روابي💎

عسى الرضا يشرّع أبوابه على ما أبي
يضفي علي الحياة اللي تمنيتها 🤍✨

[روابي💎 @_rro511]

عَن أَبِي هُرَيرَةَ رضي الله عنه أَنَّ رَسُولَ اللهِ صلى الله عليه وسلم قَالَ: ((مَنْ صَلَّى عَلَيَّ وَاحِدَةً، صَلَّى الله عَلَيْهِ عَشْرًا))؛ رواه مسلم.

[عسّاس القصيد @3sa__s]

اليا سْبقوك الناس لا تلعن الحظ
الحظ … شمّاعة ردي العزايم .

- جمال بندر

[وَدْق @rrh24_]

" انا وان مت ضامي ما طمعت بشربةٍ من بير
اعاف البير لا كثروا .. عليه الناس ورّادة "

— محمد الحبابي

[سبّيع . @subiie7]

مرحببا . . اما بعد :

« الإنسحاب وإغلاق الابواب وتغيير الأماكن
ليس دليلاً على وجود البديل
بل هي مرحلة الإلتفات للنفس بعد استنزاف الفرص »

اما عن وصف لسان الحال . . قال :

عطيتك من كرم قلبي وأنا ماني ب حاتم طي
أحاول فيك لكني عجّزت أعرف مفاهيمك ):

[سَّـ @lqqqlu]

أجنب عن الشينة ونفسي لها مقدار
مع الطيب تمشي والردى ما يناسبها

أنا ماني من اللي يعترض سكة المرار
أنا لي طريق وباقي الطرق —أجنبها

[قصايد @hnoof_x]

سلّم على اللي يدل القوم فالظلما
ما ياجد الخوف مزبن في معاليقه

يشرب كبار المصايب مثل شرب الما
يوم ان بعض الرجال يغص في ريقه

اهل الحكي فاللوازم تنقلب بلما
وهرج السعه يعسر الرديان تطبيقه

لو انها افصح من ازهير ابن ابي سلمى
تصير مثل العجم في ساعة الضيقه

[سداح العتيبي @saddahalotaibi]

يا اللي تقولون الحياء ..حيّ ما مات
أنا لقيته .. بالبثوث متوفّي

مطعون واللي طاعنه عشر طعنات
واضح على الشاشه ماهوب متخفّي

هذا يسب اهل الشيم والمروّات
وهذاك .. نقصه كمّله با��تشفّي

راحت تقاليد القبايل ولا جات
وشلون أردّك يا الزمان المقفّي

ابن القبيلة في بثوث البنيّات
بالصوت والصوره عليها مصفّي

الوجه بارد ما يبي شاهد إثبات
وان جاب حكمه قال قومي ولفّي

مشهور لكن شهرته بالتفاهات
عن سيرته كبّس وشيّر تكفّي !!

[نـوران @Nu__3w]

«لمّ يعد لنا في الخيال حياة »
&
��قلي اللي كان يبغى من الواقع هروب
تالي الأيّام : يبغى الهروب من الخيال.
—جابر النشيرا

[محسن بن مترك @aprvip]

يانايف وسيع المعرفه مايجي بـ اقصاه
كلام الضعوف اللي عن علومهم شمنا

ياكم من صغير لو نجادله كبرناه
ولا من سكتنا عنه محدٍ بلايمنا

ما نشره على اللي ينتقد كل من خاواه
ولا نعذرب الطيب ولا نهفي ذممنا

لا دار الكلام اللي يجيب الملام ادناه
عن الضايعه ومناقش السالفه صمنا

يا كم مجلسٍ لا ضاع منطوق اهله وتاه
خذينا الاذان حسب العوايد وكرمنا

عسى دلاله اللي جنب صلو الجمر مركاه
تكفي هلايم من عزمهم ليا قمنا

بيوت الفخر دايم على الطاله امبناه
ونبانا معى روس الرياجيل خادمنا

خلقنا عزاز ونهجنا ماختلف مبداه
ومن مجالس كبار المكانه تعلمنا

كسبنا النبا اللي يسمع النعم من طراه
وعلى كل علم طيبٍ شابت لممنا

لنا سمعة من يعرف المجد ماتخفاه
عن القدر فـ وجيه النشاما تعلمنا

وريث الشداد الي ينومس فعل يمناه
الى احتاجنا في لازم له تقدمنا

نسوق العمار الغاليه والخطر ناطاه
ولا ترتخي وقت المواقف محازمنا

على كل حال الرجل مبدا ووجه وجاه
وذرابة لسان وطيب راس وصخا يمنى

والي مخطي من ماذكر فالكلام اعلاه
هاذا في مجال المدح ماهوب يلزمنا )؛

[روابي💎 @_rro511]

عسى الله يبيض وجه من يذكر المعروف
يماري براع الطيب لامن حكو عنّه

بوقتٍ اشوف الناس تخرج عن المألوف
تكب الصحيح وتترك الفرض والسنّه

نعاف المكان اللي حشم هرجة الملقوف
ونعاف الجميل اللي يجي من ورا منّه

[نـوران @Nu__3w]

وراي دوام من 8 إلى 4 وسهرانه اتقهوى على هواجيسي واتأمّل جماليّة وعمق إنك تحنّ اللي تحبّه من كل شيء حتى الشيء اللي هو تسبب لك فيه اصلاً !!

"قلبٍ عثت فيه الجروح الدّاميه والحزنْ عاث
لعل يمنىٍ سببت هذا فْـ قلبي : ما تشل."
- فهد العبيان

"عسى ربي يعافيني ولا يبلاك قول امين
تراني كنّي : اللي واطي ٍله جمرةٍ حيّه !"
- ضيدان بن قضعان

[عتيم @ciiz67]

ابتدا المسرا .. و كن الهم قالط فـ الغماره
فـ الصدر كلام يجرح كثر ما فـ النفس زمه

المدارا ؟.. مايرجع لـ الغريب امان داره
كان مايقدر فـ داره .. يظفر بـ فكره ملمه

كنت اشوف ان التغاضي فـ العمر اكبر تجاره
وص��ت اشوف اشياء واجد فالعمر ماهي مهمه

انثني دون المبادي .. و المروه و الصداره
ولا لقيت الا القليل اللي يشابهني : بـ همه

كل ماعانقت غايه ؟.. كني اللي رد ثاره
ماني بـ طلاب ثار .. انا كذا طلاب قمه

مستعد اكون لـ الطيّب تحت رهن الاشاره
بس ماني مستعد اشوف دمعه فوق كمه

من يمينه لاعطت تعطي .. ولاتدري يساره
جعل يفداه البخيل اللي يشوف الضيف غمه

الردي ؟.. ماياخذ الناموس لو بـ الاستعاره
إن سعى خيره لـ نفسه وان حكى نقال نمه

لبسوه ( عمامته ) ربعه عسى ترفع وقاره
وشاف نفسه بـ المعمه افضل مْن عوال عمه

مايوقف و إن وقف تقول طايح من عماره !
فـ المواقف تارك وقوفه و مستغني بـ فمه

كل ماجيت امسك الخايب و ارده عن مساره
يعترض طاري حبيبي .. و اتلقا له و اضمه

من عرفته ليه افكر فـ الغناه وفـ الخساره ؟
بايعٍ .. من دون باب مواصله ( بيّاع ذمه )

اطرقٍ .. من يوم بشرني و انا اسوق البشاره
قال احبك قلت احبك منك تجيب المطمه

- عتيم

[عبدالله السراهيد @Alsraheed]

« كعادة الليل »

ساويت بعض النجوم بطين من رملي
أحياناً السيدات .. آطيب من الـسادة

[ناصر الحمادين @nalhmadeen]

سجلوني في كشوفات ( المحبة) غايب
للأسف ماعادني بالشاعر الرومنسي
..
صايرٍ قلبي من الفرقى سواة الشايب
منطوي ويعيش في ركن الحياة المنسي..!

[سعود بن مبارك @Saud_almshly_]

بما إني وارد على الوايت في ذا القيض لذلك أعلل نفسي بنفسي :

الشهادة مرجلة عند المقام السامي
والرجل شهادتة طيبه وحُسن أخلاقة

والله انه مانكب مستقبلي و أحلامي
غير كلمة ورّد الوايت وردّ الناقة

[سلطان بن بتلاء @sbinbtlaa]

لي صاحب ٍ طيّب ولاله مقدره
من كثر مايقدح لحق عقله قصور

يعزم ويطلّق وهو ماله مره
واليا تعشّى مالقى حق الفطور

لو قال انا سمّتني امي حيدره
ماهو (علي) سمّته لانه في (حدور)

وصيّته بلازم وجيت اذكرّه
وقال ازهل الموضوع مايلزم حضور

قال انس موضوعك واحسبه يقدره
واثر إنس موضوعك دبور ٍ في دبور

لاقال : امورك توب تحت السيطره
دريت بإن السيطره تحت الامور

[روابي💎 @_rro511]

قصر علومك مالنا بالطويله
بعض الكلام اثقل من الدين والهم

المدح لـ اصحاب الفضيله فضيله
والسب مر امر واجد من السم

حتى لو تشوفه من اقصى القبيله
اللي يشيل اسم القبيله ولد عم

قلته وابى اعيده معك كل ليله
وان كان عندك غير ماقلت لك ! قم

[روابي💎 @_rro511]

أنا الأتمّ إدراك .. والأغرب أطوار
وأنا اللي أعطي كل الأشياء قيمة

إذا انتصرت أصير للنصر تذكار
وإذا انهزمت أرفع مقام الهزيمة

اما أخذ التقدير مثل أخذت الثَّار
ولا أتوفّى ما شكيت .. الظليمة

لوكنت في ماهيّتي قادر أختار
ما أخترت أكون إلا قصيدة عظيمة

[روابي💎 @_rro511]

رافعٍ نفسي عن أطراف الحديث الخالي
كيف أنّزل مستواي ، و هامتي مرفوعه ؟

والله إن طيبي ماهو بالمرتبط بـ أحوالي
و ضحكتي بوجيه ربعي ماهي بـ مصنوعه

نضحك أحجاج الرفيق و يستغيض التالي
ولا درينا عن هوى داره ولا موضوعه

[منبه الحوقلة @alhawqalh]

لَا حَوْلَ وَلَا قُوَّةَ إِلَّا بِاللَّه الْعَلِيُّ الْعَظِيم.