- زحمة الديره -
لا تنشديني عن الشعر و جماهيره
ابطيت عن ساحة الشعّار من غبتي
طلّي .. و اسخّر لك القاف و تصاويره
وجهك هو ( الداعم الأول ) لـ موهبتي
لا من تمعّنت في نوره و نوّيره
لقيت ما يرضي غروري و تجربتي
اعطاه رب الحِسن ما لا عطى غيره
حتى على قلوبنا الخضرا تسببتي
رباك من تكرم يمينه مساييره
لا خاب ظنه معاك ولا بعد خبتي
ومن الحيا ما قربتي زحمة الديره
ان شفتي الناس ملتمه .. تجنبتي
معاك الايام شوق و لهفه و غيره
وبعدك فراغات من سبتي ليا سبتي
افض سيره معاك ،، و تبتدي سيره
سؤال قلبي عليك ،، اكبر من اجوبتي
ما انسى دموعك ولا نظرتْك الاخيره
لو اني انسى الجميل اللي على رقبتي !
الجديد /
لا خير في قافٍ ما يظهر ساعة اليوم الشديد
يا المُلهم اللي ماخذ إلهامك طبوع المُلهمه
اسمع قصايد متعب التركي - عسى عمره مديد -
ولا قصيد مساعد ربيّع - عسى الله يرحمه -
بمناسبة تخرج اخوي
الملازم نواف سلطان الحميداني
https://t.co/aHA0xs1OYR