َ

[َ @_ohrl]

"ولا تجعل في رفقتي شقاء، ولا من وجودي عبء، ولا في حديثي أذيّة، ربي اجعلني خفيف العبور باقي الأثر"

[َ @_ohrl]

يبدّد بوصله .. ضيقة الخاطر المبنوق
ويرسم بدل وجه الحزن صورةٍ حلوى

— حمد آل فطور

[َ @_ohrl]

والرُّوح على من يُداريها « تَرتمي »

[َ @_ohrl]

يا شعور السكينه في صلاة المصلّي
يا طمأنينة الأنفس ، وما تحتويها

لو تولّي السنين .. محبتك ما تولّي
لين مالله يرثِ الأرض واللي عليها

— سعود مهدي

[َ @_ohrl]

«مادام قلبي لك شفوقٍ ميلاف
وراك يا خِـلّي قليل المروفه ؟

عزّ الله إنّي للمخاليق "عيّاف"
إلا انت ! ياللي هَيَّمت بي طيوفه»

[َ @_ohrl]

أحاول إنّه مايفصل بيننا فاصل
حتى ولو ينفصل راسي من متوني

أشّر على ماتبي ؟ و اللي تبي حاصل
حتى ولو تطلب عيوني " من عيوني "

— جابر النشيرا

[َ @_ohrl]

«أحبَّك لو خذتني غربتي بين الألف والكاف
فداك أحرّ نبضه بالفؤاد لـ بارد أهمالك»

[َ @_ohrl]

﴿وَأُفَوِّضُ أَمْرِي إِلَى اللَّهِ ۚ إِنَّ اللَّهَ بَصِيرٌ بِالْعِبَادِ﴾

[َ @_ohrl]

« غياباتي الواجد .. عن وجيه الناس
يبررها وجود اللي عن الناس مغنيني »

[َ @liiqli]

« عندما يشعُر الإنسان بالمحبة تتغير جودة الأيام في عينيه للأفضل، تزهو اللحظات، وتتمدد الراحة في كل لحظة .. لا يطلب المرء أكثر من هذا محبة صادقة دون حاجة أو دافع »

[َ @_ohrl]

« والله إن يبطي وحبه ورا حدب الضلوع
العرب غيره طراقي .. وهو راعي محل »

— محسن بن مترك

[َ @_ohrl]

مافيه ثاني ولا ثالث .. ولا رابع
أنت أحبب أحبابنا وأقرب قرايبنا

عز الله إن الهوى والحب له طابع
والشوق لو نسفهه جايبنا جايبنا

قام يحدانا لـ قربك شوقنا النابع
الين ناخت على .. بابك ركايبنا

ترى فراغاتنا اللي بين الاصابع
ما خلقت إلا عشان ايادي حبايبنا

[َ @_ohrl]

مشاهدك خلّى ضايق الصدر يرجع طرب
معك يوم واحد كان يسوى العمر كله

وش أطيب من الماء عند ضامي لقاه وشرب
وش أحلى من المعروف لا جاء على حله!

غلاك الحقيقة في زمن طبع ناسه خرب
هواك الصواب وكلهم كانوا الزله

سنيني هجير وقبل أعرفك حياتي كرب
يانورٍ دروبي مظلمة قبل ما ادله

— سعود مهدي

[َ @_ohrl]

خذني يا الذ من الفرج على كبود الصابرين
انا مريضٍ يدّعي بالخير للي يسحره

تجمّر ضلوعي على لاماك في نار الحنين
نارٍ مابين انياب لاهبها مزونٍ ممطره

عز الله إن ودي بشوفك بالعيون وباليدين
عند اللقى حتى اليدين إلها عيونٍ مبصره

— محمد الرويبخ

[َ @_ohrl]

حقيقة غلاك أكبر من الظن والتخمين
تهون الجروح .. ونظرتي فيك ماهانت

[َ @_ohrl]

مرحبا ياوسم ربي على كبد الثرا
يابعد من لاح برقه ولا عمّ الفياض

ياعساني ما أعدم الطاري اللي لا طرا
جيتني وأيديك ماهي بخالية الوفاض

دام باقي لك من الليل، ليلٍ ينسرا
وش عليك إن عنّت اقدامي السبع الاراض؟

جايزٍ لي في مواصلك رداة البرا
لو توقعني صدوف الدهر على بياض

— العبلان

[َ @_ohrl]

الليال اللي بدونك تِكسي الشكّ المخافه
والليال اللي معك فيها مروَّة .. وأجوديَّه

والله إنه ما لحقني من ورا عرفك حسافه
« خيرة أفضال السنين المقبله والأوليَّه »

[َ @_ohrl]

أحبّك كنّ ما قبلك عزيز ولا سواك شعور
لو إن الناس مرّتني « أحبك » من حناجرها

كأنك أرض تأويني وكن العالمين بحور
وكنّي شعب ما يقدر يسافر .. أو يهاجرها

[َ @_ohrl]

« لقيتك أمل من ضاع عمره ورا الحرمان
وبديتك وأنا أشوفك عوض ماضي أيَّـامي

جمعني معاك اليسر عقب العسر سبحان
من يضحك الخافق بعد جرْحه الدامي

تحضَّنت وصلك كني الضامي الهلكان
يالين إرتوى في مواصَلك قلبي الضامي

عليك الغلا منساق والشوق شانه شان
وعليك الرِّضى يا واهس الشعر وإلهامي »

[َ @_ohrl]

« ما طار الإنسان من شيء ولا قد عرف
إلا أنت .. من يعرفك يعرف بعدها يطير »

— سعد علوش