.♫

يَ مغلاهّا في قلبي و يَ كبر منزلتها

[.♫ @_o0w8]

من كثر ماتوق لها واغليها واودها
تنقص مقامات بعض الناس من زودها.

[.♫ @_o0w8]

ما ينقاس حبي لك على حسبة الأميال
رغم بُعدك الجغرافي ؟ الا انك بلادي.

[.♫ @_o0w8]

اجمل من الحور واطهر من بطون القنوف
جل شان الخالق .. اللي فرق تصريرها.

[.♫ @_o0w8]

منطوقها مايقول الا الكلام الجميل
ولوخانها لسانها صح اللّٰه لسانها.

[.♫ @_o0w8]

احبها لكني اهم واهيم
اهم فرقاها واهيم لوعدها

في وجهها من كبر ابوها تقاسيم
الا معي تظهر براءة ولدها

في حبها قلبي مثل روضة خريم
لا والله الا كنه عروق يدها .

[.♫ @_o0w8]

احسب ايام العمر راحت عليّه
مادريت ان اجمله في ما تبقى

اشكر ايامي على كبر الهديه
اثرها لامن بغت .. تعرف تنقى.

[.♫ @_o0w8]

مع بداية ١٤٤٨ هـ :

تطمّني ي نهاية عامي وي عامي اللي حل
تراك انتِ السنين وعمري اللي عايشه كله

انا يوم اني اسميك عمري ما لساني زل
وش الأيام لو ماهي غلاك وشمسه وظله

تخيرتك وانا مالي خيار إلا انتِ .. مو من قل
ولكن كنتي ماتشبهين احد من بد خلق اللّٰه.

[.♫ @_o0w8]

اكبر من انها تنكتب
اكبر من انها تنقري

حب بلاشك ولعب
ستوطن في ايسري

احساسي ببعدك صعب
و احساسك بقربي وفي

لو نبتعد لو نقترب
او نلتقي ما نلتقي

انتِ الحبيبه اللي احب
وانتِ الحبيبه اللي ابي.

[.♫ @_o0w8]

تهلي في خطاويك النسايم و السحاب يهل
واغني لك بصوتي بين .. براقه و رعادّه

قمر لكن تطل احلا بكثير من القمر لا طل
وانا اوجد لك من ابيات الشعر مايصعب ايجاده

قلايد من عقود الياسمين ومن عقود الفُل
لعنقك وانتِ عنقك يستحق اكثر من قلاده .

[.♫ @_o0w8]

انتِ تزهاك القلايد
وتنطرك العياد
فرد لكن تملي الناس والدنيا فرح

عيّدي .. الله لا يوريك حزن ولا سهاد
ينشرح صدري إليا صار صدرك منشرح.

[.♫ @_o0w8]

لقيت لي حاجه قبل سن الثلاثين
مافيه احد بالكون مثلي لقاها

مخلوق ماضني تكون من الطين
يمكن سحابه عابره طاح ماها

خلت ثلاث ارباع صدري بساتين
محد وصل في داخلي مستواها

ماقارنك بالحور وانتِ تعرفين
حتى قصيدي يبتهج لانصاها

حبيبتي انتِ .. هنا لاتخافين
شفتي ضلوعي والله انك وراها.

[.♫ @_o0w8]

ي عظيمه وانتِ الاشياء الجديده والقديمه
و انتِ اللي لو تصد الارض ماصديت عنها ⠀

و انتِ اشجع الانتصارات وملذات الهزيمه
و انتِ اللي وين ما لقّيت قلبي قال .. عنها ⠀

و انتِ اعجوبة زمان الشاعر اللي هلّ ديمه
و ارتوت جدب القصايد لين صح الله بدنها .

[.♫ @_o0w8]

معك اغتنيت من الهوى والحب يامال الغناه
وحبَّبتني في ايامي اللي ماهقيت .. احبها

انتِ الحياه اللي عطت للناس معنى للحياه
وانتِ النعيم اللي عليه الناس تشكر ربها .

[.♫ @_o0w8]

انا ملكتك .. لو ماجيتي باليمين
قريحتي المأذون ودموعي مهرك

قمت اتخيل هيئتك في كل حين
وبلا شعور اضحك ويضحك لي ثغرك

وين ابلقى لك عوض واروح وين
من عقلي الي لادعيت الله ذكرك.

[.♫ @_o0w8]

يا كبر حظي يوم عندي مثلك ب هالدنيا❤️.

[.♫ @_o0w8]

تباهي وغني واضحكي لايهمّك شي
لامالتَ ظروفك فيك .. لك من يعدّلها

بتلقين لك في جُوف قلبي .. براد وفيّ
هنا منزلك والناس تعرف منازلها

ماتقدر تزعلك الليَالي وراسي حي
لو تزعلك سود الليَالي .. بزعلهَا .

[.♫ @_o0w8]

ولا ودي يمسها ضر ولا ودي تفارقني .

[.♫ @_o0w8]

ي اجمل بداياتي اللي في بداياتي
واخر ملذاتي اللي عشقك اولها

تعالي استقبليني فوق هقواتي
وخذيني لدولة العشق ومنازلها

اليوم اعيشك وطن من ذاتي لذاتي
على ثراك اسعد اللحظات واجملها

اجيك مكسور بعيوبي وغلطاتي
واروح واودعك مالك دنياي .. بأكملها.

[.♫ @_o0w8]

حي تاريخٍ .. جمعني فيك.

[.♫ @_o0w8]

لو يستحي العذر من وجه المواعيد
ماقمت اعد ّ الدقايق والثواني

وان كان ماشفتك الا سادس العيد
شوفك متى ماتهيّا .. عيد ثاني .

[.♫ @_o0w8]

كل عام وانتِ قصيده ما لحقها ملام
من اول العيد لين اخر حدود السنين

كل عام وانتِ حكاية كل ليله وعام
لو يختصرْك الشعر والشاعر بكلمتين

عليك من شاعرٍ غنّى لقلبك سلام
لو ما حصلّ له سلامه بين شامه وعين

لفّي من الغيم ثوب وزيدي الابتسام
انا اوّل انسان يحضن غيمه ونجمتين .