والله و جتني بك الدنيا وأنا لاهي
لولا الدفا اللي بـ صوتك ما تذكرتك
هز البطا صورتي و إلا على ماهي؟
دار الزمن فيك و إلا الناس غيّرتك؟
مدري متى مات لك حبٍ على شفاهي
بس أذكر إني سهرتك عمر وأسهرتك
دور و تلقى عساك تعيّن أشباهي
أنا تنازلت عنّك .. كثر ما أخترتك
تعب كل الدروب اللي ترجعني على ذكراك
وجع كل الديار اللي تذكرني مرابيّك
فقدتك و أنت طينة نور ما ينسَاك من يلقاك
أجل و شلون من سجّك ربيع و علّ و سميّك
عرفتك و أنت ألذ من الشهد و أطهر من المسواك
و - حبيتك جميع - و تهت في مرّك و حاليّك
تذكرها ليا جابك حنينك صُوبي و ودّاك
تراها راس مالك لـ العمر و أسما معانيّك
بـ تنساني مع الأيام - يمكن - بس كيف أنساك ؟
و ريح الورد من عطرك و ضيّ الشمس من ضيّك ؟
أشوفك بـ الأماكن كلها واقف هنا و هناك
و أحسك بـ الأسَامي كن كل الناس أسَاميّك
أحسب أن السنين أن طوّلت تستأذن الغياب
و تبدى تمحي آثار السوالف نوبه .. و نوبه
و عرفت أن الزمن ما يستحي و أن الأمل كذاب
إذا ما هان جرح الآدمي ما هان محبوبه
عيدك مبارك يا حِلّي وداري واغترابي
لا حياة إلاَ معك .. لو كانت حياتي بدونك
كانك من اخطائي .. خطاي أجمل من صوابي
الخطأ محبتي لك، ولا الخطأ في جنونك؟
راضي أعيشك أمل و اطرد بإنتظارك سرابي
لو ربيعي وسط دياري مجدبة .. بترقّب مزونك
عيدك مبارك يا حِلّي وداري واغترابي
لا حياة إلاَ معك .. لو كانت حياتي بدونك
كانك من اخطائي .. خطاي أجمل من صوابي
الخطأ محبتي لك، ولا الخطأ في جنونك؟
راضي أعيشك أمل و اطرد بإنتظارك سرابي
لو ربيعي وسط دياري مجدبة .. بترقّب مزونك