Noura

نبذة معشر الإنس والشيء الفريد..

[Noura @_nouu4]

خلك واقعي في كل شيء إلا الدعاء
اطلب المستحيل من الله لأنك تدعو رب كريم جواد وهاب خزائنه ملأى وعطاؤه لا ينفد..

[Noura @_nouu4]

اييييه ياضحكة تشرّع لها بيبان قلوبنا ونبيع الدنيا ونشتريها

[Noura @_nouu4]

وصلت مرحلة من النضج عجيبة، الأشياء اللي تزعلني اول صرت اطنشها، حتى لو سمعت كلمة ماتعجبني أتغاضى عنها وأشتري راحة بالي
صرت ما ألوم نفسي ولا أحاسبها إلا على اللي بيني وبين ربي لأن هو الشيء الوحيد اللي يستاهل ازعل عشانه، اما باقي أمور الحياة مفعلّة خاصية الـ طِز
وياحلو راحة البال 🤎

[Noura @_nouu4]

@eeeuuurrroo اااخ اعشقققك 😭😭😭😭😭😭

[Noura @_nouu4]

«يُقصِّر قربُكِ ليلي الطويل..»

[Noura @_nouu4]

والله هذي القصيدة اللي تطرب صدق، وتخليك تقوم تسوي لك قهوة وترجع تكيّف عليها من جديد

[فهد العيبان @FahadAl3eban]

وقّف الليل عقرب ساعة البِندول
والمتيم نفد صبره من بْعاده

للأرق في عيون اللي العشق مدلول
طال صمته ، وهمه طال ، وسْهاده

بيّن .. وبين طرفٍ بالسهر مكحول
جمرةٍ من جحيم النار ، وقّاده

في رجالله .. وثم ، والموعد المأمول
بيني ، وبين من خذلانها عاده

من يوصّل سلامٍ بالوفا مشغول
ويبلغ اخت العنود ان الغلا عادِه

باقيٍ ، لو على الهجر استدار الحول
واقفت بفالها ماهي بنشّاده

قالوا عْقوب قال بسدرة الغرمول
ياعسى فوقها الامزان هَدّاده

وبْشنقها يسيل السيل .. قلت اقول
من صميمٍ كثير الوجْد مافاده

جعل دار الحبيبه نافع الهملول
نوض برقه يسابق صوت رعّاده

لين تِحيي عشوب الخايع المسيول
ديمةٍ تاخذ إلها اسبوع ، وزّياده

وجْد روحي على شوفة هذاك الزول
مثل وجْد الغريب اللي عن بْلاده

مغترب .. مامعه حيله ، ولا له حول
وجْد روحي قريبٍ من تِوجّاده

ليتني كنت أعرْف الغيب ، والمجهول
كان يمدي غلاك أعرف وش أبعاده

ولاصرتي عن يديني بعيدة نول
يا شفوف الخفوق ، وغاية مْراده

سِعد من تِصبح عْيونه بهاك الزول
وان رقد طيّب الله فال مرقاده

بين عنقٍ طويل ، وناعمٍ مفلول
يتمرجح سوات الطفل بمهاده

غير سود العيون اللي لها مفعول
عين حرٍ شلع من كفّ هَدّاده

تلّ سبقه ، وروّح عقب شاف الجول
وضاع يامن يبشّرني بمعواده

ساطي الرمش تحت الحاجب المسلول
واعنا القلب لا جِرّد من غْماده

كم صويب شكى جرحه ، وكم مقتول
قاطعٍ مايبيله سَنْ ، وحّداده

وان لفى مسمعي منّك حرير القول
يرجع القلب ، ويتّكي على شداده

كل هرجٍ ربى في شفّتك معسول
يِبري الجرح لبطى فوقه ضماده

وهرج غيرك ولوْ يْقصّره مملول
لو تذلّل لي ، وكثّر توِدّاده

أنثري ليل شعرٍ بالندى مبلول
أسودٍ ماخذ مْن قلوب حِسّاده

النسايم لها قصة مع المجدول
لانقضتيه جتْ تنساب منقاده

أفهقي سود خصلاته عن المنتول
وينظم الليل لك نجماته قلاده

مثل نظم الجواهر ، والدُرر ، واللول
في سلوك الذهب بكفوف نضّاده

أرفلي بالحرير اللي كسا مفتول
عود موزٍ ستير الثوب مافاده

ثوبٍ احمر من خيوط الشفق مغزول
دمّ عفريةٍ يادوب منصاده

المطرز يلوق بْقدّك المعزول
بس طالع عليك يجنن الساده

أضحكي لي بوجةٍ بالرضا مغسول
ضحكتةٍ تنتزع من صدري فْواده

وإنزلي في حمى صدرٍ مهو مدهول
لا مها قد رعت قفره ، ولا غاده

قبْل أعرفك ، وفيه المسلمين أنزول
مثل عدٍ عليه البدو ، ورّاده

وبعد شدّت ضْعونك مامعاي حْلول
بدو .. والبدو نزّاله ، وشدّاده

فيك مامن عوض بالارض عرض ، وطول
حتى لو قالوا النسوان ولّاده

[Noura @_nouu4]

@eill_a90 كيووووت 🥹

[Noura @_nouu4]

@eill_a90 مدري بس احس تحتاجون شخص ثالث في الجلسة اللي هو أنا

[Noura @_nouu4]

@iihs_70 فعلًا وحتى المبلغ مو شرط يكون كبير لأنهم يشوفونها بمعناها مو بقيمتها
ياحلوها من عادة

[Noura @_nouu4]

هذي من اجمل العادات اللي احبها عندنا 🤎
اهلنا يقولون لها -كسوة- ولا زالت مستمرة الى الان
اتمنى من كل قلبي إذا كبرنا نستمر فيها وماتنقطع..

[عهد الرحماني البقمي @Aha_x2]

صدق صدق حركة رجعتني عام ٢٠٠٦!

امي مجهزه أقمشة وهدايا تقول إذا ناديتك جيبيها بعطيها الحرمة.
عاد اقول ماله داعي مانعرفها وجايتنا بالغلط، تقول حتى ولو الحرمة دخلت بيتي لازم 🎁🎁

[Noura @_nouu4]

لاحظت فيه اشخاص أطلقت عليهم مسمى -أعداء الفرحة- إذا شاف احد متفائل ورغم كل الظروف اللي يمر فيها اختار يكون سعيد
يجن جنونه لأن هو نفسه متكئب ويائس وتعيس
واذا شاف احد عكسه يأنبه ضميره فيجلس يهزأ منهم ويسلبهم أملهم

بس ماعليكم بكره احلى وآخر النفق فيه نور
والله مايخيب ظن عبده فيه ♥️

[Noura @_nouu4]

إذا اكتحلَت عيني بعينِك لم تزَل
بخيرٍ وجلَّت غمرةً عن فؤاديا ♥️

[Noura @_nouu4]

@mejustaf هذي حالة تجينا باليوم ثلاث مرات
استهدي بالله وتجاهليها

[أجـر @Jusnsssni]

اللهم صلِ وسلم وبارك على سيدنا محمد

[Noura @_nouu4]

«وأهفو ولا يخفى عليَّ صوابُ..»

[Noura @_nouu4]

@babitybo الأفضل تقييد الدعاء بالعافية، يعني تقولين اللهم ارزقني كذا وكذا في عافية
احمد بن حنبل دعا الله انه يحفظ القرآن وماحفظه إلا بالسجن، لذلك اقرنيه بالعافية وادعي باللي تبين

[Noura @_nouu4]

ياشين تأنيب الضمير إذا سويت شيء منت راضي عنه
غلقة على تكّة صدر، بس عزائي اني اعرف علاجها

[Noura @_nouu4]

@eeeuuurrroo بالعاااافية حياتي

[Noura @_nouu4]

بقول كلام مهم دايم اقوله لأهلي وصديقاتي

أولًا إذا سويتوا معروف لا تنتظرون رد أو جزاء أو مقابل، خصوصًا انكم سويتوه بحب وطيب نفس
المعروف لا يشترط الرد
ثانيًا: لا تندمون على معروف سويتوه قط مهما صار في علاقاتكم لو جحد العشرة وأنكر المعروف، لا تندمون خلوا إحسانكم لوجه الله وبترتاحون