ِ

[ِ @_nahi1]

شلون اشوفه بعد ذيك الليالي غريب
و هو ذعاذيع نوده دايم تهبّني

ماني مخليه لـ الدنيا و قبح النصيب
لو كان يقطع حبال الوصل و يكبِّني

و اللّه لـ احبه لو انه ما يبيني حبيب
ما هو ب لازم عشان احبه يحبّني

[ِ @_nahi1]

١٥ يونيو /٢٠٢٦ مّ 🤍 .

[ِ @_nahi1]

لا يزعجك كثر حرصي لانك انت الوحيد
اللي المشاعر .. عليه تبيّن ، عتابها

اهم حاجه اشوفك طول عمرك سعيد
خل الجروح بخفوقي .. ينقفل بابها

انا احبك محبه ( والاكيد الاكيد )
النفس مهما حصل ما تكره احبابها

[ِ @_nahi1]

القصيد اللي يسمونه قصيد الله يديمه
كن فيه الشاعريه من يدورها وجدها
ㅤ
ودي اعطيكم قصيده تعطي الموضوع قيمه
للي يقولون اسلم وللي يقولون عدها ..

- مطرف بن شارع ..

[ِ @_nahi1]

بدا يعيش الخوف في قلب الشجاع
وبديت امل من الحياة الفانيه

والمشكله مدري متى يوم الوداع
ومدري متى يوم القطوف الدانيه

لكن على طاري ضياع وماضياع
انا بديت اضيع .. مره ثانيه !

[ِ @_nahi1]

شحَّت بروق اسمك، وجفَّت مرابيّك
وإجتاحني عقب الزعل ما تهيًّا

أعْرِفك وأجهَل ما بقَى من مشاهِيْك
وأقوْل -يا كل المشاوير هيَّا

عذب المحيَّا، لو تباعَد حراويُك
نسج لك دروب السفر في يديّاً

قلب تعلق في هواك، ومساريك
حاوَلت فيه يحبّ غيرك وعيّا .

[ِ @_nahi1]

والله ما منك لا مفرّ ولا نجاة
معك الضمير يسوق عمره لـ اللحد

أنت الدعاء اللي تخشه في الصلاة
وتستودعه يوميًا الواحد الأحد

غيرت في عيني مفاهيم الحياة
حتى التناقض لجل يرضيك أتحد

أسمي هو أسمي لا دعاه اللي دعاه
وأسمي بصوتك ما بعد قاله أحد .

[ِ @_nahi1]

وين بلقى عند ظلمك فـ المحبه قاضي
يا حبيبٍ ما بقى , لي في ظلاله فيّه

عن هواك العذب , لا ناسي ولا متغاضي
وعن هوى غيرك عيوف ولا طرا لي نيه

ما رضى قلبي المفارق , ليه قلبك راضي
وانت ما يصلح تعامل غير , بـ الحنيه

كيف بنسى الذكريات الماضيه والماضي
بعده ادور شعور , الراحه النفسيه .

[ِ @_nahi1]

« عظيم الود ما ودّك تمر و تنهي الموضوع ؟
تمادت عبرتي و اشتقت لك و ابتلت أعذاري

تعال اشعل مسافاتك حنين و ترتجيك شموع
تخاف من الفراق و همّها لا تسدل سْتاري

حبيبي جبت لك اسف و باقة من وله و دموع
ابرر لك و احن لضحكتك و اكتب لك أشعاري

بقت لهفة أمل يا غايبي ليه الوصل مقطوع
لجل خاطر أغانينا ، ولهت لفرحة أوتاري

و كلماتك و خاطرك الرقيق الفارق المسموع
و رقصات الحنين اللي تميل و حزنها عاري

إذا واجد تبي تقسى و أنا واجد علي اسبوع
متى ترضى ؟ متى تدري ؟ اموت ان قلت لي داري

أحبك حيل لا والله قليل إلا أحبك جوع
انا و الكون في يدي إذا تسال عن اخباري

وش اخباري ؟ و أنا عندي مراية حزنها مزروع
ووردة بين صفحاتي ، ودمعة صوتها جاري »

[ِ @_nahi1]

« عظيم الود ما ودّك تمر و تنهي الموضوع ؟
تمادت عبرتي و اشتقت لك و ابتلت أعذاري

تعال اشعل مسافاتك حنين و ترتجيك شموع
تخاف من الفراق و همّها لا تسدل سْتاري

حبيبي جبت لك اسف و باقة من وله و دموع
ابرر لك و احن لضحكتك و اكتب لك أشعاري

بقت لهفة أمل يا غايبي ليه الوصل مقطوع
لجل خاطر أغانينا ، ولهت لفرحة أوتاري

و كلماتك و خاطرك الرقيق الفارق المسموع
و رقصات الحنين اللي تميل و حزنها عاري

إذا واجد تبي تقسى و أنا واجد علي اسبوع
متى ترضى ؟ متى تدري ؟ اموت ان قلت لي داري

أحبك حيل لا والله قليل إلا أحبك جوع
انا و الكون في يدي إذا تسال عن اخباري

وش اخباري ؟ و أنا عندي مراية حزنها مزروع
ووردة بين صفحاتي ، ودمعة صوتها جاري »

[ِ @_nahi1]

تشيخي على جميع المزايين
مافيه مثلك فوق سطح الخريطه

لو يعرفون ! انك على الارض تمشين
ما كان سمو الارض هذي " بسيطه "

[ِ @_nahi1]

احبّك واحنّك من كلامٍ يجيب اقصاك
وكلامك مثل شلفا تراحيب في كبدي

لكن عاذرك ولا احسب زلّتك واخطاك
وإذا جيتني غلطان حطيتك المقدي

انا لك الين اموت وادورك وابغاك
وفي ذمتي ما ارضى بغيرك ولا ابدي

لاتحرقني بـ نار الجفيا ياعود الراك
تراني من اسباب الهجر واااصلٍ حدي :)

[ِ @_nahi1]

تقول أنا من سلايل محتمين الدخيل
مسعدني إنها تحدّاني بـ ( جدّانها )

منطوقها ما يقول إلا الكلام الجميل
ولو خانها لسانها صح الله لسانها

من كثر ماهي غنوج و كبرياها ثقيل
تقول ضيدان بن قضعان .. ضيدانها

جميلة الوجه سوّت فـ المحاني جميل
من يوم صارت تشوف القلب : بستانها

- عتيم

[ِ @_nahi1]

أنا أحسبن قلبي قوي وثابتٍ من كل جال
إلين تله من معاليقه هوى عذب اللما

وأنا الشجاع اللي يجمل لا قدم تو الرجال
لا أهتز قلب اللاش ولسانه تعلق في الجما

علي ال رزق

[ِ @_nahi1]

على شوفك أعدّ الليالي صحا ونعاس
" مشاوير عمري كل أبوها مشاويرك "

تبسم ترا معك المواعيد حبس أنفاس
ولا تعتذر لي فإنشغالك وتقصيرك

تغانم سلامي وأخذني من عيون الناس
أنا عاذرك من غير ما أسمع معاذيرك

— عبدالعزيز العبلان

[ِ @_nahi1]

على شوفك أعدّ الليالي صحا ونعاس
" مشاوير عمري كل أبوها مشاويرك "

تبسم ترا معك المواعيد حبس أنفاس
ولا تعتذر لي فإنشغالك وتقصيرك

تغانم سلامي وأخذني من عيون الناس
أنا عاذرك من غير ما أسمع معاذيرك

— عبدالعزيز العبلان

[ِ @_nahi1]

" أنا عاشق شعوري من ورق وضلوع صدري ناي
أقول الشعر وارزّ علمه و ارعى مرابيعه

أقول بكل مرة ماني مغني على ليلاي ..
أنا أكبر من مشواير الغرام ومن مواضيعه

وإذا قام الحنين يسوق قلبي قمت أسوق خطاي
ادور من دروبك درب قد جيناه واضيعه

ياكثر صورك اللي ما نساها بالي النسّاي
لو إن عمري معك مرت سنينه مثل أسابيعه

حبيبي كيف امرّ بشارعك ما تدري إني جاي ؟
وأنا أعرف الصباح اللي يجيبك من ذعاذيعه

يا سحر آخر قصيدة في عيون الشاعر الغوّاي
يا وجه مستعد أعيش عمري في تقاطيعه

أمانه لا تغرك مرحباي وضحكة محيّاي
ترى دربي مثل رمشك طويل وضيعتي ضيعه

تركت وجيه خلاني وراي وجيتك من اقصاي
وأنا بعض الوجيه اليا شريته ما قدر أبيعه

أخش أسمك عن أطراف الحديث وتفضحه دعواي
وتهتف له عروق القلب وتجدّد له البيعة

لا تاخذك الليالي والليالي ما هي بشرواي
تداري خاطرك من كل تنهيده وتلويعه

يقولون إن حبيبك ما تهزه حشرجات الناي
وأقول بصوت عاشق مابيده غير اصابيعه

عفى الله عن حبيبي لو حبيبي ماهو بويّاي
كثر ما اعاند الشوق بغيابه وأرجع اطيعه

عليه من السرور اللي ماهو في وجهي البكاي
وعليه من السلام اللي ماهو في ليل توديعه "

[ِ @_nahi1]

كل لحظة كانت بقربك عظيمة
عيّا يكررها الزمن بعد ممشاك

ماعاد لـ التاريخ معنى وقيمة
عدّا على قلبٍ عجز ماتعداك

مشاعري بين إنتصار وهزيمة
من ليلةٍ فيها عرفتك لـ فرقاك

ممنون لكل الليالي القديمة
اللي بها صوتك ووجهك وملقاك .

[ِ @_nahi1]

لا يالله إنّا تحت هيبة سماك ضعوف
ولا نعلم الخافي ولا نضمن الخيره

تدور السنين وغيبها ما هو بمكشوف
ومحاريفها مابين ضحكة و تكشيره

وأنا عبدك اللي يحتويه الرجا والخوف
يقصر و يستغفر إليا شاف تقصيره

تحت كف غيثك مارتجي للبشر معروف
لو تنوشه صدوف الزمان . . ومقاديره !

[ِ @_nahi1]

لا يالله إنّا تحت هيبة سماك ضعوف
ولا نعلم الخافي ولا نضمن الخيره

تدور السنين وغيبها ما هو بمكشوف
ومحاريفها مابين ضحكة و تكشيره

وأنا عبدك اللي يحتويه الرجا والخوف
يقصر و يستغفر إليا شاف تقصيره

تحت كف غيثك مارتجي للبشر معروف
لو تنوشه صدوف الزمان . . ومقاديره !