عمري مازعلت على ولا شخص بحياتي كنت ازعل دائماً على نفسي لطالما قدمت الوضوح والصدق بدون تزييف ماكنت استخدم طرق التلاعب أو الاستغفال لذلك كنت ازعل دائماً عشان نفسي مو عشان الآخرين ولا عليهم أبداً .
مقياسك بالحياة ههي " الأفعال " خلك على ثقة تماماً كل إنسان يستطيع يعطيك كلام ولطف واسلوب رائع لكن مو الكل يقدر يعطي فعل حقيقي لأن الفعل هو مقياس الصدق .
مفهوم العلاقات خذها قاعدة :
عامل كل شخص بمثل مايعاملك لاتبالغ أبداً اعط كل شخص اللي يستحقه فقط والأفضل لك اختار اشخاص يشبهونك ولاترضى بـ اقل وغالباً ٧٠ بالمية من العلاقات عبارة عن إحتياج ، تسلية ، فضول ، تجربة ،والأفعال أبلغ من الكلام.
الناس الخبيثة اكثر شي تميزهم فيه أنهم (مهانين)
لما تعطيهم وجه ما يشوفونك شي
ولما تتركهم يطاردونك
هالنوعية من البشر صعب تتعامل معهم
عايشين ع المطاردات والصراع
وأهين فلان ويهيني
ما احد يقدر يكمل معهم للأخير
الحياة معهم صعبة مليانة ألاعيب ..
سمعت بودكاست يتكلم عن " التعزيز المتقطع" بالعلاقات غالباً يكون شخص فترات يكون قريب جداً منك وفترات يبعد وتكون أنت بحالة الإنتظار ليعود لنسخته الرائعة معك وهذا اسوء سلوك لازم تحط ببالك أن هالشخص يبغى يضمن وجودك فقط وعدم ذهابك لا أكثر ولايحمل مشاعر ثابتة تجاهك .