مـتذووق ١١٤

فارس بلا جواد وشاعر بلا قريحه

[محسن بن مترك @aprvip]

اسدل الليل جلبابه وساد الظلام
والوله لاح براقه وحن رعده

كل ذكرى لها بين الضلوع التطام
ناتج امواجها ضيقه وصوت نهده

الجفى حال من بيني وبين المنام
لين جنبي تجافا من طرف مرقده

اتقوى ، وانا ، ماني ، على ، مايرام
لا اعترض طيفه وقفا الهجر بوعده

اكره آرد واعوّد والمشاعر حيام
واكره القلب لا من حن ولا نده

ليت له لا خلج ولا عصاني خطام
كان ما حرك الطاري جويد وتده

يحيي الشوق دراس الجروح الجسام
والشعر كل ماطاح الحزين اسنده

يسمو المبدع بفكره حدود الغمام
لا امتطى صهوة ابعاده ونال اسعده

نظرته لـ النجوم وخطوته لـ الامام
ولا بعد كلّت متونه وقل جهده

اكتبه لا غدا سور المحاني حطام
واتركه لا عبث فيه الغبي ونقده

بين صمت الحليم وبين كثر الكلام
يغترب نادر الافكار وسط بلده

ان تكلم دخل في دايرة الاتهام
ون سكت طمع فيه اللي بـ سن ولده

يكره الانتقاد ويكره الانتقام
ويكره اللي خياله مثل راحة يده )؛

[ظافر بن فرحان @zafr_frhan]

لو يرجع الوقت دورك دور بنت الحلال
ماهوب من صالحك ترجع لذاك الزمن

[ظافر بن فرحان @zafr_frhan]

أنت ساري ليل و مضيّع الأربع جهات
والعمى يحتاج من يرشده ويبصّره

تحتمي في اللي يبي يجعل الأمّه شتات
والخليج يحاول يهوّده و ينصّره

لا تصايح كنّك الكاسيات العاريات
كل تراب وغط وجهك وصوتك قصّره

ما نبي خصمٍ سواتك عليه ملاحظات
يحلق وجهه و يلبس ثياب مخصّره

[عاشق المقناص @alqanaas45]

مساء الخير للجميع 🌹

[حزام القحطاني @nj3555]

يولد الشعر من بطن الظروف الشديده
البيوت اليتيمه في بيوت اليتامى

[محسن بن مترك @aprvip]

سلام من دوسري ٍ فالخوي ما يبور
والطيب سلم الدواسر دوسري دوسري

لا شان وجه الليال الي رحاها يدور
اشاوس خطوبها سفراني ومسعري

قصيدة مدح في الصديق ورفيق الدرب بدر بن ناصر بن عبار ال سفران العجمي

[هزاع الحته @hza11_]

تبـيـن الـفـروق وتـتـضـح والـرجـال انـواع

[نواف بن سعد @nw2fs]

#شعر
الجديد
.
.

ان بغا يكرهك عيت ' لا تطيع جراحه
وان بغا ينساك من ينسى مثاني جوفه

#نواف_سعد

[جرّاح العتيبي @AL___9999]

منادم العشاق ومسامر الليل
ضريبته من وقتي ومن نشاطي

ندمت يوم اني شرحت التفاصيل
الظاهر انك فاهم الشرح خاطي

لكن على طاري الجفاء والمواصيل
محتاج وصل ٍ غير وصل المقاطي

نشوة وصالك بعد طول البهاذيل
اشـد من نشـوة شعور التعاطـي

الحب قدامي لعب فـ الرياجيل
صارو ما غير يسحبون القواطي

دايم مسبب مشكله لـ المشاكيل
من جاه ساطي راح ماهو بـ ساطي

حتى لو اهايط و اجـر المواويل
أنا أدري انه ما نفعـني هـياطي

ماعاد لي قوّه ولا عاد لي حيل
صبري نفذ مخزونه الاحتياطي :)

[د. مشعل الزعبي @alzuaby]

أبشري - كانك تحبّين الشعر - باللي يسرّك
وافخري باللي عطاك الله وثوري واستثيري

قلّدوك بلبسك وحكيك عسى الله لا يضرّك
في النخيل وفي المروج وفي العثيم وفي البجيري

ذوّقيني شيّ من خيرك بعد ما ذقت شرّك
وانزعي منديلك الأصفر ترى ما فيه غيري

طُول صمتي لا يقسّيك وغروري لا يغرّك
والله إنّي همت في حسنك ولا أدري وش مصيري

يوم شفت حزامك الفضة على الثوب (المورّك)
جاب قلبي كل نبضاته على اللحن العسيري

[واحد/محترم @1_mohtrm]

راح عمري ما تريّحت يالله المستعان
و الأمل في مقبلات السنين أربها

كل يوم اسجها من مكان اليا مكان
الدروب ادلها والرجوم اذبها

من غلا الي شانها في سويدا القلب شان
جادل سبة جروح الضمير وطبها

غاب عني بعد دارت دواليب الزمان
وذكرياته كل نسمة هبوب تهبها

جامعً صوته مابين التغنّج والحنان
ودي امسك كلمته لاهرج واحبها

[سلمان الجبعاء @SalmanAljabaa]

راجعه نفسي لعادتها القديمة
كل ماهب الهواء يا شهر مارس

للبحر وقفة على الدنيا مقيمة
مع طلوع الشمس وأصوات النوارس

حاجتي حاجه عواقبها وخيمه
دونها سورٍ طويل وعين حارس

مير ما والله يقنّع بالهزيمه
واحدٍ للرمح في صدره مغارس

اشهد اني يوم ذبيت الخريمه
مادريت اني عقبت بلاد فارس

للغزال اللي عطى للشعر قيمه
والقوام الغضّ والنجل الخوارس

محتمي لعيون ريم، شداد ريمه
حاذفٍ من دونها روس الفوارس

[محسن بن مترك @aprvip]

عقلي يركدني وقلبي مشلّع
وانا اعرفه ما يردعه نازح البيد
بويتات من السناب ):

[سعود بن مبارك @Saud_almshly_]

بين حي الهفوف وبين حي الوزيه
أحْتَشى خاطري والليل يرخي عباته

أتوادع معَّ يومٍ طوته العشية
وأتوجد على حلمٍ تلاشت رفاته

الضمير النقي لا شم ريح الخطية
شبت النار في ذاته على شان ذاته

ليت لجروحنا المستعصية مرجعية
كل جرحً يطيب نْرجعه لـ مْهاته

تاق قلبي على ذيك الرسوم الخليّه
كنّ قلبي يْطمني على ذكرياته

لعنبوا لايمي في حب نجد العذية
موّلد الشاعر المجروح و أغلى بناته

من عشق من ديار العزوة الفيصلية
ما يْلد النظر للغرب ومخلفاته

هايف القد: لو خانت يْديها يديّه
حبها فالحنايا ما تزعزع ثباته

طيفها كل ما مر العيون الشقية
أخلف الموّمن اللي خاشعٍ في صلاته

بعد ماشفت فيها الشِعر و الشاعرية
صار عندي على بدع القصيد استماتة

خيّرة العاديات الصفر ساس وهوية
ما ربت عند مَن يرفع عليها عصاته

تشرب التَّيْه قدام الوجيه القوية
كحلة عيونها تكحل عْيون الشماتة

واحدٍ ما كسب من ودها لو تحية
لو ينوش السماء بيديه وش منجزاته

كنت في ضفها مثل الخوي مع خويه
يْحفظ قيمته ويعرف يقرأ سكاته

لين شفت الرموش العكف صارت ندية
مثل حدّ الرهيف اللي تقاّطر شباته

قلت: ما دايم إلا وجه رب البرية
الوصال انتهى عمره وحانت وفاته

الخطا مستحيل يكون منها عليّه
غير هذا خطا قلبي وهذي جزاته

جعل يسقى علي عاد الحياة الشليه
قبل عوج الرقاب تْعاود الإلتفاته

يا عواذل ترى مانيب احفظ الوصية
من يبيني على ظنه يوفر وصاته

قلتوا الحب قلت: الحب أمان وحميّة
قلتوا الكره قلت: الكره يوّقض سباته

أذكروا قيس وش صابه من العامرية
وافزعوا لي قبل والله لاسوّي سواته

[د . ضيف الله العضياني @Daifal7]

شرف الخصومة ..

[ظافر بن فرحان @zafr_frhan]

السواليف حرشاء والوجيه وقوف
والمواري مواري البغض والصدًه

الذرب عبدالرحمن بن بديع

[الوالي @zreg_1]

من فوق جنة عدن ومن تحت جنة نعيم
ولوحات الارشاد لا تكتب ولا تنقري

أحب كل التمر بالذات تمر القصيم
خصوصاً البرحي المليان والسكري
- محمد الجعيد

فلسفة شاعر مبدع …
و كلاً يفسرها حسب ما يبدو له.
و الأجمل من تفسيرها تقبلها كما هي و الاستمتاع بتكرار سماعها .

[ناصر مناحي @Nmnaa7y]

في سيدي سمو ولي العهد الشيخ صباح الخالد حفظه الله ورعاه والجيش الكويتي حفظه الله ونصره ،

العب بيمناك يمناك أصقل من السيوف
مثل مافيها هلاك عداك فيها طرب

ما مثل وقفة صباح الخالد اللي نشوف
لو انّها شمس ما كان الشموس اتغرب

[إمارة المنطقة الشرقية @emara_sharqia]

قصيدة الشاعر فلاح القرقاح التي القاها في احتفال #إمارة_المنطقة_الشرقية بمناسبة #يوم_التأسيس