف له في وجيه الربع وجهٍ نكر

[عسّاف @_llccc]

«حتى وأنا في قمة الغيظ مقهور
بعض الحكي عيّا يقوله لساني»

||

«كم كلمةٍ بانفعالي جات مستنّه
يدفّها القلب وتوقّف على لساني»

——
سواء كنت غالي او ما أنت غالي «أنا اكرم من تلفّاظ الحروف الجارحة وأجود»

[عسّاف @_llccc]

غثاك واجد ومثلك مثل دخاني
اقول اخر زقاره وارجع ادخن

[عسّاف @_llccc]

في دجى ليلٍ يلاعب غترتي بارد نسيمه
مرني طيفك و جيت ادور الضمه و عيّا

ما طلبت الا وصالٍ من ليالينا القديمه
و مامنعت الا تلفات الموادع و الجفيا

ليه لا ؟ و انا فقير مواصلك و انتي كريمه
اكرمي قلبي و أنا فـ الوصل محتاج الكفيا

[عسّاف @_llccc]

ماعاد به ناس عليهم تكاله
ولا عاد عندي للخطا اي تبرير

الشيخ شيخ و الحثاله حثاله
وأهل المصالح ماسكين طوابير

[عسّاف @_llccc]

مادريت ان لعبة الثقل جازت للعوب
لين مكّنت اسهم الهجر بين جنوبها

تدري اني صلف واتوب الي مايتوب
خل ينفعها دلعها وثقل اسلوبها

[عسّاف @_llccc]

@p74 مليار ونعم 🫡

[عسّاف @_llccc]

كل العلاقات صارت ، شدّ لي وأقطع 
والحب ناشه من الخذلان .. ما ناشه 

ماباقي الا " السناب " يروّج لـ مقطع 
تبي علاقة جديدة ؟ ارفع الشاااشه ")

[أخبار السعودية @SaudiNews50]

خطيب المسجد النبوي:

إن الله قريب مجيب يسمع المناجاة، ولا يحتاج إلى وساطة لمناجاته.

[عسّاف @_llccc]

يارب خارجني إذا خاطري طاب
وأطفت رياح اليأس هقوة سراجي

واهدني الراحة لو بجوف سرداب
وأمطر علي برحمتك في عجاجي

وأفتح ليا ضاقت مغاليق الأبواب
يا رب والدنيا لا تعقد حجاجي

[عسّاف @_llccc]

من يولّي .. عرش قلبه غنادير البنات !
ضيّعوه .. من المصالح .. ولقّوه الخلا !

[عسّاف @_llccc]

هي ذابحتني وانا مانيب .. متغيّر
ان نمت وان قمت طاريها على بالي

[عسّاف @_llccc]

ومن يبي عينه تحلوى النوم وجروحه تشالا ؟
عن تخاتيخ المحبه يعقل يدين الركَايب