عمش بن طواله

جرح وعزفته ناي في حفلة وداع ، ولا توقعت الحضور يصفقون !!

[عمش بن طواله @_qtks]

قبّة استعباد

كلامه من رصاص ، و نبرته كانت فتيل زناد
اشوف الذابح البارح .. يهل الدمع للمذبوح

رمى كل الحكي ، و اقفى .. يجر اخطاه للابعاد
ماكن خلفه من اجساد المشاعر تحتضر له روح

دفنت الحب في صدري ، و فوقه " قبة استعباد "
تصلي فوقه الذكرى ، و ينعاه الشعر ، و البوح

تطوف طيوف فوق القبر ، و تردد : وش اللي فاد ؟
تهلّ الدمع ، و تغسّل شراع الشوق للمملوح

يمد يديه مستقبل يلبس طيش لبس حداد
و بعروقٍ نشف دم الغلا فيها يخيْط جروح

يعزّي الحاظر الماضي ، و يبكي وقت ما ينعاد
عظيم الذكريات اللي لها ونّة حمام الدوح

هلك طاري البشر فـ الذاكرة بعدك بدون احياد
و طاريك الوحيد اللي تخارج من سفينة نوح

حبيبي ، لا حبيب الا انت ، لا قايد ، و لا منقاد
تركت الناس ، يوم الناس في عيني تجي و تروح

و قلبٍ ما عشق غيرك موثّق في يديه اصفاد
يعيش بـ ظلمة الواقع ، و لا يبغى شعاع و ضوح

حبيبي هذا انا واقف على الاطلال كالمعتاد
و باب رحت منّه انت ، لجلك تاركه مفتوح

[عمش بن طواله @_qtks]

هذا صباح طيور شلوى على الحوم
قبل الشروق وبعد توقيت الاذان

طاروا مْطير يبيّن الحرّ و البوم
ملواحهم طامع و حاسد و فسقان

هدّوا تقول من السماء طاحت نجوم
ترجم كلاب ايران و تسكّت ايران

كل صبح مثل الصبح هذا من اليوم
يبري الغليل نقول له صبح سلمان

#السعودية_خط_احمر
#القوات_الجوية_الملكية

[عمش بن طواله @_qtks]

دار الزمان لـ عكس ما نبغيه دار
قلّد فرصنا " من سلاسل ليتها "

يا حلمي اللي ما بعد طافك قطار
خايف عليك تروح في تاليتها

راحت علي سنتين وانا ب انتظار
اعافر الايام يخرب بيتها

حاولت ارقعها يمين و جت يسار
والدبرة اللي في يدي سويتها

دربك عسر واحب عسرات المهار
السكة الخطرة عشانك جيتها

جيتك وضوح الشمس في عز النهار
والكلمة المستهترة خليتها

لو كنت هايم فيك واللي صار صار
ما والله اسحب كلمة بديتها

حرٍ ظهرت و طرت من ماكر حرار
اداري اسماها و اداري صيتها

كم حاجة من دونها الدخان ثار
حاموا عليها و انحروا عنتيتها

بسعى و اسوي كل حاجة ب اختصار
لين القبور ينام فيها ميتها

و ابا اتغنى فيك و اعكس المسار
و اللي تجوز لمسمعك غنيتها

و اليا خذاني الشوق و الهاجوس سار
خذيت من نجم الدفاتر ليتها

ثم هل دمع و طاح غصن و طير طار
و بكيت موصلها على تكريتها

و خليت طيفك بالمساء صاحب قرار
اوامره قبل تجي … لبّيتها

ياحلمي اللي كل ما مريت دار
تطري و عليك من الوله سميتها

يومك تقول انّا على الدنيا صغار
نبي نتغانمها قبل تفويتها

الله يجعلنا من طوال العمار
و يحقق اماني معك حطيتها

[عمش بن طواله @_qtks]

سباّرة العلم جوني ليلة البارح
على شفا واديٍ دافن به اسراري

غنوا لي ابيات لـ محمد .. وانا سارح
قالوا : وش تقول ؟ قلت : العز ويباري

قالوا لي : الموت ؟ قلت : الموت له فارح
لا صار من دون غالي ! مالي مباري

قالوا لي : الجرح ؟ قلت : وفدوة الجارح
قالوا لي : الدمع ؟ قلت : الشوق لدياري

قالوا لي : الصمت ؟ قلت : وماني بشارح
قالوا لي : الخوف ؟ قلت : يطيح مقداري

قالوا لي : الشعر ؟ قلت : بذات متصارح
ما في شيٍ بقى يستاهل اشعاري

[محمّد @_LordGenichiro]

شابت على وجه الزمان الاحاسيس
و خابت على جرح المقفين قصّة

و للحين وجهك خلف كل الكواليس
له من سنيني كل ما تهت حصّه

راسي كنيسة و انت طاريك قسّيس
يلقي على ذكرى المحبين نَصّه

تاقف عشانه كل الاشواق تقديس
معها عطر ماضي ، و وردة ، و غصّة
@_qtks

[ِ @smmh_2]

مرورك يشدّ النواظر شد
ينبت على خطواتك النويّر

مْن العيون الى حمار الخد
غيمٍ ينوّره السنا تنوير

يهد رمشك حيل قلبي هد
ويصير كل اللي تبين يصير

متفردٍ طولك و قدك .. قد
- راااابع ثلاثة معجزات مطير -

[عمش بن طواله @_qtks]

عنا الوقت ، و ظروف الليالي ، و نسمة سوّ
عساني احسّه .. قبل لا وجهه يحسه

احبه ، و هو من قبل عشرين عام و هو
يداري عليّ .. كنّه يداري على نفسه

[عمش بن طواله @_qtks]

@Myz9r @Meshal_almualla وعليك يابو فرحان صح الله بدنك ياحبيب القلب

[عمش بن طواله @_qtks]

هي واضحة من قبل تبدا "حزينه"
الرحلة اللي كان مجدافها " تيه "

رحلت منها في عيوني غبينه
و جرح و ظلامٍ مالقى من يضويه

بعد ما كان الحلم حاجة ثمينة
تشوّه بيد المقادير تشويه

رجعت اجر اخطاي وسط المدينة
حزين و امسح فوق جرحي و اواسيه

اشوف بعيون المعادي ضغينه
و اشوف بعيون المحبة مشاريه

يوم ارهن من العمر اجمل سنينه
ما قلت ليديني و انا امدّها ليه

كل شي كنت ابيه ماعرف وينه
الين صرت اميل يمّ شي مابيه

بين الكلام و بين قسوة و لينه
سويت شيٍ ما تخيّلت اسويه

حتى المكان اللي كره ساكنينه
من اول اجنّبه و الليلة اجيه

ياغاليه عجزت اعيّن سكينه
لا بالحفر ولا بحتى ضواحيه

من وين ابلقى ثار لا تطالبينه
لا صار مابه خصم من وين الاقيه

اللي جروحه كلها من يدينه
و شلون ياخذ ثار جرحه من يديه !

[عمش بن طواله @_qtks]

@falehffalroba ما عليك زود يافالح .. صح الله بدنك، و نتعلم منك

[عمش بن طواله @_qtks]

الله هو اللي سلّم الامر و ستر
بأمره خطاويّي عن المسرا عصن

اختلفت الهقوات ، و الطيب نتر ،
و اختلطت اثار الحصاني ، و الحصن

يغري الرجال ازوال في بعض الغتر
و ان زادت الصكات .. قامن ينقصن

يا مكْثِر الشرهات " عزمي ما فتر "
يوم الليالي جمّعن بك ، و اخبصن

انا بذراي ان قمت ، و اشتد الوتر
يبطي الهوى لا هبّ .. ما حرك غصن

[شُعراء المرحله @1wr1sj]

عمش الاسم الجميل و الشعر الحقيقي بداء قصيدته بمطلع جميل جداً و كان يوصف الوداع و التيه بعده حتى قال :

يوم ارهن من العمر اجمل سنينه
ما قلت ليدينى و انا امدها ليه

بيت عظيم و معبر جداً و ختم القصيده بقوله:

اللي جروحه كلها من يدينه
و شلون ياخذ ثار جرحه من يديه !

[عمش بن طواله @_qtks]

لو يطول البعد مابينك و بيني
منهو اللي قال مانلقى مفر ؟

اسمعي اما براوة و اسمعيني
غمّضي و تخيّلي انك بالحفر

[عمش بن طواله @_qtks]

يا بطون الغيم و لا يا عيوني
امطروا لين الاحاسيس اتفّيا

قبل ناسي من غيابي يفقدوني
ودي اشوف الثرا فوق الثريّا

ياهلي في غيبتي لا تنشدوني
لين كل اللي يورّالي تهيّا

قمت اسج لما توجهني ظنوني
مابعد عزمي عن المشراف عيّا

افطنوا لي كان ضعت و ضيّعوني
والله ان ماهو بكل الوقت ليّا

دوروني ، دوروني ، دوروني
لين اخر شي تلقوني هنيّا

[. @x_iill88]

له البقى والمرحبا والمسهلا
وقبالي الي ما هوب للأخرين

يقبل واقول من المقابل ما خلا
يضحك واقول اموت بالغمازتين

انشهد ان الناس مافيها حلا
الناس وين ووجهك المملوح وين
عمش بن طواله

[sulan @7yrtnyB9mtk]

فارقه .. ما فيه زيف و لا محايد
في متاهات الظنون .. أنتي اكيده

ياملاذ الحرف و افكار القصايد
كيف صرتي شاعرة و انتي قصيدة ؟

[🇸🇦 قــريــة درب الإبـــل | DARB ALIBL @Darb_Alibl]

سلامتك أبو محمد..

أجرى الشيخ عبدالله بن عمش ابن طواله اليوم في الرياض بعض الفحوصات الطبية وتركيب بطارية منظم ضربات القلب، وتكللت العملية بالنجاح بفضل الله.

نسأل الله له الشفاء العاجل والعافية الدائمة.

[🇸🇦 قــريــة درب الإبـــل | DARB ALIBL @Darb_Alibl]

✨| سلامتــك طهورٌ إن شاء الله يا أبو فواز،
ونسأل الله أن يتمّ عليكم لباس الصحة والعافية،
وأن يكتب لكم الشفاء التام ويعيدكم سالمًا معافى.

#عبيد_بن_عمش_ابن_طواله

[عمش بن طواله @_qtks]

تركت كل شي للماضي مع المعني
و الليل بستارته سدّل على الشرفة

بس العطورات و الابيات توجعني
انا تعلقت و ادوّر على صرفه

مابي من الذكريات اللي يرجعني
للذنب و اعيد شيٍ مابي اقترفه

قام الزمن في طموحاتي يطمعني
لين اوقف الوقت رجليني على جرفه

همّلت نفسي كثير اقول لك يعني
انا انخلق داخلي مخلوق ماعرفه

@doraperfume

[شـهد @_ShAlshammari]

اموت والساعه اللي معك ما بعته
لا ضامك الوقت يا نور المساء سيّر

الوقت لو غيّر اللي ما توقعته
قبالي ان جيتني ماهو بـ متغيّر

- عمش بن طواله

[ف. @fa_ali95]

له البقى و المرحبا و المسهلا
و إقبالي اللي مهوب للآخرين

يقبلّ و أقول من المقابل ما خلا
يضحك و أقول أموت بالغمازتين

أنشهد ان الناس ما فيها حلا
الناس وين ؟ و وجهك المملوح وين ؟

- عمش بن طواله

[✨ @Juod_178]

عنك العيون مْن الغلا متعاميه
سقها جلد وامش وتعال و رحّ

و ان حدتك دنياك مره ثانيه
اطعن لكنّ بالله اطعن صح"

«عمش بن طواله»