يا بعد وجّه الصباح و يا صباحي
من بداية مشرقه لـ آخر غروبه
انت سبه لـ انسجامي و ارتياحي
مثل راحة مذنبٍ من عقب توبه
عاد لو تسقيني السم الذحاحي
كنه ينزل مع معاليقي عذوبه
يا الجهات الاربع و ذيك النواحي
ما يضيع اللي تمادى في دروبه 🤍
ولا تسأل عن أحوالي ولاترجع تقول بخير
ولا أبي بحلمي تجيني ولاصدفه تكلمني
أنا عفتك والله بعيوني غديت صغير
محيت أجمل ليالينا وصار البعد يلزمني
تركتك يامناي وغلاي و يانصيب الغير
لأني شفتك بعيني تخون وخيبت ظني
أنا عاندت فيك الناس وقلت فلان عنهم غير
ليت الوقت يرجع و عنك الناس تبعدني
هني والله اللي فيك مايقبل التبديل
يبيع الحياة إن قيل له لأجلها بعها
يعرف إنك أجمل ماخلق بين هذا الجيل
جمالك مهوب الحاجة اللي يضيعها
محبتك عنده واجبه خلي التأجيل
أبواب الهوى قد شرعت لك مصارعها
ترى الحب مايقبل من العاشقين بخيل
ماخاض الهوى غير أكرم الناس وأشجعها